YOHANES 14:16 - ALLAH NIHYET MEM TUNGWATU NYA

¹⁶ Dahara Dicig leu binhyepo Noni cuk No Di Mpu je hi kin bu. No dima migwam bit je kikau.

YOHANES 14:16 ပူးပေါင်းရင်းမြစ်များ

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

YOHANES 14:14

Mun nyeng dino jahara Da tut tug hon dinyeng lene midibirop hanyen bije.”

YOHANES 14:18

Tirigi dimbut leu lene midikes je ei bijinok moibihi nya bi. Noro midikwei ngat je hanyen bu.

YOHANES 14:26

Noro Dicig micuk Ninnei Gi Kwes di nok No Di Mimpu je kwei tug hon dinyenga. Noni ngginau jingonti tut mun nyeng hagom lene bindei ba, jiyok ngon kep mun di dipai bije hagom.

YOHANES 15:26

Midicuk No Di Mpu je hwou ba, Noni mikwei leu Dicigya. Noni ne Ninnei Gi Kwes di mbot kep tut nihyet di nijit-jau tut Allah bije ri. Tirigi Noni kwei lene mitri tut Da.

YOHANES 16:22

Nok gima tut jeni. Nogindini jingon buhun noro midikwei ngat je hanyen bu leu api mijiyai ningon llei biborti. Bit bon hi pos jide ningon llei biborti dima hanyen leu je kan bi.

YOHANES 17:15

Dahara Na leu binhyepo ateu yok leu dihyeisi dini bi. Noro ma anyohou yok leu binhyepo ingwes ngun leu Nisibut Cig.

YOHANES 17:20

Dingat nadi tindei yoni he bi noro bitut yo di hiter di ingon jo kep Da tug hon nihyet di yoni itri tut Da cem.

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 7:39

Yesus pai nok tut Allah Ninnei lewo ei nidipti bu ne yo di iba ingon com Noni igyai Allah Ninnei ei ingonti. Noro tirigi Yesus tri tut nihyet dini lene Allah Ninnei srek kwei ei ingonti bigyo lewo Yesus yai nikei-kau-keisi tug hon nimai ei biei salibti bigyo.)

KISAH 1:4

Tirigi Noni ningat rin bit yok lene Noni pai biyok “Ma jintek leu minu ndig Yerusalem au. Noro ma jimem kep ser mun di Dicig preu ei mem je bit leu nok gi dipai bije pima tu.

KISAH 13:52

Yo di sindi ingon jo kep Tuhan ei minu ndig Antiokhia ingon llei bibor ba, igyai nisindemti leu Allah Ninnei cem.

KISAH 9:31

Hon kep njap dima kui lene yo di inggre kin mbusyamei ei hanjop Yudea kin Galilea kin minu Samaria nya yahagom ibong kei igwam kei. Yoni igyai nisindemti hi kin bu ba, imangti ningot ndig bikum yok bu tug hon nisindemti leu Allah Ninnei. Ba, gima hagom tug hon ide niba ningon gom bikuk yok bak Tuhanti.

ROMA 14:17

Lewo Allah ninyeng tak kepti ket ei njita di igyem kin ndia ngei di idut bi. Noro coi ei nibit Allah ningon kanti kin ningon jo nyahanti kin ningon llei biborti ba, mun dini yok hagom ntun Allah Ninnei him.

ROMA 15:13

Allah bindei ba, igyok ingon mem Noni. Handei kon ba, Noni yai jingon llei bibor kin jingon jo nyahan cem tug hon jide niba ningon com Noti leu binhyepo jiyok jingon mem Noni bibor bikum eisi bu tug hon nisindemti di kwei leu Allah Ninnei.

ROMA 5:5

ide niyok ningon mem dima biyai ingon pus tut mun nyeng hi bi lewo Allah pwoi Nide ningon ngakei nyeti ei ingonti tug hon Nide Ninnei di yai binye tu.

ROMA 8:34

Gima rino tou rima pai sut nyeni bipia ingon mui i? Hi bi! Lewo Kristus mbrap gau nyeni ei Allah Noho bei! Noni ripo mai ei biei salibti he bi noro kiju hanyen leu nimai eisi biya kui Allah ninda com.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

FILIPI 2:1

Jide niyaijo nok gom kin Kristusti biyai nisindem bije ba, Kristus ningon ngakei jeti gwam ser jingona. Allah Ninnei bie tut je cem jisingat tut yam cem jingondut yam cem.

TESALONIKA GI NICAN 2:16

Handei kon ba, ide Tuhan Yesus Kristus Nonti kin Icig Allah di ningon ngakei nye ibindei ba, ibrim ingkek kikau bigyok ingon mem mun di kei bibor tug hon Ide nisingat tut nyeti.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

YOHANES GI NIGOM 2:1

Dimunggwom bat jen, dipas kep srat dini bije ser nhyema jibon sisar au. Gino hi bon sisar ne Yesus Kristus di ningon sren-srau ningat rin biya hacan ba, mbrap gau nye ei Allah Noho bei.

YOHANES GI NIGOM 2:27

Noro tut jenti ne Kristus kes Allah Ninnei nyahan ei jingonti tu ba, jisuar hiter mem gima pingok jingonti tut mun nyeng hi kin bi. Allah Ninnei ne nijit rin bipingok jingonti tut mun nyeng hagom. Nibicumti srig Nide nipingokti dima bi sren. Gima rino ma jibit Allah Ninnei nipingok jeti ba, jiyaijo nok gom kin Kristus.

YOHANES GI NICAN 1:2

lewo nihyet di nijit ningat rin ei ingonti nogindini ba, kikau ug hon nohonti bi cem.