YOHANES 13:1 - ALLAH NIHYET MEM TUNGWATU NYA

¹ Njap gom nipou tirigi tto bou dem mem Njap Ndig Paskah bigyo lene Yesus kan tut bipia tto bou dem mem gima Noni ug leu dihyeisi dini bingkwei hanyen ndam Nicigya. Ningon ngakei Nide limwa nya ei dihyeisi dini biningon ngakei yok kikau ug bipek niyaijo ningwig honti.

YOHANES 13:1 ပူးပေါင်းရင်းမြစ်များ

NIPINGOK NINGONTI 8:31

Dingon llei sut dihyeisi di Noni pai tes bidijoi sut tungwatu nya cem.

YEREMIA 31:3

dindo Danti biyok leu minu ting. Je di mben Israel e, dingon ngakei je habiei ei nimbie him kikau kwei bipek ammani kep. Gima rino midingon ngakei je kikau.

MATIUS 26:45

Leu api Noni kwei ngat yok mbigom kin bu bihig ser yok “Jibong mai kep jinghuisi kikau e? Jingat i! Tto bou dem mem tungwatu nya itri Munggwom Tungwatu Nipmot ei yo di isibut nya indati tu.

MATIUS 28:20

Ma jingginau yok leu binhyepo ibit mun di dicuk je tut nya hagom. Ma jiyok ngon kep bipia midingat rin bit je kikau ug bipek njap ningwig honti.”

LUKAS 22:53

Dingat rin bit je ei Tuhan De Ig bikwop njap-njap lo, jikat Da bi. Noro jam dini bon nituti mem jikinei sut Da lene jam dino no di ninyeng tak kep nidinditi krau kep nisindemti cem.”

LUKAS 9:51

Son dideu tto bou mem Yesus kui hanyen ug ei gwamti lene Noni kos tut bipia ngkwei hanyen ug ei Yerusalem.

YOHANES 11:55

Mpe dima ne tto bou mem mben Yahudi ide Njap Ndig Paskah dideu su. Gima rino tungwatu nya imang bibor induk yam leu ide minu mien nya bikwei ei minu ndig Yerusalem leu binhyepo icoi ei midut nipiap nonti bipwoiti nipou tirigi njap ndig dima tau kep yok bigyo.

YOHANES 12:23

Yesus pai biyok “Tto bou dem mem Munggwom Tungwatu Nipmot yai nikei-kau-keisi tu.

YOHANES 13:29

Bihi ikan bigya Noni cuk Yudas buug pek mun di isuar mem Njap Ndig Paskah e, he ug kwas mitiei hi tut yo di yuhui mbum nya e? Ikan nok lewo Yudas rino krau mitiei bousi mem yok.

YOHANES 13:3

Yesus kan tut bipia Nicig kes nisindemti hagom ei nindati bikan tut bipia Noni kwei leu Allah habiei lene mingkwei hanyen ndam Allah bu.

YOHANES 13:34

Diyai nicukti di nijep bu bije. Ma jingon ngakei yam. Bit leu nok gi dingon ngakei jeni lene ma jingon ngakei yam.

YOHANES 14:28

Jimiap dihyet di dipai bije ‘Dimbut rin noro midikwei ngat je hanyen bu.’ Gino jingon ngakei Dani lene mijingon llei sut gi dingkwei hanyen ndam Dicig lewo Noni ninyeng jei dor njiriek Da.

YOHANES 14:31

Mbro nok gima lo, suar mun dima hagom cut igkep Da leu binhyepo tungwatu dihyeisi dini ikan tut bipia dingon ngakei Dicig ba, dibit nicuk Dati nya hagom. Jikwei ba, imbut leu mpia ttou nsi dini.”

YOHANES 16:28

Nipou ne dikwei leu Dicig kwei ei dihyeisi dini. Tini bu ne dikes dihyeisi dini ei bidingkwei hanyen ug ei Dicig nidim.”

YOHANES 17:1

Tirigi Yesus kes nihyet hon tu lene Noni tou kep ginyo kug bipai bak Allah “Arig e, tto bou dem tu. Ma abindei ba, Apmot ninyeng jei bibor leu binhyepo Apmot mibindei ba, anyeng cem jei bibor.

YOHANES 17:16

Dinggre kin tungwatu dihyeisi dini bi lene yoni cem inggre kin tungwatu dihyeisi dini bi.

YOHANES 17:26

Dimbot kep biyok tut Nani tu ba, midimbot kep biyok tut Nani kikau bu leu binhyepo ingon ngakei yo di hiter bit leu nok angon ngakei Da ba, dinok gom kin yoni cem.”

YOHANES 17:5

Arig e! Nogindini ma angkwei Ade ninyeng jei biborti di siyai bit yam nipou tirigi apai tes dihyeisi dini bigyo hanyen biDa.

YOHANES 18:4

Yesus kan tut mun di cut igkep Noni dima hagom. Gima rino Noni ttau ndam Yudas nya bihig singgre yok “Jinggok ser tou i?”

YOHANES 19:28

Yesus kan tut bipia nogindini mun di hagom pek kep mem Noni tu. Noni pai “Dinggobiau.” Pai nok leu binhyepo mun di ipas ei Allah nihyet bokti mipek kep tug hon Noni.

YOHANES 2:13

Mpe dima lene son dideu Njap Ndig Paskah tu. Gima rino Yesus ug ei minu ndig Yerusalem.

YOHANES 6:4

Mpe dima lene tto bou mem mben Yahudi ibon pesta kep Njap Ndig Paskah dideu su.

YOHANES 7:30

Tirigi pai nok rino yo dima ipi bikat Noni noro hi brim ningkek mem ngget Noni bi lewo tto bou dem bigyo.

YOHANES 7:6

Yesus pai biyok “Tto bou dem mem Da bigyo noro tut jeni ne jibon nikwesti mem jenti bikwop njap-njap.

YOHANES 8:20

Yesus pai mun dini yok hagom mpe dino Noni ngginau tungwatu nya ei Tuhan De Ig ba, gwam dideu brua di icom mitiei mbusyamei eisi nijoti. Noro hi kat Noni bi lewo tto bou dem bigyo.

ROMA 8:37

E bi! Igyai nisindemti mem gima ibindei cut mun nyeng hagom bihigom tug hon No di ningon ngakei nye!

KORINTUS GI NIGOM 1:8

Noni nyohou je biyai jingon nddong kikau bije bipek njap ningwig honti leu binhyepo jingon nddong mem ide Tuhan Yesus Kristus De Njap nitekti.

IBRANI 3:14

Gino ikrau kep ide niba ningon comti di igyai ei nimbie him kikau bipek ningwig honti lene inok Kristus nisut bat nya ri.

IBRANI 3:6

Noro Kristus ningon gom ba, Noni ne Nipmot di nyohou Allah de ig ri. Ba, nye dini ne Allah de ig rin gino ibrim ingkek ba, ingon ngkiem tut mun di igyok ingon mem.

IBRANI 6:11

Nijoi sut bipia bikwop jeni jahagom jibrim jingkek kikau ug bipek njap ningwig honti leu binhyepo mun di jiyok jingon mem nya hagom mipek kep mem je.

PETRUS GI NIGOM 1:13

Gima rino ma jitin ei jibou ngwakti mem mun di mipek kep mem je nya hagom. Ma jiyai ngkiem cem leu api jiyok jingon mem mun di kei di Allah miyai bije ei mpe dino Yesus Kristus ttau hanyen kwei.

YOHANES GI NIGOM 4:19

Ingon ngakei yam lewo Allah ningon ngakei nye bibie.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,