YOHANES 13:31 - ALLAH NIHYET MEM TUNGWATU NYA

³¹ Tirigi Yudas ug leu yok tu lene Yesus pai biyok “Tto bou dem mem Munggwom Tungwatu Nipmot yai nikei-kau-keisi ba, Allah cem yai nikei-kau-keisi tug hon Noni.

YOHANES 13:31 ပူးပေါင်းရင်းမြစ်များ

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

LUKAS 12:50

Ninghuisi wei nindig bibor micut igkep Da ei nidipti bu bidingon buhun tut kikau bibou cut igkep Da bingwig ug e!

YOHANES 11:4

Tirigi Yesus miap ninghapti tut ninggwenti dima lene pai bak yo di igya kui Noni “Ninggwenti dima mibindei ba, mai jit bi. Mun dini cut igkep noni leu binhyepo tungwatu nya ingat Allah nikei-kau-keisi bou igyai him lene bindei ba, ingat Allah Nipmot cem nikei-kau-keisi bou igyai him.”

YOHANES 12:23

Yesus pai biyok “Tto bou dem mem Munggwom Tungwatu Nipmot yai nikei-kau-keisi tu.

YOHANES 12:28

Arig e, akum ei Ade ninyeng jei biborti o!” Yesus pai nok rino nihyet gom tibim kwei leu gwamti bibuhup “Dikum ei Ditde ninyeng jei biborti tu ba, midibikum eisi hanyen bu.”

YOHANES 14:13

Mun nyeng dino jahara Da tut tug hon dinyeng lene midibirop hanyen bije leu binhyepo Dicig de nikei-kau-keisi jo nibreisi tug hon Nipmot di Dani.

YOHANES 16:14

Noni mikon dinyeng lewo mimbot kep tut mun di Noni miap leu duhui him bije.

YOHANES 7:39

Yesus pai nok tut Allah Ninnei lewo ei nidipti bu ne yo di iba ingon com Noni igyai Allah Ninnei ei ingonti. Noro tirigi Yesus tri tut nihyet dini lene Allah Ninnei srek kwei ei ingonti bigyo lewo Yesus yai nikei-kau-keisi tug hon nimai ei biei salibti bigyo.)

KISAH 2:36

Gima rino suar mben Israel yahagom igyok ngon kep mungkun kei bipia Allah bindei ba, Yesus di jipek kin biei salib ninyeng Tuhan kin Nibou Ndig di teu tungwatu nya biyai niyai niyaijo nijep biyok cem ri!”

KISAH 3:13

Abraham kin Ishak kin Yakub kin nyeni ide pung di intun him nya ide Allah bindei ba, Nide Awak Yesus yai ninyeng jei bibor. Jeni jiba kilak Noni bak nibou nya di inyeng tak kep nye ba, mbro nok gino Pilatus pi bikes Yesus hanyen lo, jikou sut Noni ei Pilatus noho bei.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

EFESUS 1:12

Jikwei ba, nye di iba ingon com Kristus bibie inggei sut Allah tut nikei-kau-keisi!

EFESUS 2:7

Allah yai mun dini leu binhyepo hon kep ammani kui kikau ug bipek nijam di nidipti bu lene Noni ndo tut ningon ngakei nyeti di mindur bibor ba, tungwatu nya ingat bou igyai him. Ba, Noni ndo ningon ngakei nyeti dima tug hon Nide nisingat tut nyeti drek dip Kristus Yesus di ya hacan mem nye.

EFESUS 3:10

leu binhyepo tini bu lene mbusyamei nya ibindei ba, mun nyeng hagom di ikrau kep nisindemti ei mpia-bbed him nya ikan tut bipia Allah ningon kiti bon ninyeng mang bibor.

FILIPI 2:11

Ba, yahagom mitri tut brei bak tungwatu nya bipia Yesus Kristus ne Tuhan rin ba, inggei sut Icig Allah.

PETRUS GI NIGOM 1:21

Noni ribindei dino jiba jingon com Allah di win Noni hanyen leu nimai eisi biyai nikei-kau-keisi biNoni. Gima rino jiba jingon com Allah bijiyok jingon mem mun di Noni preu ei mem je.

PETRUS GI NIGOM 2:12

Suar jiyai mun di kei bibor ei yo di ingon tindur nya igyai him. Gima mibindei ba, mpe dino ipai kep je bipia jisibut bibor ne ighyet micut hanyen ei ingonti drek dip jiyai munti di kei bibor nya. Leu api yoni minggei sut Allah mem njap di Noni mikwei hanyen.

PETRUS GI NIGOM 4:11

Ma no di tri tut nihyet tri tut Allah nihyet. Ma no di mpu hiter ba nisindemti leu Allah bimpu yok leu binhyepo jiyai munti nya hagom bindei ba, tungwatu nya ikon Allah ninyeng tug hon Yesus Kristus. Allah rino nyeng tut nikei-kau-keisi kin nisindemti kikau buug hon nohonti bi. Igbit ri.