YOHANES 11:40 - ALLAH NIHYET MEM TUNGWATU NYA

⁴⁰ Yesus pai bak Marta “Apo dipai bina tu bipia gino aba angon com Da lene mporo ma angat Allah de nisindemti bou ayai him bi e?”

YOHANES 11:40 ပူးပေါင်းရင်းမြစ်များ

NIBOHON MBEN ISRAEL GI NICAN 20:20

Njapti kui lene limwa timiei Yehuda nya injei mem njap tekti ba, yuug ei iggum ndigsi dideu Tekoa pima. Tirigi ikiju bimbut rin lene Yosafat sok kep yok “Timiei Yehuda kin Yerusalem jen! Ma jiba jingon com jide tuhan Allah leu api mijiya ngkiem mem gima jikon pran bit yok! Ma jice tut bijibit nabi jide nya ipingok jeti leu api mijibindei cut jide siceu nya!”

MAZMUR 63:2

Allah e, dikuk da biNangkom ba, diyok dingon mem Nani cem. Dinggobiau sut Na noyam kin dihyei ngoisi di nggobiau sut minyei.

MAZMUR 90:16

Ma asindui sut ba, Ade awak di nyeni ningat ayai munti di bibon ninggap leusi bou nyeni niyai him ba, nyende nintun him yamti di bram yam nya cem ingat Ade nisindemti di mindur brei bou igyai him.

NEHEI LEUSI 16:7

Njap di hyep bu lene mijingat tuhan de nikei-kau-keisi bou jiyai him. Noni miap jihyet tirigi po jinso-nso nyen pima. Ningat ne jingon sibui sut Noni lewo Harun nyeni ninok Nide awak nya binibit Nide nicuk nyeti nya he.

MATIUS 17:20

Yesus buhup “Lewo jiba jingon com Da haigtu bi. Ma jiyok ngon kep bipia gino jide niba ningon com Dati dem kep sawi ngan di bigbibor ne dem mem jicuk nungug dini bijipai ‘Ason leu mpia dini ug ei mpia ttou nsi dinu!’ Lene midem igbit jicukti ri. Jiyai mun nyeng hagom di nipou ne bit bon jiyai kan bi nya lene dem! [

MARKUS 9:23

Yesus buhup “Nggon rino ahig Da ‘Gino asindem mem gima ampu nye’ i? Lewo bon no di ba ningon com Da yai mun di hagom kan.”

YOHANES 1:14

Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 11:4

Tirigi Yesus miap ninghapti tut ninggwenti dima lene pai bak yo di igya kui Noni “Ninggwenti dima mibindei ba, mai jit bi. Mun dini cut igkep noni leu binhyepo tungwatu nya ingat Allah nikei-kau-keisi bou igyai him lene bindei ba, ingat Allah Nipmot cem nikei-kau-keisi bou igyai him.”

YOHANES 12:41

Yesaya pai nok lewo noni ngat Yesus nikei-kau-keisi bou niyai him ba, pui mun tut Noni cem.

YOHANES 9:3

Yesus buhup “Nide sisar bindei niyai di tu ba, nicig-nipmem nya ide sisar bindei niyai di tu cem bi. Gi niyai tu dima bon nikwesti mem tungwatu nya ingat Allah de nisindemti di bindei ba, noni kei hanyen.

ROMA 6:4

Ibicom yam bit Nide nimai eisi ba, itig nyeni bimai bit Noni tug hon nitur nyeti dima leu binhyepo ikiju hanyen bibrim ingkek mem niyaijo nijep noyam kin Kristus di kiju leu nimai eisi tug hon Nicig De nisindemti di kei-kau-kei.

KORINTUS GI NICAN 3:18

Tini bu ne sinsun nghas nggai kep ser nyeni iimaisi bu bi. Leu api Tuhan Yesus nikei-kau-keisi com ninjeng hanyen tug hon iimaisi di tereu nok kisina. Tuhan Ninnei luei kep nyeni itta sindam lene bindei ba, inoyam kin ide Tuhan di kei-kau-kei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.