YOHANES 15:15 - ALLAH NIHYET MEM TUNGWATU NYA

¹⁵ Dijem je awak bu bi lewo awak nya ikan tut iceu niyai munti nya bi. Noro dijem je disut bat di dingon kieti nya lewo ditri tut mun di dimiap leu Dicig hagom bije tu.

YOHANES 15:15 ပူးပေါင်းရင်းမြစ်များ

MAZMUR 25:14

tuhan ne yo di ingon gom nya isut rin bimbot kep tut ningon kanti biyok.

NIPINGOK NINGONTI 18:24

Asut di ningon gom bi no rinaha noro no di jem nisut bit na bon ninyeng dor njiriek ade adig-ajoi nya.

AMOS 3:7

tuhan Di Ninyeng Jei Bibor kinyon ei Nide midyaiti nipou tirigi Noni tri tut bak Nide awak di nabi nya bigyo bi sren.

MATIUS 13:11

Noni buhup “Allah mbot kep mimun tut Ninyeng Tak Kepti bije tu noro Noni mbot kep mimun dima bak yo di hiter bi.

LUKAS 10:23

Lene Yesus kiek noho ndam yo di igya kui Noni bipai nyahan bak yongkom “Jingon nggei-hi-nggei lewo jingat mun dini yok hagom bou jiyai him tu!

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 13:16

Dipai nijit bije bipia awak ninyeng jei dor njiriek niceu ninyeng bi. No di pwoi srat buug sut cem ninyeng jei dor njiriek no di cuk noni tut srat dima ninyeng bi.

YOHANES 15:20

Ma jiyok ngon kep mun di dipai bije. Awak nya inyeng jei dor njiriek iceu ninyeng bi. Gino ihwen bit Dani lene mihwen bit jeni cem. Gino ibit Ditde ningginausi lene mibit jide ningginausi cem.

YOHANES 16:12

Dipi bidimbot kep tut dingon kanti mang bibor nogindini bije bu noro dikan bipia jibou ngwakti sibui sut tu.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 20:17

Yesus pai binoni “Ma anggriou Da hon tiri lewo dikui hanyen ug ei Dicig nidim bigyo. Noro ma aug ngat dikinjoi bat nya ba, apai biyok bipia dikui hanyen ndam Dicig dino jeni cem Jicig bidikui hanyen ndam Ditde Allah kin jide Allah.”

YOHANES 4:19

Misop dima buhup “Andigpoi e, jo nibreisi bipia Nani ne no di nabi ri.

YOHANES 8:26

Dipi bibou dimbrap tut mun nyeng mang bibor di bitut jeni ba, dipai kep je cem. Noro No di cuk Da kwei ningon sren-srau. Ditri tut nihyet di Noni sok ei Da dip hanyen bak tungwatu dihyeisi dini.”

KISAH 20:27

Lewo dingon tak kep Allah nihyet tut ningon kanti gom leu je bi sren.

ROMA 7:15

Dingon kiowi tut diyai kepti nya. Dipi bidiyai kep mun di igbit noro bit bon diyai gima yok kan bi leu api diyai kep mun di dingon mpo tut nya.

KORINTUS GI NIGOM 2:16

Bit leu nok gi ipas ei Allah nihyetti, “Tou rikan bidem tut Tuhan ningon kanti i? Tou ringginau Noni bipingok ningonti i?” Noro nyeni imbun nikanti di noyam kin Kristus nikanti!

GALATIA 4:6

Allah kes Nipmot Ninnei ei jeni kin nyeni ingonti lewo yahagom inok nipmot bat nya. Ninnei dima bindei ba, yahara Allah “Arig e, Arig e!”

EFESUS 1:9

Allah yai midyai bibit leu Nonti ningon kanti. Gima rino Noni mbot kep tut nimimun di Noni tin ei nipou su binye. Allah kos tut nipou su bipia ningon kanti mipek kep mem tungwatu nya tug hon Kristus.

EFESUS 3:5

Nipou ne hi mbot kep tut nimimun dima bak tungwatu nya bi. Noro tini bu ne Allah Ninnei mbot kep tut nimimun dima bak yo di igya kui Yesus kin Nide nabi nya.

KOLOSE 1:26

Nihyet dima ne nimimun di Noni ku bijo nding ri. Bit bon tungwatu nya ikan tut nihyet dima bi habiei leu nimbie him kikau kwei bipek ammani kep. Noro tini bu ne Noni mbot kep tut bak Nide limwa nya.

FILEMON 1:16

Nogindini noni nok awak mem nani he bi. Noro biyai dingon kei bibor dor njiriek bu lewo noni ne asut di angon kieti di ningon jo kep Kristus tu ri. Noni biyai dingon kei bibor noro mibiyai angon kei bibor dor njiriek bu lewo noni nok ade awak he bi noro noni nok asut di nok gom kin Tuhan cem!

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

YAKOBUS 2:23

Gima dem igbit Allah nihyet di ipas ei su “Allah pai sut Abraham bipia ningon kwes kin noni lewo ba ningon com Allah.” Gima rino Allah pai bak Abraham “Nani ne disut di dingon kieti ri.”

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

NINGAT-HI-NGAT NYA 1:1

Yesus Kristus mbot kep tut mun di mipek kep mem tungwatu nya ei nidipti bu. Allah ndo mun dini yok hagom biNoni leu binhyepo Noni mbot kep tut hagom hanyen bak Nide awak nya. Kristus sok nihyet tut mun di mipek kep ei nidipti bu ei Nide malaikati dip bak Nide awak di Yohanes.