YOHANES 10:28 - ALLAH NIHYET MEM TUNGWATU NYA

²⁸ Diyai niyaijo nijep di jo kikau biyok leu api isar hanyen bi sren. Bit bon hi pos yok leu dinda nsi kan bi.

YOHANES 10:28 ပူးပေါင်းရင်းမြစ်များ

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

IBRANI 7:25

Gima rino Noni sindem mem gima teu tungwatu nya di ikwei kuk yok bak Allah tug hon Noni leu ide sisar biyai niyaijo nijep biyok bijo ninno-bijo kikau lewo Noni niyaijo kikau biya hacan mem yok ei Allah Noho bei.

ROMA 8:29

Habiei ei nimbie him ne Allah kan tut yo di Noni hig su nya bidimig yok leu binhyepo inoyam kin Nipmot Yesus Kristus. Tug hon nisinati dima Noni bindei Nipmot nok mighumbou mem Nide bat nya imang bibor.

YOHANES 18:9

Yesus pai nok leu binhyepo mun di Noni ngat nadi tindei yok pek kep mem yok tirigi pai “Arig e, dinyohou yo di Arig yai biDa leu api hi srawir bi.”)

FILIPI 1:6

Diba dingon com bipia Allah di kinyon ei midyai di kei bibor diniti ei jingonti miyai kep midyai dima kikau bibou put hon ei Njap Di Kristus Yesus kwei hanyen.

YESAYA 54:17

Noro bit bon minggwen di tukan nya ibon dima sindem mem gima tot na kan bi. Tirigi hi pai kep na ei nikei noho bei lene nihyet minok bu tan lewo ando bindo di bindo pia yai mun tunggwei bak. Midimbrap gau Ditde awak nya bidibindei ba, ihwen ide siceu nya bitimek.” tuhan simbot dat tu.

YOHANES GI NIGOM 2:25

Kristus nonti preu ei mem nye tut niyaijo nijep di jo kikau.

YOHANES 4:14

Noro no di dut minyei gi Da duhug binoni nggobiau hanyen bi sren. Lewo minyei gi duhug binoni rinok minyei bousi gom di biam tut minyei niyaijo nijep ei ningonti bijo kikau.”

ROMA 8:1

Nogindini Allah mikes hukum ei yo di inok gom kin Kristus Yesus dip bi.

YUDAS 1:24

Ma nyeni yahagom inggei sut Allah di sindem mem gima nyohou je leu binhyepo jicut bi ba, sindem mem gima buwak je bitut jingon di llei lo, mun di kinei hi rap je bi kikau ug ei Nonti Noho bei.

YOHANES 17:2

Arig e, ayai nisindemti biNoni leu binhyepo ninyeng tak kep tungwatu dihyeisi hagom ba, yai niyaijo nijep di jo kikau bak yo dino akes yok biNoni yahagom.

YOHANES 5:24

Dipai nijit bije bipia no di miap dihyet bibit leu api ba ningon com No di cuk Da kwei yai niyaijo nijep di jo kikau ei ningonti tu. No dima mitug ndei hukum bi noro hei leu nimai bicoi ei niyaijo nijepti bu.

YOHANES GI NIGOM 2:19

Yo dini inok gom kin nye di mbusyamei bi. Gima rino ikes nye ei bimbut leu nye tu. Gino inok gom kin nye di mbusyamei ne igwam bit nye kikau kwei bipek ammani kep. Noro ikes nye bimbut leu nye tu ba, gini bindo bipia inok gom kin nye bi.

YOHANES GI NIGOM 5:11

Mun di Allah ngat bou niyai him bitri tut ndo bipia Noni yai niyaijo nijep dijo kikau binye tu ba, niyaijo nijep dima nibousi rino Nipmot.

YUDAS 1:21

Ma jinyohou jenti leu binhyepo Allah ningon ngakei jeti ppu hum kin jingonti mem nijam di jiyok jingon mem ide Tuhan Yesus Kristus nikwei hanyenti. Noni miyai niyaijo nijep di jo kikau bije tug hon ningon di nggriu sut je.

PETRUS GI NIGOM 1:5

Mun dima yok hagom jo ei mem je lewo jingon jo kep Allah tu. Ba, Allah de nisindemti nyohou je kikau leu binhyepo jiyai niyaijo nijep di jo kikau di Noni ndo brei mem njap ningwig honti.

MAZMUR 37:28

Lewo tuhan ningon llei ndam niyai munti di sren kei nya. Noni mikes Nide limwa di ingon gom nya bihigom ei bi sren. Noni nyohou yok bijo ninno bijo kikau. Noro Noni mibindei timek yo di isibut ide nintun him yamti di bram yam bingwig.

NINDAT KEP TUHAN NICUKTI NYA 33:3

Noni ningon ngakei Nide limwa nya biya srak ko hagau yo di ninyeng tak kep yok. Gima rino ikuk nye ei nimig him ba, ibit nicuk nyeti nya.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YOHANES 11:25

Yesus pai binoni “Diwin yo di imai nya leu imai eisi bidiyai niyaijo nijep biyok. Mbro nok gino hi mai su lo, gino ba ningon com Da tu lene miyai niyaijo nijep di jo kikau.

YEREMIA 31:3

dindo Danti biyok leu minu ting. Je di mben Israel e, dingon ngakei je habiei ei nimbie him kikau kwei bipek ammani kep. Gima rino midingon ngakei je kikau.

YUDAS 1:1

Srat dini leu Yudas. Dinok awak mem Yesus Kristus ba, dikindig rino Yakobus. Ba, srat dini mem je dino Icig Allah dimig je tu di jingon dorti tut Nide ningon ngakei jeti kin Yesus Kristus ninyohou jeti.

NIPINGOK NINGONTI 24:16

Mbro nok gino mun di buhun cut igkep no di ningon gom mbirimang bibindei ba, noni cut-cut nyen lo, noni mikiju hanyen. Noro mun di buhun bibor micut igkep yo di isibut nya ba, imos kei.

TESALONIKA GI NICAN 2:13

Disut bat jen, suar nijem sigyo bak Allah bikwop njap-njap tut je dino Allah ningon ngakei je. Lewo Noni dimig je ei leu binhyepo jiyai niteu leu sisarti kin niyaijo nijep bibie mem nindigsi nya tug hon Allah Ninnei de nisindemti di bibon je bijinok Nide limwa di ingon kwes nya bijiba jingon com nihyet di nijit.

YOHANES 3:36

No di ba ningon com Allah Nipmot yai niyaijo nijep di jo kikau ei ningonti tu. No di ba ningon com Allah Nipmot bi yai niyaijo nijep bi. Noro noni tug ndei hukum leu Allah bijo ninno bijo kikau.”

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

ROMA 5:21

Gi nok lene suar nyeni yahagom itug ndei nimai lewo ibon sisar tu. Noro Allah singat tut nye bitin puig di bie ug ei ingon kwes kin Noni hanyenti. Gino ingon kwes kin Noni hanyen tu ne Noni miyai niyaijo nijep di jo kikau binye tug hon ide Tuhan Yesus Kristus.

AYUB 17:9

Yo di ipai sut yonti bipia isingat kei ba, ibon mun di igbit nya ingon hukti bipia igyai munti bipwoi Allah ningon bikum eisi kikau ba, iji ngkiem tut.

TIMOTIUS GI NIGOM 1:16

Noro Allah singat tut da drek dip leu binhyepo Kristus Yesus moom ningon tut da di dinok no di bon sisar nindig bibor dor njiriek nindigsi nya yahagom. Lene gini ndo bindo bak yo di ingon jo kep Noni bigyai niyaijo nijep di jo kikau ei nidipti bu.

ROMA 6:23

Lewo sisar birop jimuhup nimai eisi hanyen bije. Noro Allah yai niyaijo nijep di jo kikau bit ide Tuhan Yesus Kristus binye mikuisi.

ROMA 5:17

Ningat ne tungwagom nipigau hanjopti bindei ba, nimai tak kep tungwatu yahagom tug hon tungwagom dia. Noro Yesus Kristus Nongkom niyai munti bindei ba, mun di bon ninyeng nindig bibor dor njiriek bu pek kep mem nye. Bikwop tungwa tou rino kau dimbou leu Allah nisingat tut noti biyai ningon kwes kin Allah hanyen ne mimbri mikui niyaijoti tug hon Kristus.

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

KISAH 7:59

Iba tig bihwen Stefanus ninno lene noni hara “Tuhan Yesus e, ayai dinnei leu hak ug.”

YOHANES 14:19

Jei bi lene tungwatu dihyeisi dini ingat Da bou igyai him bu bi. Noro mijingat Da hanyen bu. Mijiyai niyaijo nijep tug hon Ditde niyaijoti.

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

YOHANES 6:27

Ma jicom jahanggwap tut roti di mipror yon au. Noro ma jicom jahanggwap tut roti di bit bon pror yon kan bi di bindei ba, jiyai niyaijo nijep di jo kikau. Munggwom Tungwatu Nipmot yai roti dima bije lewo Nicig Allah ndo brei bipia joi sut Noni tu.”

YEREMIA 32:40

Nipreu eisi di dipreu ei bit yok mijo kikau. Midikes hon ninjei mun di kei bak yoni bi. Dibindei ba, iba ingon titut bittin tut Dani ba, ibou cut biDa cem. Diyai gima leu binhyepo iba inghim bak Dani bu bi sren.

SAMUEL GI NIGOM 2:9

Yo di ingon gom nya igwam coi Noni apino ingon jo nyahan noro yo di isibut nya ipror hak ug ei nidinditi. Bit bon tungwagom hwen nide siceu nya bingwig tug hon nonti nide nisindemti kan bi.

ROMA 5:9

Nogindini igyai ingon kwes kin Allah tug hon Kristus nimaisi. Gima rino jo nibreisi bipia Noni miteu nye leu hukum di Allah mikes ei tungwatu nya dip.

YOHANES 6:68

Simon Petrus pai biNoni “Tuhan e, nibit tou bu i? Lewo nihyet Ade yai niyaijo nijep di jo kikau binye.

LUKAS 23:46

Lene Yesus ba nihyet nindig bahara “Arig e, dikes dinnei ei andati!” Hara nok rino ninnei kimbas.

YEREMIA 31:34

Mpe dima lene ingginau isut bat nya bitri tut ighyet bak ide bat nya nok gini bu bi, ‘Suar aba angon bisrip tut tuhan.’ Lewo yo di inyeng jei nya kikau ug bipek kin yo di ibon inyeng bi nya yahagom iba ingon bisrip tut tuhan tu. Midikos ser ide sisar bidiyok ngon kep ide mun di igyai tunggwei nya bu bi. Da di tuhan disimbot dat tu.”

NIPINGOK NINGONTI 4:18

Puig di yo di ikei nya imbut kak dem kep nok mpia njap di sindi pri ba, nipigati piga kikau binindig kep.

MAZMUR 31:5

Ateu da leu bansi di ikim mem gima ibisrou da. Lewo Nani ne mpia di digwam coi ri.

MARKUS 13:22

Lewo nibou ndig di teu tungwatu nya biyai niyaijo nijep biyok nitrowai nya kin nabi nitrowai nya mikiju leu api indo bindo bibon mindur cem ba, ipi biris Allah de limwa nya noro limwa dima yok ingon bit ighyet bi.

YESAYA 55:3

Ditde limwa jen, ma jintu kep dihyet bijikwei bit Da leu api midiyai niyaijo nijit bije. Midipreu ei mem je bidiyai ningon ngakeisi kin ningon gomti bijo ninno bijo kikau bije bit leu nok dipreu ei mem Daudti.

YESAYA 27:3

Da di tuhan rino no di ya ser ba anggur nghousi dima bidiprok bikwop nituti hagom. Diya ser bikwop mmun njap leu binhyepo hi bindei ba, kinei bi.

YEREMIA 23:4

Midita nibou di inyeng tak kep yok binyohou yok. Mpe dima lene ittin ba, idigit cem bu bi. Hi di mipror leu yok cem bi. Da di tuhan disimbot dat tu.”

YOHANES 10:29

Dicig di kes yok biDa bon ninyeng dor njiriek nindigsi nya. Bit bon hi pos yok leu Dicig di nyohou yok ninda nsi kan bi.

YOHANES GI NIGOM 1:2

Tirigi Niyaijo dima hei ei nibreisi biningat Noni bou niyai him. Gima rino nitri tut mun di ningat bou niyai him ba, nipui sut niyaijo nijep di jo kikau nibousi di ningat rin bit Icig Allah leu api kwei ttau kep nye.