YOHANES 13:34 - ALLAH NIHYET MEM TUNGWATU NYA

³⁴ Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

YOHANES 13:34 ပူးပေါင်းရင်းမြစ်များ

MAZMUR 119:63

Dijem disut bit yo di ikuk yok biNani kin yo di ibit Ade nicukti nya yahagom.

MAZMUR 16:3

Dikon yo di ingon kwes-kwau nya ei minu dini inyenga. Tirigi dingat rin bit yok lene dillei ngwig sut yok.

IMAM NYA IDE MIDYAI 19:18

Harin dima jeheu yam ba, jingon koi kep yam a. Noro ma jingon ngakei hiter bit leu nok jingon ngakei jenti. Dani ne tuhan bidinok jide Allah ri.

IMAM NYA IDE MIDYAI 19:34

Ma jibibon yok noyam kin jisut bat mben Israel ba, jingon ngakei yok bit leu nok jingon ngakei jenti cem. Ma jiyok ngon kep bipia jibong jingkiaisi ei minu Mesir nipou su. Dani ne tuhan bidinok jide Allah ri.

MATIUS 5:44

Noro tini bu ne dipai bije bipia ma jingon ngakei jide siceu nya ba, jingat nadi tindei yo di ihwen bit je,

YOHANES 15:17

Ditde nicuk jeti pai bipia ma jingon ngakei yam.”

YOHANES 17:21

Arig e, handeikon ba, yahagom inok gom kin yam bit leu nok sinok gom kin yam. Ma yahagom inok gom kin Sa leu binhyepo tungwatu dihyeisi dini ingon jo kep bipia Nani rino acuk Da kwei.

ROMA 12:10

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

ROMA 13:10

No di ningon ngakei hi ter mimbuk tut no dima hanyen bi sren. Gima rino ningon ngakei tungwatu nyati noyam kin nibit Puig Yahudi niggai serti.

ROMA 13:8

Ma jibon ningwam biyam au. Noro tut ningwam ‘ningon ngakei yamti’ ne ma jibon biyam. Lewo bikwop no di ningon ngakei hi ter ne gima noyam kin nibit leu nok Puig Yahudi niggai serti ri.

GALATIA 5:22

Noro tungwatu nya di ibit leu Allah Ninnei nibie tut yokti lene ingat ningat di kei di ntun yoni him tug hon gi yoni ingon ngakei yam cem ingon llei bibor cem ingon jo nyahan cem ingon nddong cem ingon nggriu sut yam cem ingon singat tut yam cem ingon gom cem,

GALATIA 5:6

Leu gino inok gom kin Kristus Yesus lene midut sunat di igyai e, he igyai bi e, lene gima bon ninyeng bi. Ide niba ningon com Kristusti he rino bon ninyeng ba, ibindei mbut gima tug hon ide ningon ngakei yamti.

GALATIA 6:10

Gima rino biken tiri bon nituti ne ma impu tungwatu yahagom lo, impu isut bat yo di iba ingon com Kristus nya nipou ug e.

GALATIA 6:2

Ma jahati tut yam bijikon hiter de mun di buhun tut. Tug hon nisinati dima ne jibit Kristus nicuk nyeti nya.

EFESUS 5:2

Ma jiyai jinnei di mpung tut ningon ngakei yamti noyam kin Kristus di ningon ngakei nyeni. Noni kes niyaisi ei biya luei nye tereu nok mun di ngge kei di ibui bibam ei nimbar hum dokti di bipwoi Allah ningon.

KOLOSE 1:4

Lewo nimiap jinghapti tut jide niba ningon com Kristus Yesusti kin jide ningon ngakei Allah de limwa nyati yahagom.

TESALONIKA GI NIGOM 3:12

Handei kon ba, Tuhan yai jingon ngakei yamti kin jingon ngakei tungwatu nya yahagomti bikum nut bu noyam kin nyende ningon ngakei jeti.

TESALONIKA GI NICAN 1:3

Disut bat jen, suar nijem sigyo bak Allah bikwop njap-njap mem je. Gi nijem sigyo mem je dima ne igbit rin lewo jikum ei jide niba ningon com Yesus Kristusti ba, jikum ei jide ningon ngakei yamti cem.

IBRANI 13:1

Ma jingon ngakei yam kikau bit leu nok yo di Kresten di ikinjoi bat yam.

YAKOBUS 2:8

Gino jiba ningon di gom bibit niggai serti di ntun Allah Ninyeng Tak Kepti him gi ipas ei gi preu nitimieiti “Ma angon ngakei hiter bit leu nok angon ngakei nanti” pima lene gima igbit ri.

PETRUS GI NIGOM 1:22

Jibit Nihyet Di Kei nicuk jeti tu. Gima rino Allah kos ser jide sisar bijingon kwes tu. Jiba ningon di gom bingon ngakei jisut bat yo di ingon jo kep nya. Ma jiba jingon titut yam bikum ei jide ningon ngakei yamti.

PETRUS GI NICAN 1:7

Ma jiba ningondut yamti bindei mbut jide niyai mun tug hon ningon kwesti. Ma jiba ningon ngakei tungwatu nyati bindei mbut ningondut yamti.

YOHANES GI NIGOM 3:11

Nihyet di jimiap habiei ei nimbie him tirigi sindi jingon jo kep Kristus pai bipia suar ingon ngakei yam.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.

YOHANES GI NIGOM 4:21

Tut gima lene Kristus nicuk nyeti pai bipia suar no di ningon ngakei Allah ningon ngakei nisut no di Kresten cem.

YOHANES GI NICAN 1:5

Gima rino na di Sindig e, ditigtai na bibor tut mun nyeng gom. Gi dipas tut dini ne nicukti di nijep rin bi. Noro dipas bram nicukti timiei di jimiap tut habiei ei nimbie him tu. Ningat ne ma yahagom ingon ngakei yam.