YOHANES 10:24 - ALLAH NIHYET MEM TUNGWATU NYA

²⁴ mpe dino tungwatu nya ingwig kep Noni bihig ser Noni “Akes hon gino abiti ninda ei njap pig bu i? Gino Nani ne Nibou Ndig di teu tungwatu nya biyai niyaijo nijep biyok rin lene ma apai mungkun leu binhyepo nikan tut hak ug.”

YOHANES 10:24 ပူးပေါင်းရင်းမြစ်များ

NIBOU NDIG NYA GI NIGOM 18:21

Lene Elia ya ei tungwatu pima yok yahagom yoho bei bipai biyok “Jikrau kep jingon canti kikau mem nijam pig bu i? Gino tuhan ne Allah nijit rin lene ma jikuk je bak! Gino Baal ne allah nijit rin lene ma jikuk je bak!” Noro tungwatu pima yok ibuhup bi.

MATIUS 11:3

ihig ser Noni “Nani ne no di kwei bit leu Allah nipreu ei mem nyeti tu rin e? He suar nyeni ningon ya mem hiter bu e?”

MARKUS 8:32

Yesus pai gini hagom brei biyok leu api Petrus buwak Noni ter ba, kindi srep “Guru e, apai nok au.”

LUKAS 3:15

Mpe dima lene tungwatu nya sindi ihig yam tut Yohanes bipai “Mpaba noni ne Nibou Ndig di teu tungwatu nya biyai niyaijo nijep biyok di igyok ingon mem rin e?”

YOHANES 1:19

Nibou mben Yahudi nya ei minu ndig Yerusalem isok ighyet ei imam nya kin yo di intun Lewi him dip bak Yohanes bihig ser noni “Nani tou i?”

YOHANES 10:31

Lene mben Yahudi iteu tig hanyen mem ibihwen Noni.

YOHANES 10:33

Mben Yahudi ibuhup “Nihwen Na drek dip Ade midyai di kei nya bi. Noro drek dip ahyet di wer mpiahi tut Allah. Nani ne tungwatu dihyeisi dini he rin noro apai sut Nanti bipia Nani ne Allah ri.”

YOHANES 16:25

“Diba nihyet nibiti nindati bitri tut dihyet dini bije. Noro ei nidipti bu ne midiba nihyet nibiti nindati bitri tut dihyet bu bi noro miditri tut Dicig brei bije.

YOHANES 8:25

Ihig ser Noni “Anyeng tou i?” Yesus buhup “Dani ne no ripo dipai bije habiei su pima.

YOHANES 8:53

Akan bipia anyeng jei dor njiriek icig Abraham e? Noni mai leu su ba, nabi nya cem imai leu su. Nani ne tou i? Bit bon anyeng jei dor njiriek icig Abraham kan bi!”

YOHANES 9:22

Nicig-nipmem nya ibuhup nok lewo idigit tut nibou mben Yahudi nya di igyok ingon gom tut bikwop no di mbot kep tut bipia ningon jo kep Yesus nok Nibou Ndig di teu tungwatu nya biyai niyaijo nijep biyok lene micom noni leu yo di inggre kin mben Yahudi ide mbusyamei.

KORINTUS GI NICAN 3:12

Gima rino nibrim ningkek kep tungwatu nya lewo niba ningon com mun di jo kikau buug hon nohonti bi dima.