YOHANES 14:27 - ALLAH NIHYET MEM TUNGWATU NYA

²⁷ Diyai ningon di jo nyahan bije. Ningon di jo nyahan dima ne Ditde rin ba, dikwas ndrim hi tut je. Ningon di jo nyahan di diyai bije noyam kin ningon di jo nyahan di tungwatu dihyeisi dini igyai bije bi. Ma jingon bos-bos nyen ba, jingon digit cem au.

YOHANES 14:27 ပူးပေါင်းရင်းမြစ်များ

NIBOHON MBEN ISRAEL GI NICAN 20:30

Gima rino Yosafat ninyeng tak kep mem nijam di mpia mbum-bra dima. tuhan bindei ba, timiei Yehuda nya ibong kei igwam kei bidem minu di Yosafat ninyeng tak kep nisurti-nipekti hagom.

AYUB 34:29

Gino Allah kos tut bipia Noni migwam bimmou hak bibon mun nyeng hi bi lene bit bon tungwa dima ba nihyet yai Noni kan bi. Gino ku niimaisi leu yok lene bit bon tungwa hi dima ngat Noni kan bi.

MAZMUR 11:1

Doia Daud mem no di bie tut doia nimpung. Diba dingon com tuhan bidiya coi Noni. Dem tut gima hi pai bida “Anang ba, angwes ngun nok ha di dimba ug ei nungug him,

MAZMUR 112:7

No dima ningon digit tut nihyet di kinei di miap bi ba, ningon ngkiem kei lewo ba ningon com tuhan.

MAZMUR 27:1

Doia Daud. tuhan ne nipigati di piga digai da kin No di teu da leu sisar biyai niyaijo nijep bida cem ri. Gima rino dittin tut tungwa hi bi. Noni ne tentara nibousi di diya coi. Gima rino dinghuisi mpig sut mun nyeng hi bi sren.

MAZMUR 28:3

Ma abindei sar da bit yo di isibut dima yok au. Yo dima ighyet mmau noro ingonti mpung tut mun di mpiei.

MAZMUR 29:11

Dijoi sut gima tuhan sindem tut Nide limwa nya bibindei ba, ibong kei igwam kei cem.

MAZMUR 56:11

Dikon tuhan Allah ninyeng tut mun di Noni preu ei mem da tu.

MAZMUR 56:3

Allah Di Ninyeng Jei e, yo di ihwen bit da ico kep da bijo njap jei ba, yo di ihwen da imang bibor.

MAZMUR 72:2

leu binhyepo ninyeng tak kep Ade limwa nya kin ningon gom ba, ba ningon sren bibon yo di indwau nya cem.

MAZMUR 72:7

Abindei ba, ningon kwes kin yamti kieng kep tungwatu nya mem nijam di nibou ndig ninyeng tak kep ba, tungwatu nya ibong kei igwam kei kikau ug bipek bed mmun com ninjeng bu bi.

MAZMUR 85:10

Ningat ne Noni tindei ser nituti tirigi Noni teu yo di ittin tut Noni bingwes ngun. Allah Di Ninyeng Jei miningat rin bit nye ei ide minu.

MAZMUR 91:5

ser nhyepo adigit tut ninnei rom nya di ilus-lus nyen mem mmun kin yo di isibut di mihwen na mem mpia nicomti,

NIPINGOK NINGONTI 3:25

attin tut mun di buhun di kwei kros binok hou sigau di kwei hwen yo di isibut nya cem bi.

YESAYA 12:2

Ningat ne Allah ne No di teu da di dingwes ngun rin ba, diba dingon com Noni. Digittin bi lewo Noni sindem tut da. No di teu da di dingwes ngun rino Allah ba. Midipai doia bak.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 41:14

tuhan pai “Je di mben Israel e, mbro nok gino jimang bi ba, jinghuisi wei lo, ma jittin au. Lewo Da di tuhan midimpu je. Dani ne mben Israel ide Allah Di Kwes-Kwau ba, diteu je bijingwes ngun.

YESAYA 54:13

Ade limwa nya yahagom minok munggwom di icoi pikor leu api dingginau yok. Yoni minyeng tut mun di bindei ba, ibong kei igwam kei.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

YESAYA 57:19

Midibindei yo di yahagom bitut yo di ibong dideu kin yo di ibong ting cem mibong nyahan. Midibindei ba, Ditde limwa nya ikei hanyen.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

YEREMIA 1:8

Ma attin tut yok au. Midingat rin bit na leu binhyepo dinyohou na. Da di tuhan disimbot dat tu!”

NIBWOS-BWOS NYENTI 3:17

Dibong kei digwam kei bi mimbrek tu o! Dibbwe ser ningon nggei-hi-nggeisi tu o!

YEHEZKIEL 2:6

Na di tungwatu di ayaijo kikau bi e, ma attin tut yo di ingkek ndok dima yok kin ighyet au. Mbro nok gino isrep tut bingwes om kep na ba, gima noyam kin gino abong bit amai nggre nya lo, ma attin tut yok au.

DANIEL 4:1

Nibou Ndig Nebukadnezar sok nihyet ei nide awak nya dip bak timiei minu nya kin mben nya kin gi imbrap nihyet hiter nya ei dihyeisi dini hagom bipai biyok a, “Ma ningon jo nyahanti kieng kep jahagom!

DANIEL 6:25

Leu api nibou ndig cuk yo di igya ser nya bikat yo di ibakilak Daniel pima kwei leu api injei yok ug ei jui singa dimati bitut itnem bat kin imunggwom bat nya yahagom. Nipou tirigi icut kikau ug ei jui jou dima bigyo lene singa yaham yok bikinam injum bingwig.

ZAKHARIA 6:13

Noni rimiwin Ditde Ig ba, tug ndei ninyeng di jei di noyam kin nibou ndig ba, ninyeng mitak kep nide limwa nya. Imam gom miya kui noni ba, yahacem miba ningon kei sut yamti kin ningon kwes kin yamti bigyai midyai.’

MBEN ISRAEL IMBUT-MBUT NYEN 6:26

Handei kon ba, tuhan ngondut jeni bibindei ba, jingon jo nyahan.”

MATIUS 10:26

“Ma jittin tut tungwatu nya au. Ninjeng gom mipiga digai mun nyeng hagom di jo nding hanyen. Nihyet gom mitibim tut mimun hagom hanyen.

LUKAS 1:79

Nok gima lene Noni piga digai puig mem yo di ibong ei nidinditi ba, idigit tut igyaijo ningwig honti. Noni minyohou bie tut nye kak puig di bie ug ei nibong kei nigwam keisi.”

LUKAS 10:5

Tirigi jicoi ug ei ig bei hi lene ma jipai biyok ‘Handei kon ba, Allah bindei ba, jibong kei jigwam kei.’

LUKAS 12:4

“Disut bat jen! Ma jiyok ngon kep! Ma jittin tut yo di ikimukep jingut au. Lewo bit bon igyai mun di buhun dor njiriek gima bije kan bi.

LUKAS 2:14

“Ma inggei sut Allah di Ninyeng Jei ei gwamti o! Ma yo di Tuhan joi sut yok nya ibong kei igwam kei ei dihyeisi dini o!”

YOHANES 14:1

Yesus pai biyok “Ma jingon buhun bijingon bos-bos nyen au. Ma jiba jingon com Allah lene jiba jingon com Dani cem.

YOHANES 16:33

Ditri tut dihyet bije leu binhyepo jingon jo nyahan tug hon jinok gom kin Da. Tungwatu dihyeisi dini igyai ninghuisi wei bije. Noro ma jibrim jingkek! Lewo dihwen bitimek nisindemti nya ei dihyeisi dini tu!”

YOHANES 20:19

Mmun tu ba, mben Yahudi ide las gom tun tu. Yo di igya kui Yesus induk yam kwei ei ig bei bilit ser dimbou nya bingkiem lewo ittin nibou mben Yahudi nya. Idrui sut lo, Yesus ttau kros hak biya ei ikieti lene pai biyok “Dwai! Ma jingon jo nyahan.”

YOHANES 20:21

Lene Yesus pai biyok mbigom kin bu “Ma jingon jo nyahan. Dicuk je ug ei dihyeisi dini noyam kin Dicig cuk Da kwei ei dihyeisi.”

YOHANES 20:26

Ari gom bu lene yo di igya kui Yesus induk yam hanyen kwei ei ig bei lene Tomas cem gwam bit yok. Mpe dima cem ilit ser dimbou nya bingkiem noro Yesus ttau kros hak biya ei ikieti bipai biyok “Ma jingon jo nyahan.”

KISAH 10:36

Disut bat jen, jikan tut nihyet di Allah sok bak mben Israel. Nihyet Di Kei dima bie ndam ingon di kwes kin Noni tug hon Yesus Kristus di nok Tuhan mem tungwatu yahagom.

KISAH 18:9

Mpe di gom ne Paulus ngat-hi-ngat mem mmun bingat lo, Tuhan pai binoni “Ma adigit tut tungwatu nya au. Ma atri tut nihyet kikau lene ma akes ahyet hon au.

ROMA 1:7

Gima rino dipas kep srat dini mem je. Nnaba Icig Allah kin Tuhan Yesus Kristus isingat tut je ba, igyai jingon jo nyahan.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 5:1

Nogindini nyeni ingon kwes kin Allah hanyen tug hon ide niba ningon com Noti. Gima bindei ba, igyai ingon di jo nyahan ei Allah Noho bei tug hon ide Tuhan Yesus Kristus.

ROMA 5:10

Gino ei nijam di iba nitok bak Allah lo, Noni bakei nyeti tug hon Nipmot nimaisi lene jo nibreisi bipia nogindini tirigi Allah jem nisut bit nye dini ne Noni teu nye leu sisar biyai niyaijo nijep binye lewo Kristus niyaijo hanyen tu!

ROMA 8:6

Gino ningut kanti di ntun dihyeisi dini him pingok kep jibou ngwakti ne nimai ntun him. Gino Allah Ninnei ningon kanti pingok kep jibou ngwakti ne niyaijo nijep kin ningon di jo nyahan ntun him.

KORINTUS GI NIGOM 1:3

Handei kon ba, Icig Allah kin Tuhan Yesus Kristus isingat tut jeni ba, ibiyai jingon jo nyahan.

GALATIA 1:3

Handei kon ba, Icig Allah kin Tuhan Yesus Kristus isingat tut je ba, ibiyai jingon jo nyahan.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

GALATIA 6:16

Handei kon ba, Allah singat tut Allah de limwa nya di ice tut bibit dicuk jeti dini yahagom ba, ingon jo nyahan.

FILIPI 4:7

Gima mibiyai ningon di jo nyahan di kwei leu Allah di bit bon tungwatu nya ingon dorti tut kan bi ya bingkiem ser jingonti kin jibou ngwakti di nok gom kin Kristus Yesus.

KOLOSE 1:2

bak Allah de limwa. Jeni ne nisut bat nya ei minu ndig Kolose di jingon gom ba, jinok gom kin Kristus. Handei kon ba, Icig Allah singat tut je biyai jingon jo nyahan.

KOLOSE 1:20

Allah kos tut bipia Noni ba Nipmot bibakei nipai testi nya hagom bitut mun di jo ei dihyeisi dini kin mun di jo ei mpia-bbed him cem kin Noni hanyen. Noni bakei mun dima yok hagomti tug hon Nipmot nimai ei biei salibti.

KOLOSE 3:15

Ma ningon di jo nyahanti di ntun Kristus him bie tut jide nikos tutti nya. Lewo Allah mbus je ba, jibicim tindei yam nok ningut gom leu binhyepo ningon di jo nyahanti di ntun Kristus him dima yai jingonti bidut nihim. Lene ma jipai sigyo bak Allah.

TESALONIKA GI NICAN 1:2

Handei kon ba, Icig Allah kin Tuhan Yesus Kristus isingat tut je ba, ibiyai jingon jo nyahan.

TESALONIKA GI NICAN 3:16

Handei kon ba, Tuhan Nonti di nok nibousi mem ide ningon di jo nyahanti yai jingon jo nyahan bitut mun nyeng hagom bikwop njap-njap. Handei kon ba, Tuhan ningat rin bit jahagom.

2 TIMOTIUS GI NICAN 1:7

Ninnei di Allah yai binye bindei ba, ingwes mien bi noro sindem tut nye biyai ningon ngakei yamti kin noom ningon binye.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

IBRANI 7:2

Leu api Abraham kwas mun di pos leu nibou ndig nya gom leu ningot gom lene nok tut Melkisedek. (Ninyeng Melkisedek nibimbiti pai “Nibou Ndig di ninyeng tak kep Ningon Srenti” rin ba, ninyeng hi bu rino “Nibou Ndig di ninyeng tak kep Ningon Jo Nyahanti” lewo noni ne nibou ndig ei minu ndig Salem ri.)

NINGAT-HI-NGAT NYA 1:4

He disut bat je di jingat rin ei mbusyamei ningat muhwindacan ei hanjop Asia e, dani ne Yohanes ri. Handei kon ba, Allah singat tut je biyai jingon jo nyahan. Nipigo jeti dini leu Allah di ningat rin annani cem ammani cem di mikwei hanyen yo cem kin ninnei muhwindacan di igya ei Allah de banggo mbrei Noho bei,

NINGAT-HI-NGAT NYA 2:10

Ma jittin tut ninghuisi wei di jei bi mijiyai au. Jimiap e, Bilis bingon je bibindei ba, tungwatu nya mikat je bijisima ei ig bui nsi leu api jiyai ninghuisi wei kikau ug ei njap simnai. Mbro nok gino ibindei bijimai lo, suar jingon gom tut Da leu api midiyai niyaijo nijep di jo kikau nok munkwas bije drek dip jide nibindei cut yokti.

NINGAT-HI-NGAT NYA 21:8

Noro yo di ingwes ttin kin yo di itri Da kin yo di irom ndok kin yo di ihwen mun kin yo di icut tut yam kin yo di inda dut kin yo di ikuk yok bak kwar nya kin niris kep mun cig nya yahagom mitug ndei hukum ei muk hum belerang di cig-cai ba, gini ne nimai gi nican ri.”