YOHANES 12:26 - ALLAH NIHYET MEM TUNGWATU NYA

²⁶ No di joi sut jem niceu bit Da lene suar noni bit Da leu binhyepo Ditde awak nya ingat rin bit Da ei mpia di dingat rin eisi. Ba, Dicig mikon Ditde awak nya inyenga.”

YOHANES 12:26 ပူးပေါင်းရင်းမြစ်များ

MAZMUR 17:15

Noro midingat Na bou diyai him lewo diyai mun tunggwei hi bi. Mpe di dikiju leu dibong eisi lene dingon nggei-hi-nggei lewo Angat rin bit da.

MAZMUR 91:15

Tirigi yahara Da lene dibuhup ighyet. Tirigi mun di buhun cut igkep yok lene Dingat rin bit yok biditeu yok bingwes ngun ba, dikon inyeng cem.”

NIPINGOK NINGONTI 27:18

Tungwa tou rino nyohou biei ninjem mipuk ningat biyem. Awak tou rino nyohou niceu lene ningon nggei-hi-nggei mpe dino niceu nggei sut noni i.

MBEN ISRAEL IMBUT-MBUT NYEN 14:24

Noro nok gima mem Ditde awak di Kaleb bi. Lewo ningon gom tut Da kikau. Gima rino midibuwak noni ug ei minu po noni mbris nyahan biyok nitta kep tu pima leu api nide nintun him yamti di bram yam nya midigek kep mpia dima nok ide bu.

MBEN ISRAEL IMBUT-MBUT NYEN 32:11

‘Yo dini iba ingon di gom bibit Da bi. Gima rino deheng tut bipia bikwop yo di ide njap ug ei ari bingwam nyatungwagom bikui mpe di po yehei leu minu Mesir pima lene hi dima micoi ug ei minu di dipreu ei bak Abraham Ishak Yakub yoni pima bi.’

MATIUS 16:24

Lene Yesus pai bak yo di igya kui Noni “Bikwop no di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

MATIUS 25:21

Niceu buhup ‘Ayai mun di igbit. Nani ne awak di kei di angon gom ri. Ajoi bibor tut mitiei mien. Gima rino midiba dingon com nani tut mun di nindig bibor bu. Akwei gwam bit da ba, sillei ngwig sut yam.’

MARKUS 8:34

Leu api Yesus hig tungwatu ningot ndig dima kwei bit yo di igya kui Noni bipai biyok “No di joi sut bit Dani lene ma ningon hek tut mun di bon ninyeng mem nonti au. Noro suar kon nide biei salib bibit Da.

LUKAS 12:37

Gino iceu kwei hanyen bittau kep yok tirigi igyai ngkiem ba, itin ei cem tu lene yo dima ingon nggei-hi-nggei. Ma jiyok ngon kep bipia iceu mijuk nide sinsun ndok di jei leu no leu api sindui sut yok bigwam kui meja leu api mingei njita mem yok.

LUKAS 6:46

“Nggon rino jindat kep dinyeng ‘Tuhan! Tuhan!’ Noro jibit dihyet bi i?

LUKAS 9:23

Lene Noni pai bak yo di idem yam ei mpia dima yahagom “Bikwop no di joi sut bit Dani lene ma ningon hek tut mun di bon ninyeng mem nonti au. Noro kon nide biei salib bikwop njap-njap bibit Da.

YOHANES 10:27

Ditde domba nya imiap dihyet. Dingat igbit yok lene ibit Da.

YOHANES 13:16

Dipai nijit bije bipia awak ninyeng jei dor njiriek niceu ninyeng bi. No di pwoi srat buug sut cem ninyeng jei dor njiriek no di cuk noni tut srat dima ninyeng bi.

YOHANES 14:15

“Gino jingon ngakei Da lene jibindei mbut Ditde nicukti nya.

YOHANES 14:3

Niabiati bu tirigi duug tin ei nghim nsi mem je biput tu lene midikwei buwak je hanyen ug ei mpia ttou nsi dima leu binhyepo jigwam bit Da kikau.

YOHANES 15:20

Ma jiyok ngon kep mun di dipai bije. Awak nya inyeng jei dor njiriek iceu ninyeng bi. Gino ihwen bit Dani lene mihwen bit jeni cem. Gino ibit Ditde ningginausi lene mibit jide ningginausi cem.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 21:22

Yesus buhup “Gino dijoi sut bipia no dima niyaijo kikau ug bipek dikwei hanyenti kep lene ma aba angon srip huk munhyet dima au. Noro tut nani ne ma abit Da!”

ROMA 1:1

Srat dini mem yo di mbusyamei ei minu ndig Roma. Allah ningon ngakei je ba, hig je mem gima jinok Nide limwa nya. No di pas srat dini ne da di Paulus rin bidinok awak mem Kristus Yesus lene di ya kui Noni. Allah dimig da leu api ta da mem gima ditri tut Nihyet Di Kei di kwei leu Noni.

ROMA 14:18

No di yai midyai nok awak mem Kristus ba nisinati dima biyai Allah ningon llei bibor ba, tungwatu nya cem ijoi sut noni.

KORINTUS GI NICAN 4:5

Lewo nihyet di nitri tut ne nihyet tut nyenti bi noro nitri tut Yesus Kristus ba, Noni ne Tuhan ri. Lene nuubon nyenti nok awak mem je leu binhyepo nibinggei sut Noni.

KORINTUS GI NICAN 5:8

Gima rino ingon nddong. Igyok ingon mem nituti tirigi ikes ingut dini ei leu binhyepo yuug bong bit Tuhan.

GALATIA 1:10

Apo diyok dingon mem gima tungwatu nya ingon kwes kin da tug hon mun di dipas dini e? E bi! Diyok dingon mem dingon kwes kin Allah. Dipwoi tungwatu nya ingon leu binhyepo ijoi sut da e? Gino dibon kikep nok gima ne dinok Kristus de awak bi.

FILIPI 1:23

Lewo dingon kanti can brim da. Dimpig bou sut gima dikes diyaisi ei ba, duug gwam bit Yesus lewo gini kei bibor mem da.

KOLOSE 3:24

Ma jiyok ngon kep bipia mijitug ndei jimuhup di Tuhan bet ei mem Nide limwa nya. Lewo ningat ne jiyai midyai mem Tuhan ba, Noni ne jiceu nimungkun ri.

KOLOSE 4:12

Epafras cem pigo je ba, noni cem nggre kin jide nimpung ba, noni ne awak mem Kristus Yesus ri. Noni ta nibou ei naditi bingat nadi tindei je leu binhyepo Allah yai jingon di nddong cem jimahan ei Kristusti cem jiba jingon di gom bibit Allah ningon kanti cem.

PETRUS GI NICAN 1:1

Srat dini leu da di Petrus ba, dinok awak mem Yesus Kristus bidiya kui Noni cem. Srat dini mem je dino jiyai jide niba ningon comti noyam kin nyeni tug hon ide Yesus Kristus di ningon sren-srau. Noni ne Allah kin No di teu nye leu sisar biyai niyaijo nijep binye cem ri.

YOHANES GI NIGOM 5:3

Lewo ningon ngakei Allahti bindei ba, ibit nicuk nyeti nya sindam lene nicuk nyeti nya buhun tak nye bi.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

NINGAT-HI-NGAT NYA 14:4

Yo dini ne pinai nya di igyem njita tut sop nya bi sren rin ba, ingon kwes kei. Ibit-bit nyen Domba Pmot ug ei tirima-tirima. Ba, inok mighumbou di igyati kwes bibie leu tungwatu nindigsi nya mem Allah kin Domba Pmot.

SAMUEL GI NIGOM 2:30

Dani ne tuhan bidinok mben Israel ide Allah rin ba, dipreu ei mem jide keret nya nipou su bipia nani kin yo di intun nani him mijiyai kep midyai nok imam mem Da bijo ninno bijo kikau. Noro nogindini midiluei dingonti tut dipreu eisi pima ug ri. Hon kep ammani kui lene midijoi sut yo di ikuk yok biDa lo, midingon mpo tut yo di ingon mpo tut Da.