YOHANES 15:1 - ALLAH NIHYET MEM TUNGWATU NYA

¹ “Dani ne ba anggur ninjem di ningat-ngat ri. Dicig ne No di nyohou miai ba anggur nghousi ri.

YOHANES 15:1 ပူးပေါင်းရင်းမြစ်များ

DIUN MIMUN 7:12

Akwei ba, siba njap tekti bisuug ei miai ba anggur nghousi leu binhyepo siyok siyai kep ba anggur nitou di bimbuk ba, nitou kieng tu e? Apo delima nitou gwam niti tu e? Leu api siyem njita tut yam ei sirima.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

YESAYA 60:21

Ade limwa nya mibrim ingkek mem mun di igbit. Yoni miba yo kep minu dima bijo ninno bijo kikau. Inoyam kin biei kioi gom di dipai tes bidita leu binhyepo bindo tut Ditde nikei-kau-keisi ei nibreisi.

YESAYA 61:3

Noni bindei ba, timiei Sion di ingon ngguk bibor igyai nillei. Yo di ingon buhun bibor nya migyai ningon di nggan-triot hanyen. Noni bindei ba, iba doia di ibinggei sut Allah biluei ningon kineisi. Mpe dima lene idem kep nok biei mon di tuhan Nonti ta. Igyai munti nya hagom nok igbit ba, kei bibor cem bibindei ba, tungwatu nya ikon tuhan ninyeng di jei bibor.

YEREMIA 12:10

Nibou ndig ngkiai nya imang bibor inda jo kep Ditde miai ba anggur nghousi binggek tu. Itug-tug nyen gandum ei Ditde ngoi dumti nya cem tu. Ibindei ba, Ditde minu di kei-kau bidem kep iggum ndigsi di mpia mbum-bra bram.

YEREMIA 2:21

Dita je bijinok ba anggur nikioi di kei bibor. Noro tini bu ne jinok ba anggur di ngoi-nga di bit bon ngat ningat kan bi.

YEHEZKIEL 19:10

Apmem dem kep ba anggur di nnum kei di hei ei biei anggur nghousi dideu minyei pmot. Noni hei binimeng nggrou bingat ningat mang bibor lewo mpia dima bon minyei nok gi dem.

HOSEA 10:1

Nipou ne mben Israel idem kep biei anggur di ningat hun tut. Ndigban di inyeng tut kum eisi bimang lene nimbar hum dok di iwin cem kum eisi bimang. Mun nyeng hagom di dem mem yok kum eisi lo, itas cou tig di kei-kau bibiyok ngon kep ide kwar di ikuk yok bak nya.

ZAKHARIA 3:8

Imam Nibou Ndig Yosua kin je di imam nya di jiya kui noni e, ma jingig jitingou mem dihyet. Jahagom jinok bindo tut nijam di kei ei nidipti bu ri. Midihig Ditde awak di ninyeng ‘Biei Biop’ kwei.

MATIUS 15:13

Yesus buhup “Dicig ei gwamti mohom njita kioi di Noni ta bi nya hagom.

MATIUS 20:1

Allah Ninyeng Tak Kepti rinok miai ceu gom di mbut mem njap bigyoti binggok tungwatu di igyai midyai bi nya leu binhyepo igyai kep midyai ei nide ba anggur nghousi.

MATIUS 21:33

Yesus pai biyok “Dipai dihyet nibiti nindati gom kin bu bije. Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima pot ba anggur ningei eisi. Lene hok ig jibei cem ser. Hagom put tu lene noni ndo midyai dima bak yo di inyohou ba anggur kan ba, ibitug ndei imuhup leu api noni mbut ug ei minu ting leu.

MARKUS 12:1

Leu api Yesus ba nihyet nibiti nindati bingginau yok bipai “Mpe di gom ne miai ceu gom ug yai midyai ei ba anggur kioisi leu api bon ngug ser ba, heu huk nindig bibor mem gima ipot ba anggur ningei eisi. Lene hok ig jibei cem ser. Leu api noni ndo midyai dima bak yo di inyohou ba anggur nghousi kan ba, ibitug ndei imuhup leu api noni mbut ug ei minu ting leu.

LUKAS 13:6

Gima ngwig leu lene Yesus ba nihyet nibiti nindati bingginau yok bipai “Mpe di gom ne tungwagom nide biei ara hei srig nide ba anggur nghousi leu api noni ug nggok ningat di ntun him noro ngat hi bi.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 1:9

Nipigati dima ne nipigati di nijit rin ba, kwei ei dihyeisi dini leu binhyepo piga ei tungwatu nya yahagom ingonti.

YOHANES 15:2

Bikwop ninda di tug Da lo, ningat ntun him bi ne Noni sriot leu hak ug. Noni kot ninggrupti bipe nimeng bihi leu ninda di ningat ntun him leu binhyepo ningat hi kin ntun him bu.

YOHANES 6:32

Lene Yesus buhup “Dipai nijit bije bipia Musa yai roti leu gwamti bije bi noro Dicig yai roti ningat-ngat leu gwamti bije.

YOHANES 6:55

Lewo dinghui ne njita ningat-ngat rin ba, dinggrom cem ba anggur ngei ningat-ngat ri.

ROMA 11:17

Allah sriot biei zaitun nitu (biei dini ne mben Yahudi ri) di Noni nyohou dima ninda hi leu leu api ngot biei zaitun sisron ninda hi hanyen biluei niceti. Je di ngkiai nya jinok biei zaitun sisron dima ninda ri. Allah ngot je kin biei zaitun nitu leu binhyepo jima mben Yahudi ide mun di kei di ntun niyaijo di bitut ninnei him.

KORINTUS GI NIGOM 3:9

Nyeni nibicom yam nok gom ba, niba nye bikum Allah biniyai kep Nide midyai nya. Jeni ne Allah de miai ngwoisi ri. Jeni ne Allah de ig ri.

YOHANES GI NIGOM 2:8

Mbro nok gima lo, gini ne nicukti di nijep ri. Kristus niyaijoti kin jeni jiyaijoti hacem ndo brei binye bipia gini ne nicukti di nijit ri. Nidinditi sindi pren sindam ba, nipigati di ningat-ngat sindi com nimig bu.