YOHANES 14:3 - ALLAH NIHYET MEM TUNGWATU NYA

³ Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

YOHANES 14:3 ပူးပေါင်းရင်းမြစ်များ

YOHANES 12:26

No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 14:28

Jimiap dihyet di dipai bije ‘Dimbut rin noro midikwei ngat je hanyen bu.’ Gino jingon ngakei Dani lene mijingon llei sut gi dingkwei hanyen ndam Dicig lewo Noni ninyeng jei dor njiriek Da.

YOHANES 14:4

Jikan tut puig di bie ug ei mpia ttou nsi dima.”

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

KISAH 1:11

bipai biyok, “Je di mben Galilea e, nggon rino jiya hak bijitou kep mpia-bbed him i? Allah kon Yesus bikui ug ei gwamti leu joho bei. Noni mikwei hanyen tug hon nisinati di jingat bou jiyai him aponi dima yo.”

ROMA 8:17

Gino nyeni ne nimunggwom bat nya rin ne imbun mun di kei di Noni bet ei mem nimunggwom bat nya. Ba, imbun mun di Allah bet ei mem Kristus cem lewo inok gom kin Noni. Leu gino ipriet kin Kristus ninghuisi wei ne ipriet kin Kristus nikei-kau-keisi nya cem.

FILIPI 1:23

Lewo dingon kanti can brim da. Dimpig bou sut gima dikes diyaisi ei ba, duug gwam bit Yesus lewo gini kei bibor mem da.

TESALONIKA GI NICAN 1:12

Tug hon nisinati dima mijinggei sut Tuhan Yesus ninyeng ba, Noni minggei sut jeni cem tug hon ide Allah kin Tuhan Yesus Kristus ide nisingat tut jeti.

2 TIMOTIUS GI NICAN 2:12

Gino iba ibou coi mem mun di buhun tak nye lene inok nibou mem ninyeng tak kepti bit Noni. Gino ibikep ser Noni lene Noni cem mibikep ser nyeni.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

NINGAT-HI-NGAT NYA 3:21

Midisindui sut yo di ibindei cut sisar nisindemti bigwam kui Da ei Ditde banggo mbrei bit leu nok Dani cem dibindei cut sisar nisindemti ba, nogindini digwam kui Dicig ei Nide banggo mbrei.