YOHANES 10:16 - ALLAH NIHYET MEM TUNGWATU NYA

¹⁶ Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

YOHANES 10:16 ပူးပေါင်းရင်းမြစ်များ

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

MAZMUR 86:9

tuhan e, mben ngkiai di apai tes yok nya yahagom mikwei kuk yok biNa bikon anyeng di jei bibor.

NIBA NINGON SRIP HUKTI 12:11

No di ningon ki nihyet dem kep gembala de tom di nggwen di noni binyohou domba nya. Nihyet nibiti ninda kin nisok kepti nya dem kep paku di ibipek mpia bingkiem. Allah ne ide gembala ningat-ngat rin ba, ngginau nye tut mun dima yok hagom.

YESAYA 11:10

Njap ngon bou midem leu api nibou ndig di ntun Daud him mindo bindo tut nibiyok ngon kepti mem mben yahagom. Yoni minduk yam kwei ndam noni bikon nide minu ndig ninyeng bijo anai.

YESAYA 43:6

Midikes dihyet bak timiei mpia nijjai nya kin mpia nibiho nya leu binhyepo ice tut jide nintun him yamti di bram yam nya ba, ikwei hanyen leu ingkiaisi bisindui sut Ditde limwa nya ba, ikwei hanyen leu dihyei nisurti-nipekti.

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 52:10

tuhan mindo Nide nisindemti brei bou mben ngkiai di dihyeisi dini hagom igyai him tirigi Noni teu Nide limwa nya bingwes ngun.

YESAYA 56:8

tuhan Di Ninyeng Jei Bibor di buwak mben Israel di ingkwei hanyen kwei leu ingkiaisi pai “Midibuwak nindigsi nya ba, iba yok bikum yo di idem yam ei su.”

YEHEZKIEL 34:12

noyam kin gembala di hek tut nide domba nya di noni jem hanyen kwei leu israwir eisi. Midijem yok hanyen kwei leu minu di israwir eisi hagom mem njap di mmun ken nggai kep yok ei mpe di po icut bak ide siceu nya pima.

YEHEZKIEL 34:23

Midita nibou ndig gom di noyam kin Ditde awak di Daud ba, noni ne ide gembala gom ngat di hek tut yok ba, joi bibor ri.

YEHEZKIEL 34:6

Gima rino Ditde domba nya imbut-mbut wai apino israwir bidem nungug him kin mbigdip di jei bibor nya. Intek gimahap bidem dihyei nisurti-nipekti lewo gembala hi hek tut yok ba, nggok bram yok cem bi.

YEHEZKIEL 37:22

Midibindei ba, ibicom yam. Ninyeng di tak kep yontiti gom ngat he ei itimieisi bidem nungug him ei minu Israel hagom. Ide nibou ndig gom ngat ninyeng mitak kep yok. Yoni mikwas yonti ter leu yam binok canti bi lene inyeng tak kep yonti canti bu bi.

YEHEZKIEL 37:24

Nibou ndig di noyam kin Ditde awak di Daud ninyeng mitak kep yok. Yahagom mibicom yam nok gom leu api nibou ndig dima ninyeng mitak kep yok. Ingon gom tut diggai serti bibit hagom nok gi kei cem.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

ZAKHARIA 2:11

Ei nijam dima lene ngkiai nya imang bibor mikwei ndam tuhan bikuk yok bak binok Nide limwa nya. Noni migwam ei jikieti lene mijikan tut bipia tuhan rino cuk da hwou ndam je a.

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

LUKAS 15:8

Gino sindig gom pwoi nide mitiei nitig simnai lo, nitig gom pror leu noni lene noni mibon ndei notou i? Noni mitin mini binjeng lene micok mumpiang bingwig leu nide ig leu api minggok ser mitiei dima bibou ngat ug e.

YOHANES 10:11

Dani ne gembala di ningon gom tut domba nya rin ba, ditin ei bidikes Dinnei ei mem domba nya.

YOHANES 10:2

No di coi kak dimbou hui ug ei sar nsi ne gembala di hyen kep domba nya ri.

YOHANES 10:27

Ditde domba nya imiap dihyet. Dingat igbit yok lene ibit Da.

YOHANES 10:3

Awak di bong ser dimbou hui kau dimbou leu noni leu api domba nya imiap nihyet tirigi noni jem kep yok bindat kep yahagom inyeng igbit leu api hei sut yok.

YOHANES 10:4

Tirigi noni hei sut domba nya bibie tut yok lene domba nya ibit lewo imiap igbit nihyet.

YOHANES 10:5

Domba nya ibit ngkiai nihyet bi. Noro inang lewo imiap igbit nihyet bi.”

YOHANES 11:52

Noni mai luei mben Yahudi he bi noro mibuwak Allah nimunggwom bat nya di ibong ingkiaisi yahagom ba, inok gom kin yam tug hon nimaisi.

YOHANES 17:20

Dingat nadi tindei yoni he bi noro bitut yo di hiter di ingon jo kep Da tug hon nihyet di yoni itri tut Da cem.

YOHANES 6:37

Bikwop yo di Dicig kes yok biDa yahagom minggre kin Da leu api dirok yo di inggre kin Da ei bi sren.

KISAH 15:14

Nogindi pa Simon pai brei bije tut Allah di singat tut ngkiai nya ei nimbie him tirigi Noni dimig keret gom leu ngkiai nya ikieti leu binhyepo inok Nide limwa nya pima.

KISAH 18:10

Lewo Dingat rin bit na. Bit bon tungwatu imbuk tut na kan bi. Lewo dinyeng tak kep timiei minu ndig dini imang bibor.”

KISAH 22:14

Noni pai bida ‘Ide pung di intun him nya ide Allah dimig na leu binhyepo akan tut Nonti ningon kanti ba, angat Yesus di Allah de Awak di pwoi Allah ningon dima bou ayai him lene amiap Yesus nihyet tirigi Noni mbrap pijum bit na cem.

ROMA 11:25

Disut bat jen, ma jikan kep bipia jingon ki bijikan bidem mun nyeng hagom au. Lewo Allah De mimun nyeng gom no rinaha lo, tungwatu nya ikan tut bi. Noro handei kon ba, jikan tut Nide mimun dima. Mben Israel bihi ingkek ndok noro ide ningkek ndokti dima jo kikau bi. Noro mijo nijoti nok bibou ngkiai nya di mitti kin Allah imangti dem ug e.

TESALONIKA GI NICAN 2:13

Disut bat jen, suar nijem sigyo bak Allah bikwop njap-njap tut je dino Allah ningon ngakei je. Lewo Noni dimig je ei leu binhyepo jiyai niteu leu sisarti kin niyaijo nijep bibie mem nindigsi nya tug hon Allah Ninnei de nisindemti di bibon je bijinok Nide limwa di ingon kwes nya bijiba jingon com nihyet di nijit.

IBRANI 13:20

Allah ne nibousi mem ningon jo nyahanti rin ba, Noni win Yesus hanyen leu nimai eisi bikon Noni nok Gembala Di Kei Bibor mem Nide domba nya tug hon ninggrom di tak buk kep Nide nipreu eisi habiei ei nimbie him bijo kikau buug hon nohonti bi.

PETRUS GI NIGOM 2:10

Nipou ne jeni cem Allah de limwa nya rin bi. Noro tini bu ne jeni cem Nide limwa nya ri. Nipou ne jingon mbum tut Allah nisingat tut jeti noro tini bu ne jiyai Nide nisingat tut jeti ei jingonti tu.

PETRUS GI NIGOM 2:25

Nipou ne jinok domba di israwir nya. Noro tini bu ne Allah buwak je hanyen kwei leu binhyepo jibit No Di Gembala di nyohou jingonti.

PETRUS GI NIGOM 5:4

Ba, mpe dino Gembala Di Ninyeng Jei ttau hanyen kwei lene Noni mikes munkwas di kei-kau di bit bon pimber hanyen kan bi ei jibou nggram him dip.

NINGAT-HI-NGAT NYA 3:20

Jimiap e, diya kui dimbou heisi bidipuk dimbou ba, no di miap dihyet bikau dimbou leu Da lene midicoi ug ei nide ig bei nsi leu binhyepo niyem njita bit yam.