YOHANES 14:23 - ALLAH NIHYET MEM TUNGWATU NYA

²³ Yesus buhup “No di ningon ngakei Da bit Ditde ningginausi. Dicig cem ningon ngakei noni leu api Dicig kin Dani nikwei coi ei ningonti.

YOHANES 14:23 ပူးပေါင်းရင်းမြစ်များ

NITRITI 1:26

Lene Allah pai bu “Nogindini ma ipai tes tungwatu nya noyam kin nyeni ba, idat nyeti. Leu binhyepo inyeng tak kep wau nya kin ha nya kin mindhe-ndhe nindigsi nya hagom. Gi hi di tungwatu nya ighyen kep kin gi hi di ibong bigbehei nya kin gi nindig nya kin nimien nya cem hagom.”

NITRITI 11:7

Nna ba nyeni nihwou ndam yok ba, ninggek tut ighyet leu binhyepo imiap yam hyet bu bi.”

MAZMUR 90:1

Nadi Musa di Allah De awak. tuhan e, Nani ne mpia di niya coi habiei ei nimbie him kikau kwei bipek ammani kep ri.

MAZMUR 91:1

No di bisau ndam Allah Di Ninyeng Jei Bibor di miya srak ko hagau noni kin no di ya coi Allah Di Sindem Bibor,

YESAYA 57:15

Lewo Allah Di Ninyeng Jei Bibor di Kwes-kwau cem gi ninyeng tak kep bijo ninno bijo kikau cem pai “Digwam ei mpia di anai di nok mpia di kwes-kwau. Noro digwam ei yo di yoom kep ingonti kan nya kin yo di ingon ngguk tut ide sisar nya ikieti cem leu binhyepo dipui dihyet tut ide nibrim ningkekti kin ide niba ningon comti hanyen.

YOHANES 10:30

Dicig kin Dani ninok gom kin yam.”

YOHANES 14:15

“Gino jingon ngakei Da lene jibindei mbut Ditde nicukti nya.

YOHANES 14:17

No dima ne Ninnei Gi Kwes di mbot kep tut Allah de nijit-jausi bije ri. Bit bon tungwatu dihyeisi dini igyai Noni ei ingonti kan bi lewo bit bon ingat Noni bikan tut Noni cem kan bi. Noro jikan tut Noni lewo Noni gwam bit je ba, Noni nok gom kin je cem.

YOHANES 14:21

No di ce tut bibit Ditde nicukti nya ningon ngakei Da. Dicig ningon ngakei no di ningon ngakei Da. Dani cem dingon ngakei noni bidindo Danti brei bak.”

YOHANES 14:24

No di ningon ngakei Da bi dima bit Ditde ningginausi cem bi. Ningginausi di tibim ei jitingou nsi kwei leu dingon kanti bi noro kwei leu Dicig di cuk Da kwei ningon kanti.

YOHANES 15:10

Gino jibindei mbut Ditde nicukti nya apino jingon gom tut Ditde ningon ngakeisi. Gima noyam kin dingon gom tut Dicig Nide ningon ngakeisi tug hon gi dibit nicukti nya.

YOHANES 16:27

Lewo Dicig ningon ngakei je drek dip gi jingon ngakei Da bijingon jo kep bipia dikwei leu Noni.

YOHANES 6:56

Bikwop no di yem dinghui bidut dinggrom cem lene no dima ningon jo gom kin Da ba, dingon jo gom kin noni.

YOHANES 8:51

Dipai nijit bije bipia no di bit dihyet mai bu bi sren.”

YOHANES 8:52

Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren.

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

EFESUS 3:17

Handei kon ba, Kristus gwam nyahan ei jingonti tug hon jide niba ningon com Noniti. Ma jicom jigau ei ningon ngakei yamti ba, ningon di ngakei yam mpung ei jingonti,

YOHANES GI NIGOM 2:24

Gima rino ma jinyohou nihyet di jimiap habiei tirigi sindi jingon jo kep Yesus ei jingonti. Gino jinyohou nihyet dima ei jingonti ne jiyaijo nok gom kin Nipmot kin Nicig yahacem kikau.

YOHANES GI NIGOM 2:5

Noro no di yai igbit Allah nicuk noti nya ningon ngakei Allah mungkun tu. Gima bindo bipia igyaijo nok gom kin Allah.

YOHANES GI NIGOM 4:4

Noro dimunggwom bat jen, Allah ninyeng tak kep je ba, jibindei cut nabi nitrowai nya tug hon Allah Ninnei di jiyai ei jingonti tu. Ninnei dima sindem bibor dor njiriek ninnei di tungwatu dihyeisi dini igyai ei ingonti.

YOHANES GI NIGOM 5:3

Lewo ningon ngakei Allahti bindei ba, ibit nicuk nyeti nya sindam lene nicuk nyeti nya buhun tak nye bi.

YOHANES GI NICAN 1:6

Ningon ngakei yamti ket ei nibit Allah nicuk nyeti. Nicuk nyeti di tibim habiei ei nimbie him pai bipia suar jahagom jingon ngakei yam kikau ug bipek jiyaijo ningwig honti.

NINGAT-HI-NGAT NYA 21:22

Leu api dingat lo, Allah De Ig hi jo ei minu ndig dima bi. Lewo Allah Di Sindem Bibor kin Domba Pmot yonti ne Allah De Ig ri.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.

NINGAT-HI-NGAT NYA 22:3

Mun di Allah sigion nya hi jo ei minu ndig dima bi sren. Allah kin Domba Pmot ide banggo mbrei jo ei minu ndig dima lene Nide awak nya mikuk yok binggei sut Noni.