YOHANES 15:25 - ALLAH NIHYET MEM TUNGWATU NYA

²⁵ Ide ningon mpo tut Dati cut igkep Da bit leu nok ide Puig Yahudi nicukti nibokti di pai ‘Yoni ingon mpo tut Da mikui-kausi.’

YOHANES 15:25 ပူးပေါင်းရင်းမြစ်များ

MAZMUR 109:3

Igyon ttai da ba, ighyet mpung tut ningon sibui sut dati lene ihwen da mikui-kausi.

MAZMUR 69:4

Dahara ninno apino dinghuisi jet bibor ba, dikimam bok cem. Diyai njep dut drek dip gi dicem kep puig ser akwei mpu dati.

MAZMUR 35:19

Ma asindui sut ba, yo di imbuk tut da iba da bikek mikui-kausi au. Ma asindui sut ba, yo di ingon sibui sut da imbos-hi-mbos bingon kei kep da mikui-kausi au.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

KORINTUS GI NICAN 11:7

Tirigi ditri tut Nihyet Di Kei leu Allah bije lene dahara je mem gima jimpu da poi mien cem bi. Tug hon nisinati dima lene doom da ei bijehei leu binhyepo dibikon jinyeng. Diba nisinati dima biyai mun tunggwei sut jeni e?

NINGAT-HI-NGAT NYA 21:6

Noni pai bu “Hagom put tu! Dingat rin ei nimbie him kin ningwig honti. Dani ne Tuhan ei nimbie him kikau ug ei nohon keti ri. Midibindei ba, yo di inggobiau nya idem mem gima idut minyei leu minyei bousi di bindei bigyai niyaijo mikuisi.

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

TESALONIKA GI NICAN 3:8

Tirigi tungwatu nya iba njita bahati tut nye lene nirop hanyen biyok ba, ibipek mitiei leu nye. Nitindei kep jindati tut mun nyeng hi bi noro niyai kep midyai nya bikwop mmun-njap leu binhyepo nibuhun tak je bi.

GALATIA 2:21

Dingwes om kep Allah nisingat tut tungwatuti bi. Noro gino tungwatu nya igyai ingon di kwes kin Allah hanyen tug hon gi ibit Puig Yahudi niggai serti ne gima bindo bipia Kristus mai mikuisi!

ROMA 3:24

Noro Allah ba ningon di singat tut tungwatu nya mikuisi biyai ingon di kwes kin Noni hanyen tug hon Kristus Yesus di kwek yok leu sisar.

ROMA 3:19

Nyeni ikan tut bipia Puig Yahudi nicukti titut yam tak kep yo di icoi bit Nihyet dima ninyeng di tak kep yokti leu binhyepo bit bon hi pai mun bisu tindei kan bi ba, ndo brei bipia Allah gwam nok nikei di mbus tungwatu dihyeisi hagom ingonti.

YOHANES 10:34

Lene Yesus buhup “Bit leu nok gi ipas ei Puig Yahudi nicukti ‘Allah pai biyok bipia jeni ne awak di dipai tes nya ri.’

MAZMUR 7:4

Ditde tuhan Allah e, gino dingon koi ba,

YOHANES 19:36

Nidahat Yesus nimig bi dima pek kep nok gi ipas ei Allah nihyet bokti “Hi dahat ninjum gom bi.”

MATIUS 10:8

Ma jibindei ba, yo di inggwen ikei hanyen lene jiwin yo di imai nya bikiju hanyen leu imai eisi. Ma jibindei ba, yo di bras yem yok igyai ingkek ngun eisi hanyen ba, jijji ninnei rom nya leu tungwatu nya ingonti. Diyai nisindemti dini bije mikuisi hak bijipek bi. Gima rino ma jibindei ba, tungwatu nya ikei hanyen mikuisi hak ba, ibirop hanyen bije au.

YOHANES 13:18

Dikan igbit tut je di didimig je ei su. Dihyet di dibinut bu dini bitut jahagom bi. Allah nihyet pai ‘No di yem njita bit Da ham nimbuk kep Da.’