YOHANES 13:19 - ALLAH NIHYET MEM TUNGWATU NYA

¹⁹ Dipai dihyet dini brei bije nipou tirigi pek kep bigyo leu binhyepo tirigi pek kep mem je lene jingon jo kep bipia Dani ne No di ninyeng DANI DINGAT RI.

YOHANES 13:19 ပူးပေါင်းရင်းမြစ်များ

YOHANES 14:29

Ditri tut dihyet dima brei bije nipou tirigi pek kep mem je bigyo leu binhyepo gino pek kep ei nidipti bu lene jingon jo kep Da.

YESAYA 43:10

Ditde limwa jen e, jingat diyai munti nya bou jiyai him tu. Didimig je ei nok Ditde awak nya leu binhyepo jikan tut Da bijingon jo kep Da ba, jingon hukti tut Da lewo Dani ne Allah ri. Dangkom ngat he rino Allah. Leu nipou kwei bipek ammani kep ba, njap di ammani kui ug bipek ningwig honti ne Allah hiter nya hi bi.

YOHANES 16:4

Noro ditri tut dihyet dini bije nogindini leu binhyepo tirigi tto bou dem ba, hagom cut igkep je lene jiyok ngon kep bipia ditri tut hagom bije tu.” “Ditri tut mun dini yok bije ei nimbie him bi lewo dingat rin bit je yo.

YESAYA 48:5

Gima rino disimbot kep tut je nipou su. Ditri tut nipou tirigi mun dima yok pek kep bigyo leu binhyepo bit bon jipai bipia gima ne jide kwar di jikuk je bak nya ibon munti nya rin kan bi.

YOHANES 8:58

Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”

MATIUS 24:25

Ma jiyok ngon kep! Dimbot kep tut gini hagom brei bije nipou tirigi nidemti dem bigyo.

MATIUS 11:3

ihig ser Noni “Nani ne no di kwei bit leu Allah nipreu ei mem nyeti tu rin e? He suar nyeni ningon ya mem hiter bu e?”

MALEAKHI 3:1

tuhan Di Sindem Bibor buhup “Midicuk tungwagom di tri tut dihyet bibie leu binhyepo tin puig mem Da. Leu api tuhan di jipai bipia jingon mem kep ser dima mitau kros ei Nide Ig. No di dipinak di jipai bipia jinggei ngwig sut mikwei tri tut Ditde gi preu.”

YOHANES 1:15

Yohanes tri tut Noni bipai “No dima ri. No di dipai sut bipia Noni miya abia kep da kwei ba, ninyeng jei bibor dor njiriek da lewo No rinaha nipou tirigi dipmem srek tut da bigyo.”

LUKAS 21:13

Mpe dima lene bon nituti mem gima jitri tut Allah de Nihyet Di Kei biyok.

YESAYA 41:23

Ma jipai igbit tut mun di mipek kep mem tungwatu nya ei nidipti bu leu binhyepo nikan mungkun tut bipia jeni ne kwar di nijit ri. Ma jibindei ba, mun di kei pek kep ba, mun di kinei micut igkep tungwatu nya leu binhyepo ninga leu sut.

YOHANES 4:26

Yesus buhup “Dani ne Nibou Ndig di teu tungwatu nya biyai niyaijo nijep biyok ri. Dani ne No dima rin ba, dingat rino dimbrap bit na nogindini.”

YOHANES 8:28

Gima rino Noni pai biyok “Mpe dino jitas biei salib tut Munggwom Tungwatu Nipmot ne jikan tut bipia Dani ne No di ninyeng DANI DINGAT RI. Mpe dima lene mijikan tut bipia diyai midyai bit leu dingon kanti bi. Noro ditri tut nihyet di Dicig sok ei Da dip he.