YOHANES 15:11 - ALLAH NIHYET MEM TUNGWATU NYA

¹¹ Ditri tut mun dini hagom bije leu binhyepo dingon llei biborti coi ug ei jingonti bibindei ba, jingon llei biborti kei-kau.

YOHANES 15:11 ပူးပေါင်းရင်းမြစ်များ

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 62:4

Tungwatu nya mijem anyeng Minu Ndig Di Ikes Bijo Ei Bu Bi kin Minu Prenti bu bi. Noro mijem anyeng Minu Ndig Di Allah Ngondut kin Minu Niwak Cam. Gima hagom nok lewo tuhan joi sut na ba, Noni dem kep nijjep mem ade minu.

YEREMIA 32:41

Dijoi sut nibon mun di kei bak yoni bidibindei ba, ibong ei minu dini bijo ninno bijo kikau.

YEREMIA 33:9

Minu ndig Yerusalem minok minu ndig di biyai dingon nggei-hi-nggei kin dingon kei. Ngkiai nya bidem dihyeisi dini hagom mittin tut Da bidigit tut Da bikon dinyeng drek dip mun di kei di dibon mem timiei minu ndig Yerusalem kin nibong kei nigwam keisi di diyai bak minu ndig dima.”

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

LUKAS 15:23

Juug ba, jijem sapi nehen pap di pap-nap kei bijibui bijibam leu api yahagom ibon pesta kin ingon di llei bibor!

LUKAS 15:32

Noro suar nyeni ibon pesta bingon llei bibor drek dip akinjoi di mai su lo, niyaijo hanyen bu. Noni pror leu nye noro dingat ningat bou diyai him hanyen bu tu.’ ”

LUKAS 15:5

Tirigi noni ttau kep domba di srawir lene nillei ngwig sut leu api kon bikes ei ninghat dip,

LUKAS 15:9

Tirigi noni ngat tu ne nduk nisut bat nya kin nide bat nya yahagom kwei bipai biyok “Ma jingon llei bit da lewo dingat mitiei di pror pima hanyen tu!

YOHANES 16:24

Leu nimbie him kikau kwei bipek ammani kep jahara Da tut mun nyeng hi tug hon dinyeng bigyo. Ma jahara Da leu api jiyai mun dima leu binhyepo jiyai nillei titut yam ei jingonti.”

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

YOHANES 17:13

Jei bi ne dihwou ndam Na. Noro ditri tut dihyet dini hagom brei tirigi digwam ei dihyeisi dini leu binhyepo yo di ibit Da igyai Ditde ningon llei titut yam ei ingonti.

YOHANES 3:29

Bit leu nok pinai pilei di wak nitnem. Nongkom ninyeng tak kep sop gwam nitta pilei di noni yok wa kep tu. Noro nisut di ya kui noni ntu kep nihyet apino ningon llei sut. Nok gima tut dani cem. Nogindini diyai nillei titut yam ei dingonti.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

KORINTUS GI NICAN 1:24

Diwit huk je tut mun di suar jingon jo kep nya bi. Lewo nikan tut bipia jingon nddong kei sut jide niba ningon com Kristusti. Noro diyai midyai ei jikieti leu binhyepo dibiyai jingon llei bibor.

EFESUS 5:18

Ma jisindui sut ba anggur ningei pu je au. Lewo gima bindei ba, jiyaijoti kinei bibor. Noro ma jiyai jingon di mpung tut Allah Ninnei nisindemti.

FILIPI 1:25

Dingon ngkiem tut dingon kanti gom ndia. Gima rino dikan tut bipia midigwam bit je leu binhyepo dibimpu je. Tug hon nisinati dima dibindei mbut jide nisindemti kin jide ningon llei biborti drek dip jingon jo kepti.

TESALONIKA GI NIGOM 5:16

Ma jingon llei bibor bikwop mmun-njap.

PETRUS GI NIGOM 1:8

Mbro nok gino jingat Noni bou jiyai him kwei bipek ammani kep bigyo lo, jingon ngakei Noni. Mbro nok gino jingat Noni bou jiyai him mem nijam dini bi lo, jingon jo kep Noni. Gima rino jingon llei lewo jingon nggei-hi-nngei bibor ba, bit bon jipai sut ei juhui him bi.

YOHANES GI NIGOM 1:4

Nipas kep srat dini leu binhyepo yahagom igyai nillei titut ei ingonti.

YOHANES GI NICAN 1:12

Dipi bidipui kep bina tut mun nyeng mang bibor bu noro dingon hukti bipia dipas kep tut ei srat diniti bi. Diyok dingon mem nituti di dihwou cem kep na leu binhyepo simbrap bit yam tut lene gima mibindei ba, sillei ngwig ei singonti.