YOHANES 14:6 - ALLAH NIHYET MEM TUNGWATU NYA

⁶ Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 14:6 ပူးပေါင်းရင်းမြစ်များ

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:17

Ide Tuhan yai nicukti binye tug hon Musa noro ndo nisingat tut nyeti kin Allah de ningon gomti brei binye tug hon Yesus Kristus.

YOHANES 1:4

Nihyet dima ne nibousi mem niyaijo nijep ri. Niyaijo nijep dima ne nipigati di piga ei tungwatu nya ingonti ri.

YOHANES 10:28

Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 10:7

Gima rino Yesus pai biyok hanyen bu “Dipai nijit bije bipia Dani ne dimbou mem domba nya icoi kak ri.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

YOHANES 14:19

Jei bi lene tungwatu dihyeisi dini ingat Da bou igyai him bu bi. Noro mijingat Da hanyen bu. Mijiyai niyaijo nijep tug hon Ditde niyaijoti.

YOHANES 15:1

“Dani ne ba anggur ninjem di ningat-ngat ri. Dicig ne No di nyohou miai ba anggur nghousi ri.

YOHANES 18:37

Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

YOHANES 5:21

Bit leu nok Nicig win yo di imai nya bibindei ba, igyaijo hanyen lene Nipmot cem bindei ba, tungwatu nya igyai niyaijo hanyen bit leu ningon kanti.

YOHANES 6:33

Lewo roti di Allah yai bije dima ne No di juk kwei leu gwamti biyai niyaijo nijep bak tungwatu dihyeisi dini nya ri.”

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

YOHANES 6:57

Dicig di cuk Da kwei ne niyaijo nijep nibousi ri. Diyaijo tug hon Noni. Nok gima cem tut no di yem dinghui. Noni yai niyaijo nijep tug hon Da.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

YOHANES 8:32

Leu api mijingon dorti tut Allah nihyet di nijit-jau ba, Noni bindei kwek je leu awak bijiyati kwes drek dip.”

YOHANES 8:51

Dipai nijit bije bipia no di bit dihyet mai bu bi sren.”

KISAH 3:15

Jibindei ba, No di nok nibousi mem niyaijo nijep dima yai nimai. Noro Allah kon Noni hanyen leu nimai eisi. Ningat nikiju hanyenti bou nyeni niyai him tu.

KISAH 4:12

Tungwatu nya igyai niteu leu sisarti kin niyaijo nijep tug hon Yesus Nongkom he. Lewo tungwa hi leu tungwatu nya ikieti ei dihyeisi dini nisurti-nipekti hagom gi yai nisindemti leu Allah mem gima teu nye leu sisar kan bi.”

KISAH 9:2

bahara noni tut srat nisindemti mem noni pwoi buug sut ei minu ndig Damsyik leu binhyepo nibou mbusyamei Yahudi nya ei minu ndig dima ice tut gi noni nggok ser yo di ingon jo kep Yesus bikat pinai nya kin sop nya cem bibuwak yok hanyen kwei ei minu ndig Yerusalem.

ROMA 15:16

Noni dimig da bidinok awak mem Kristus Yesus bipinak da leu binhyepo dimpu ngkiai nya. Ditri tut Nihyet Di Kei di kwei leu Allah lene diyai dibou tut yok nok imam leu binhyepo Allah Ninnei dimig yok ei noyam kin mindhe di imam nya ikes ei nimbar hum dokti di bindei ba, Allah joi sut yok. Handei kon ba, Allah Ninnei bindei ba, inok mindhe pima di Noni dimig pijum ei mem Allah.

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

KORINTUS GI NIGOM 15:45

Bit leu nok gi ipas ei Allah nihyetti “Allah pai tes Adam nok no di nigom di niyaijo ba, ninnei joti.” Noro Adam di ya nohon keti ne Ninnei di yai niyaijo nijep bak tungwatu nya ri.

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

KOLOSE 2:17

Mun dima yok hagom tereu nok mun di mipek kep ei nidipti bu ningwes di ingat ei kisinati he. Noro Kristus ne ningat-ngat ri!

KOLOSE 2:9

Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.

KOLOSE 3:4

Jide niyaijoti di mungkun nibousi rino Kristus. Tirigi Noni ttau hanyen kwei ne mijiya bibie bit Noni ei Nide nikei-kau-keisi.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

IBRANI 9:8

Allah Ninnei ndo brei binye tug hon nidimig sutti dini yok hagom bipia gino Ninsi Di Kwes kau bigyo ne dimbou kau leu Ninsi Di Kwes-Kwau bigyo.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 2:4

Gima rino ma jikwei tti kin Noni lewo Noni ne tig di niyaijo ri. Ningot kep ig cig nya ikou sut tig dima noro Allah dimig tig dima ei lewo kan tut bipia bon ninyeng mem ig nikiou.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

YOHANES GI NIGOM 1:8

Gino ipai sisar hi ntun nye him bi ne gima nok iris nyenti ba, Allah ningat rin ei ingonti bi.

YOHANES GI NIGOM 2:23

No di rok Nipmot rok Nicig cem. No di cigit Nipmot ei ningonti cigit nicig cem.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YOHANES GI NIGOM 5:6

No di srek kwei ei dihyeisi dini ne Yesus Kristus rin ba, Noni kwei yai nitur No ei minyeiti ba, ninggrom siber tug hon nimaisi cem. Noni kwei sut minyei he bi noro kwei sut minyei kin ninggrom. Allah Ninnei ngat gini bou niyai him bitri tut bipia hagom ne nijit rin lewo Noni ris bi sren.

YOHANES GI NICAN 1:9

No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

NINGAT-HI-NGAT NYA 22:1

Malaikati dima ndo minyei di biyai niyaijo bida. Minyei dima pimbai kei dem kep kristal di biam kwei leu Allah kin Domba Pmot ide banggo mbrei,

NINGAT-HI-NGAT NYA 22:17

Allah Ninnei kin no di Sop di miwak Nijjep pima ipai “Jikwei!” Suar yo di imiap nihyet di jo ei srat diniti ibinut bu bipai “Jikwei!” No di nggobiau suar kwei! Ma no di ningon joi sut minyei kwei dut minyei di bindei bigyai niyaijo mikuisi.

NINGAT-HI-NGAT NYA 3:14

“Apas srat dini bak malaikati di buhup tut mbusyamei ei minu ndig Laodikia. Nipas kepti dini kwei leu No di ninyeng No Di Igbit di ba ningon gom kin ningon sren bitri tut mun di ngat bou niyai him. Noni ne nibousi mem Allah De nipai testi hagom ri.

NINGAT-HI-NGAT NYA 3:7

“Apas srat dini bak malaikati di buhup tut mbusyamei ei minu ndig Filadelfia. Nipas kepti dini kwei leu No di kwes-kwau di ningon gom. Noni krau kusin di Daud krau. Gino Noni kau dimbou ne bit bon hi nggam mbou hanyen kan bi. Gino Noni nggam mbou ne bit bon hi kau dimbou dima hanyen kan bi.