YOHANES 11:52 - ALLAH NIHYET MEM TUNGWATU NYA

⁵² Noni mai luei mben Yahudi he bi noro mibuwak Allah nimunggwom bat nya di ibong ingkiaisi yahagom ba, inok gom kin yam tug hon nimaisi.

YOHANES 11:52 ပူးပေါင်းရင်းမြစ်များ

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

MAZMUR 22:15

Dinghuisi jet dem kep nok minyei di isiber ug ei dihyeiti. Dinjum tuti nya hagom pis ba, dingon dahat leu dem kep nok lilin ngei di jet bingwig.

MAZMUR 22:27

Nuhui mbum nya mikwei yem njita bindei yok bit leu ingon kanti. Yo di induk yam kwei ndam Na yahagom minggei sut Na di tuhan. Dijoi sut gima jibong kei jigwam kei bijo ninno bijo kikau!

MAZMUR 72:19

Ma yahagom ikon ninyeng bijo ninno bijo kikau! Abindei ba, nikei-kau-keisi kieng kep dihyei nisurti-nipekti. Ma gima yok hagom pek kep. Igbit ri!

YESAYA 49:18

Ma amian ttai na ba, angig ayai kep mun di sindi pek kep mem na. Ade limwa nya imbus yam ei su ba, sindi induk yam kwei bittau kep na. Da di Allah Di Niyaijo dipai tug hon dinyenga bipia ningat ne ma anggei sut ade limwa nya dem kep nok sop di nggei sut mimau di ibimau noni tirigi wak nijjep.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 55:5

Mbro nok gino nipou ne ngkiai nya ikan tut je bi lo, tini bu ne tirigi jihig yok kwei lene yoni ibipbur bibrim imig kwei bigya joho bei. Da di tuhan ne jide Allah kin mben Israel ide Allah di kwes-kwau ri. Midibindei ba, mun dini yok mipek kep mem je. Midikon jinyeng ba, jei bibor.”

YESAYA 56:8

tuhan Di Ninyeng Jei Bibor di buwak mben Israel di ingkwei hanyen kwei leu ingkiaisi pai “Midibuwak nindigsi nya ba, iba yok bikum yo di idem yam ei su.”

YESAYA 60:4

Ma amian ttai na ba, ayok ayai kep mun di sindi pek kep mem na! Ade limwa nya imbus yam ei su ba, sindi induk yam kwei ndam na. Apmot bat nya no ikwei leu minu ting kwei lene tungwatu nya yuusap apmisop bat nya kwei.

YEHEZKIEL 34:12

noyam kin gembala di hek tut nide domba nya di noni jem hanyen kwei leu israwir eisi. Midijem yok hanyen kwei leu minu di israwir eisi hagom mem njap di mmun ken nggai kep yok ei mpe di po icut bak ide siceu nya pima.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

LUKAS 15:8

Gino sindig gom pwoi nide mitiei nitig simnai lo, nitig gom pror leu noni lene noni mibon ndei notou i? Noni mitin mini binjeng lene micok mumpiang bingwig leu nide ig leu api minggok ser mitiei dima bibou ngat ug e.

LUKAS 2:32

Noni ne ninjeng di piga digai puig mem ngkiai nya di itti kin Nani ba, ninjeng di bindei di tungwatu nya yahagom ikon Ade limwa mben Israel inyeng ri.”

YOHANES 1:12

Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

YOHANES 1:29

Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

YOHANES 12:32

Tut Dani ne tirigi tungwatu nya ikon Da ei nnai leu dihyei ninjek dip ne midinduk tungwatu nya yahagom kwei ndam Da.”

KISAH 18:10

Lewo Dingat rin bit na. Bit bon tungwatu imbuk tut na kan bi. Lewo dinyeng tak kep timiei minu ndig dini imang bibor.”

ROMA 3:29

He ma Allah ne Allah mem mben Yahudi yongkom he rin e? Noni ne Allah mem ngkiai nya cem rin bi e? I, Noni ne Allah mem ngkiai nya cem.

ROMA 4:17

Lewo Allah pai bak Abraham “Dibindei ba, anok pung di mben mang bibor intun him.” Gima ne Allah nipreu ei mem noti. Apino Abraham ba ningon com Noni. Noni ne Allah di kon tungwatu hanyen leu imai eisi rin lene ba nihyet bipai tes mun di jo bi sren bibindei ba, jo nijoti.

EFESUS 1:5

Noni kos tut nipou su bipia nek nye tug hon Yesus Kristus bibindei ba, inok nimunggwom bat nya. Kristus niyai munti ntun Allah ningon llei sutti kin ningon kanti nya him.

EFESUS 3:11

Allah niyai munti dini bit leu ningon kanti habiei ei nimbie him. Ningon kanti di ug hon nohonti bi pek kep mem tungwatu nya tug hon ide Tuhan Yesus Kristus.

YAKOBUS 1:1

Srat dini leu da di Yakobus. Dani ne awak mem Allah kin Tuhan Yesus Kristus ri. Ba, srat dini mem Allah de limwa nya di intek gimahap ug ei dihyei nisurti-nipekti hagom. Dipigo jahagom.

PETRUS GI NIGOM 1:1

Srat dini leu da di Petrus di diya kui Yesus Kristus. Srat dini mem Allah de limwa nya di intek gimahap bibong bidem ingkiaisi ei hanjop Pontus kin Galatia kin Kapadokia kin Asia kin Bitinia.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

NINGAT-HI-NGAT NYA 5:9

Yo dima ipai doia di nijep bu “Nangkom dem mem gima ayai srat kijum dima ba, acug biei nggrai leu. Lewo hi bindei ba, amai nipou su apino aba amaisi bipek tungwatu nya leu bikwop keret nya kin minu nya kin nihyet nya kin mben nya hagom ei dihyeisi dini bak Allah.