YOHANES 12:29 - ALLAH NIHYET MEM TUNGWATU NYA

²⁹ Tungwatu nya di induk yam kwei ei mpia dima imiap nugwei leu api ibou poi ipai sut bipia kru nibimbi bong noro hiter ipai “E bi! Malaikati mbrap bit Noni!”

YOHANES 12:29 ပူးပေါင်းရင်းမြစ်များ

AYUB 40:9

Ade nisindemti noyam kin Ditde nisindemti e? Ahyet tibim nok kru di cut noyam kin Da dihyet e?

NEHEI LEUSI 19:16

Ug ei njap gi niningai mem mpia tekti lene kru nindig bibor nisu bong ba, kigyei ninjeng srei lene bumbuhui di ndok bibor gom tau kros ei nungug dip dima lene tungwatu nya yahagom imiap pun mbrei nibimbi nindig bibor ei itingou nsi. Gima rino yahagom inghuisi mpig sut nindig bibor tirigi igya ei ide prak meng yati nikieti.

NEHEI LEUSI 20:18

Tirigi yo dima imiap kru di nisu bong kin pun mbrei di nimbi bong kin kigyei di ninjeng srei kin hum mmup di brou kui leu nungug dima lene yahagom ittin tut nindig bibor binghuisi mpig sut. Lene yoom yonti bigya minu ting.

YEHEZKIEL 10:5

Kerub dima yok inyehei di tittem nibimbiti tibim kikau ug ei mpia di jo bas hak ei nisai ma kwei. Dimiap lo, gima dem kep nok Allah Di Sindem Bibor nihyet.

KISAH 9:7

Yo di ibit Saulus inghuisi mpig sut nindig bibor. Yahap iji bimbrap kan bi lewo imiap nihyet noro ingat tungwatu hi bi.

NINGAT-HI-NGAT NYA 11:19

Leu api dimbou kau leu Allah De Ig ei gwamti ba, Brua Gi Preu di joti jo ei nibreisi bibindei ba, kigyei ninjeng srei cem kru cut ba, nisu bong nindig bibor cem dihyei ugwa-kwei ba, biget mbras dem kep tig njep.

NINGAT-HI-NGAT NYA 14:2

Dimiap nihyet gom di dem kep minyei ninyei di nisu bong nindig bibor kin kru di cut nibimbiti nindig bibor di tibim kwei leu gwamti ba, nihyet dima noyam kin doia di tungwatu nya iba nggong mbrei bipai.

NINGAT-HI-NGAT NYA 6:1

Leu api dingat lo, Domba Pmot cug biei nggrai gi nigom leu lene dimiap mindhe gi nigom pai “Akwei!” Nihyet dima nindig bibor dem kep kru di nisu bong.

NINGAT-HI-NGAT NYA 8:5

Gima ngwig leu lene malaikati dima yai nide bokor dima biket hum mbom leu nimbar hum ndok. Bokor dima ut leu api noni com hagom ug ei dihyeisi mu. Gima bindei ba, kru ba nisu di bong nindig bibor bicut leu api kigyei ninjeng srei ba, dihyei ugwa-kwei cem.