YOHANES 10:3 - ALLAH NIHYET MEM TUNGWATU NYA

³ Awak di bong ser dimbou hui kau dimbou leu noni leu api domba nya imiap nihyet tirigi noni jem kep yok bindat kep yahagom inyeng igbit leu api hei sut yok.

YOHANES 10:3 ပူးပေါင်းရင်းမြစ်များ

MAZMUR 80:1

Doia Asaf mem no di bie tut doia nimpung bit leu nihyet nibikiek Mitou Bakung.

NEHEI LEUSI 33:17

Lene tuhan pai bak Musa “Midiyai hagom bit leu nok ahara Da tut tu. Lewo dikan tut na mungkun ba, dijoi sut na.”

NIPINGOK NINGONTI 27:23

Ma anyohou hyen kep ade domba kin sapi nya nok gi kei.

DIUN MIMUN 8:13

Na di abong ser miaisi e, ma akon ahyet bidimiap ug e. Ba, disut bat nya cem ijoi sut imiap ahyet!”

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 42:16

Midicen Ditde limwa di igyai tu nya kak puig di ikan tut bi. Midibindei ba, nidinditi di nggai kep yok nok nipigati mem yok bu. Mididime kep njuisi nya hagom binok puig di sur yam kei mem yok. Midibon mun dima yok hagom mem yok bidiyai dibou tut yok.

YOHANES 10:14

Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

YOHANES 10:4

Tirigi noni hei sut domba nya bibie tut yok lene domba nya ibit lewo imiap igbit nihyet.

YOHANES 10:9

Dani ne dimbou hui ri. Bikwop no di coi kak Da miyai niteu leu sisar kin niyaijo nijepti. Noni hei-hei nyen biyem njita nok gi dem.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

YOHANES 6:45

Bit leu nok gi ipas ei Srat Nabi nya nibokti ‘Allah ngginau tungwatu nya yahagom ingonti.’ Bikwop no di miap Dicig nihyet biningon dorti tut ne no dima nggre kin Da.

ROMA 8:30

Lene Allah hig yo di Noni dimig ei su nya biyai ingon di kwes kin Noni leu api bindei ba, yo di ingon kwes kin Noni ipriet kin Nide nikei-kau-keisi.

KORINTUS GI NIGOM 16:9

Mbro nok gino tungwatu nya imang bibor itte tut da ei minu ndig dini lo, diyai nituti kin nikwesti mang bibor mem gima diyai kep Tuhan de midyai di ningat nindig mintun him.

FILIPI 4:3

Na di disut di ningon gom e, handei kon ba, ampu sop cin dini. Lewo nipou ne ibrim ingkek bimpu da tirigi ditri tut Nihyet Di Kei leu Allah noyam kin Klemen kin disut bat nindigsi nya di inyeng tibim kin daptar yo di igyai niyaijo nijep nya yahagom.

KOLOSE 4:3

Ma jingat nadi tindei nyeni cem leu binhyepo Allah bon nikwesti mem gima nitri tut nihyet binimbot kep tut nimimun tut Kristus. Lewo disima ei ig bui nsi nogondini drek dip gi ditri tut nihyet dima.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

PETRUS GI NIGOM 1:12

Allah mbot kep tut bak nabi dima yok bipia mun di itri tut dima mem yonti bi noro mem jeni. Mun di itri tut habiei dima tibim kwei leu yo di itri tut Nihyet Di Kei yuhui him. Ba, yo dini itri tut Nihyet Di Kei bije tug hon Allah Ninnei di Allah pinak kwei leu gwamti nisindemti. Gino malaikati nya ingon dorti tut mun di yo dima itri tut nipek kepti ne ingon llei bibor.

YOHANES GI NIGOM 4:6

Noro Allah ninyeng tak kep nyeni. No di ningon dorti tut Allah bit nyeni ighyet. No di Allah ninyeng tak kep bi bit nyeni ighyet bi. Tug hon nisinati di ibingat Ninnei di nijit kin ninnei di bindei ba, tungwatu nya israwir niter leu yamti.

YOHANES GI NININGAI 1:14

Diyok dingon mem gima dihwou cem kep na leu binhyepo simbrap bit yam tut.

NINGAT-HI-NGAT NYA 20:15

No dima com yo dino inyeng jo ei Srat Yo Di Igyaijo Nyati bi nya ei muk humti.

NINGAT-HI-NGAT NYA 3:20

Jimiap e, diya kui dimbou heisi bidipuk dimbou ba, no di miap dihyet bikau dimbou leu Da lene midicoi ug ei nide ig bei nsi leu binhyepo niyem njita bit yam.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”