YOHANES 10:38 - ALLAH NIHYET MEM TUNGWATU NYA

³⁸ Mbro nok gino jingon jo kep Da bi lo, gino diyai midyai bit leu Dicig ningon kanti ne ma jingon jo kep Ditde midyai hak ug leu binhyepo jikan tut mungkun bipia Dicig kin Dani ninok gom kin yam.”

YOHANES 10:38 ပူးပေါင်းရင်းမြစ်များ

YOHANES 14:20

Tirigi njap dima dem lene mijikan tut bipia dinok gom kin Dicig lene jinok gom kin Da bit leu gi dinok gom kin je.

YOHANES 10:30

Dicig kin Dani ninok gom kin yam.”

YOHANES 10:25

Yesus buhup “Dipai brei bije tu noro jingon jo kep Da bi. Diyai midyai tug hon nisindemti di Dicig yai biDa ba, midyai dima ndo bindo tut Da.

KISAH 2:22

Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu.

YOHANES 3:2

Mpe di gom lene noni ug ngat Yesus mem mmun bihig ser Noni “Guru e, nikan tut bipia Nani ne guru di Allah cuk kwei ri. Gino Noni ningat rin bit Na bi ne bit bon abibon mindur nok gi abibon dima kan bi.”

YOHANES 5:36

Mun nyeng gom di bindo tut Da nindig bibor dor njiriek bindo di Yohanes ndo pima. Dicig cuk Da mem diyai kep midyai apino midyai di diyai kep nya hagom bon ninyeng dor njiriek mun di Yohanes tri tut Da. Ditde midyai nya ndo brei bipia Dicig cuk Da kwei.

YOHANES 17:11

Jei bi ne dihwou ndam Na. Digwam ei dihyeisi dini kikau bi noro yo di igya kui Da rino igwam ei dihyeisi dini yo. Arig di angon kwes-kwau e! Ma aba Ade nisindemti binyohou yok noyam kin gi abindei ba, Dani cem diyai nisindemti leu binhyepo yahagom inok gom kin yam bit leu nok sinok gom kin yam.

YOHANES 11:4

Tirigi Yesus miap ninghapti tut ninggwenti dima lene pai bak yo di igya kui Noni “Ninggwenti dima mibindei ba, mai jit bi. Mun dini cut igkep noni leu binhyepo tungwatu nya ingat Allah nikei-kau-keisi bou igyai him lene bindei ba, ingat Allah Nipmot cem nikei-kau-keisi bou igyai him.”

YOHANES GI NIGOM 3:24

No di yai igbit Allah nicuk noti nya niyaijo nok gom kin Allah ba, Allah niyaijo nok gom kin noni. Ingon dorti tut bipia Allah niyaijo nok gom kin nye tug hon Ninnei di Noni kes ei ingonti.