YOHANES 11:51 - ALLAH NIHYET MEM TUNGWATU NYA

⁵¹ Ningat ne nipaisi dima tug hon nonti ningon kanti bi. Noro tug hon ninyeng Imam Nibou Ndig mem ari bingwam dima ba, bimbot kep tut Yesus nimai luei mben Yahuditi.

YOHANES 11:51 ပူးပေါင်းရင်းမြစ်များ

NEHEI LEUSI 28:30

Lene akes Urim kin Tumim bijo nyahan ei sinsun minai ninggreti leu binhyepo Harun mipwoi tirigi noni kwei ya ei Doho bei. Suar noni juk sinsun minai bikwop mpe di noni kwei ya ei Doho bei leu binhyepo noni mikan tut dingon kanti mem mben Israel.”

DANIEL 9:26

Tirigi nijam dima ug hon nohonti ne no di Allah ta mem gima bie tut yok bon mun tunggwei hi bi lo, noni tug ndei nimai. Nibou ndig di sindem bibor gom de tentara ikon pran bit mben Yerusalem bibindei timek yok bitut itimiesi kin tuhan De Ig hagom bitimek bingwig. Nijam dima nohonti cut igkep yok dem kep nok minyei di su di biam tut pran kin mun di binggek yok bingwig di Allah tin ei mem yok.

MBEN ISRAEL IMBUT-MBUT NYEN 22:28

Lene tuhan bindei ba, keledai dima hap niji bimbrap bit Bileam bipai “Dinggon ndei na i? Nggon rino abui da mbiningai su i?”

MBEN ISRAEL IMBUT-MBUT NYEN 24:2

Lene ngat lo, mben Israel inyohou hok ide prak meng nya sindam bit leu nok ide keret inyenga. Lene Allah Ninnei sindem tut noni.

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

YOHANES 10:15

Dicig ngat igbit Da bidingat igbit Noni cem. Gima rino ditin ei mem gima dikes Dinnei ei mem domba Tde nya.

YOHANES 11:49

Kayafas di nok Imam Nibou Ndig mem ari bingwam dima pai biyok “Jahagom jingon mbum.

YOHANES 18:13

Ibuwak Noni ba, yuug ngat Hanas di Kayafas nipmang bibie ug e. Kayafas ne Imam Nibou Ndig mem ari bingwam gom dima ri.

KORINTUS GI NIGOM 13:2

Mbro nok gino ditri tut Allah nihyet cem dingon ki cem dingon dor mimunti kin nimbot kepti nya hagom cem diba dingon com Allah nindig bibor bidibindei ba, nungug ttou son leu niyati cem lo, gino dingon ngakei tungwatu nya bi lene dibon dinyeng bi!

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

SAMUEL GI NIGOM 23:9

Noro tirigi Daud kan tut bipia Saul tin ei ningon di mbuk tut noni lene pai bak imam Abyatar “Attei efod dima kwei bida.”

SAMUEL GI NIGOM 28:6

Gima rino noni hara tuhan mem gima ndo bindo binoni. Noro tuhan buhup nihyet tug hon mumpriem nya kin Urim kin Tumim kin nabi nya ighyet bi.