YOHANES 14:13 - ALLAH NIHYET MEM TUNGWATU NYA

¹³ Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani.

YOHANES 14:13 ပူးပေါင်းရင်းမြစ်များ

MATIUS 21:22

Gino jiba jingon com Allah tirigi jingat nadi mem mun nyeng hi lene mijiyai mun dima yok.”

MATIUS 7:7

“Jahara hak ug leu api mijiyai mun di jahara tut. Jinggok ser hak ug leu api mijingat mun di jinggok tut. Jipuk dimbou hak ug leu api dimbou mikau leu je.

MARKUS 11:24

Gima rino ma jiyok ngon kep bipia tirigi jahara Allah tut mun nyeng hi tug hon nadi ma jinyohou niba ningon comti ei jingonti apino mijiyai mun di jahara tut dima.

LUKAS 11:9

Gima rino dipai bije bipia ma jahara hak ug leu api mijiyai mun di jahara tut. Ma jinggok ser hak ug leu api mijingat mun di jinggok dima. Ma jipuk dimbou hak ug leu api dimbou mikau leu je.

YOHANES 10:30

Dicig kin Dani ninok gom kin yam.”

YOHANES 12:44

Yesus ba nihyet nindig bahara “No di ba ningon com Da lene ba ningon com Da he bi noro ba ningon com Allah di cuk Da kwei cem.

YOHANES 13:31

Tirigi Yudas ug leu yok tu lene Yesus pai biyok “Tto bou dem mem Munggwom Tungwatu Nipmot yai nikei-kau-keisi ba, Allah cem yai nikei-kau-keisi tug hon Noni.

YOHANES 14:14

Mun nyeng dino jahara Da tut tug hon dinyeng lene midibirop hanyen bije.”

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 15:16

Jidimig Dani bi noro didimig jeni bidicuk je leu binhyepo juug ngat ningat mang bibor ba, ningat dima ne ningat di bit bon pror yon kan bi. Gino jahara Dicig tut mun nyeng hi tug hon dinyeng lene Noni mibirop hanyen bije.

YOHANES 15:7

Gino jinok gom kin Da ba, dihyet jo ei jeniti lene ma jahara Da tut mun nyeng hagom bit leu jingon kanti leu api dibirop hanyen bije.

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

YOHANES 16:26

Njap dima dem ne mijahara Dicig tug hon dinyeng lene jisuar Da mem dahara Dicig mem je bu bi.

YOHANES 16:7

Noro dipai nijit bije bipia gino dimbut leu je lene dimbutti dima kei bibor mem je. Gino dimbut bi lene No Di Mpu je mikwei gwam bit je bi sren. Noro gino dimbut lene midicuk Noni kwei ei jingonti.

YOHANES 4:10

Yesus buhup “Gino akan igbit tut mun di Allah yai bak tungwatu nya ba, angat igbit Da di dahara na tut minyei dini lene nanti ma ahara Da leu api duhug minyei niyaijo nijep hi bina ba, adut.”

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

YOHANES 5:19

Yesus buhup yo dima ighyet nok gini. “Dipai nijit bije bipia bit bon Allah Nipmot yai kep midyai bit leu Nonti ningon kanti kan bi noro tou kep Nicig biyai bram Nicig niyaisi. Lewo Nipmot yai kep midyai dem kep nok Nicig niyai kepti nya.

YOHANES 7:37

Ei njap ningwig honti di bon ninyeng mem Njap Ndig Ig Jibei Mpam Meng lene Yesus kiju biya leu api ba nihyet nindig bahara “Ma no di nggobiau kwei ndam Da bidut minyei.

KORINTUS GI NIGOM 14:13

Gima rino ma no di ba nihyet mindur bimbrap ngat nadi leu binhyepo noni yai nisindemti mem gima luei nihyet mindur dima hanyen brei bak tungwatu nya.

EFESUS 2:18

Nye di mben Yahudi kin ngkiai nya yahagom iba Allah Ninnei gom ndia biya ei Noho bei tug hon Kristus di ya hacan mem nye.

EFESUS 3:12

Nogindini iba ingon di nddong bibrim ingkek kep Allah ug ei Nonti Noho bei drek dip gi inok gom kin Kristus lene iba ingon com Noni.

EFESUS 3:14

Gima rino diba dibiau bicom mpia ei Icig Allah Noho bei.

FILIPI 4:13

Kristus sindem tut da leu binhyepo diba nisindemti dima bikiek doho ndam mun di cut igkep da hagom.

KOLOSE 3:17

Tut jiyai munti nya kin jipai munti nya ne ma jiyai hagom tug hon Tuhan Yesus ninyenga. Ma jipai sigyo bak Icig Allah tut mun nyeng hagom di Yesus bibon mem je.

IBRANI 13:15

Gima rino ma inggei sut Allah tereu nok midut nibikos ser sisarti tug hon Yesus. Iba midut dima binggei sut Allah tirigi ipai jit bipia Noni ne ide Tuhan ri.

IBRANI 4:15

Ide Imam Nibou Ndig di ninyeng jei ningon dorti tut nye di inghuisi wei lewo Noni ba nibou coi mem mun nyeng di bingon Noni hagom noyam kin nyeni noro bon sisar drek dip bi.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

YAKOBUS 1:5

Gino jigom ningon ki haigtu bi lene ma hara Allah tut leu api Noni miyai ningon di ki bak noni. Lewo Allah singat tut nye biyai ningat di kei ninyeng hagom bak tungwatu nya yahagom tug hon ningondut nyeti.

YAKOBUS 5:16

Gima rino ma jipai jit jide sisar brei biyam leu api jingat nadi tindei yam leu binhyepo Allah bindei ba, jikei hanyen. Nadi di tibim ei no di ningon sren nuhui him sindem bibor.

PETRUS GI NIGOM 2:5

Jinok tig di Allah bindei ba, niyaijo. Gima rino ma jisindui sut Allah ba je di jinok tig bingot Nide Ig di bit bon tungwatu nya ingat bou igyai him kan bi. Jinok imam di igyaijo mem Allah Nongkom ei Ig dimati ba, jibon midut di Noni joi sut ei nimbar hum dokti tug hon Yesus Kristus.

YOHANES GI NIGOM 3:22

Mpe dino nyeni ingat nadi tindei mun nyeng hi ne Noni buhup hanyen lewo ibit Nide nicuk nyeti nya bipwoi ningon.

YOHANES GI NIGOM 5:14

Ibrim ingkek ei Allah Noho bei lewo ingon dorti tut bipia Noni miap kep ighyet tirigi yahara Noni bit leu ningon kanti mem nye.