YOHANES 10:14 - ALLAH NIHYET MEM TUNGWATU NYA

¹⁴ Dani ne gembala di ningon gom tut domba nya rin ba, dingat igbit Ditde domba nya. Nok gima cem Ditde domba nya ingat igbit Da.

YOHANES 10:14 ပူးပေါင်းရင်းမြစ်များ

MAZMUR 1:6

Lewo tuhan bie tut yo di ingon sren nya binyohou yok noro yo di isibut nya no ikak puig di bie ndam nimai.

YESAYA 40:11

Noni minyohou Nide domba nya dem kep nok no di gembala bibie tut yok. Noni mikon domba mien nya bibong ei ninda kroisi lene ba ningon di nggriu-nggrop bijem niwek di ibep nya.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

NAHUM 1:7

tuhan ningon nggriu ba, nyohou Nide limwa nya ei mpe di igwam coi Noni drek dip ide ningon buhunti ba, Noni ya ser yok.

YOHANES 10:11

Dani ne gembala di ningon gom tut domba nya rin ba, ditin ei bidikes Dinnei ei mem domba nya.

YOHANES 10:13

Noni nang leu domba nya lewo noni nok awak he. Ningon gom tut domba nya bi.

YOHANES 10:27

Ditde domba nya imiap dihyet. Dingat igbit yok lene ibit Da.

YOHANES 17:3

Gino tungwatu nya iba ingon com bipia Nani ne Allah gom ngat di nijit rin ba, iba ingon com Yesus Kristus di acuk kwei lene igyai niyaijo nijep di jo kikau.

YOHANES 17:8

Ditri tut nihyet di asok ei Da dip bak yoni leu api igyai hagom ei ingonti tu. Yoni ikan tut bipia Ditde nijuk kwei leu Nati ne nijit-jau rin ba, ingon jo kep bipia acuk Da kwei.

KORINTUS GI NICAN 4:6

Allah di pai “Ma nipigati piga kwei leu nidinditi” noyam kin Allah di piga digai nyeni ingonti leu binhyepo ingon dorti tut Allah nikei-kau-keisi di piga kwei leu Yesus Kristus niimaisi.

EFESUS 1:17

leu binhyepo Allah di ide Tuhan Yesus Kristus kuk No bak dinok Icig di kei-kau-kei mikes Ninnei ei je dip. Leu api Ninnei dima miyai jingon di ki bimbot kep tut Allah ningonti bije leu binhyepo jiya um Noni ei jingonti.

EFESUS 3:19

di bit bon tungwatu nya ingon dor niti tut tug hon ide ningon kiti kan bi. Handei kon ba, jiya um Allah ningon ngakei jeti ei jingonti leu binhyepo ningon mien paisi mpung bipias hagau ei jingon mienti.

FILIPI 3:8

Lene mun dima yok he bi. Lewo dikes mun nyeng hagom ei tereu nok mumpiang di bon ninyeng mem da bu bi leu binhyepo dinyeng tut mun di bon ninyeng nindig bibor dor njiriek bu. Mun dima rino dingon bit Kristus Yesus dino ditde Tuhan. Dikes mun dima yok hagom ei drek dip Kristus. Dibibon hagom tereu nok mumpiang leu binhyepo dingon bit Kristus lewo Noni bon ninyeng mem da,

2 TIMOTIUS GI NICAN 1:12

Gima rino diyai ninghuisi wei drek dip mun dini yok. Noro dingon nddong lewo dikan tut No di diba dingon com. Gima cem dingon jo kep bipia Noni sindem mem gima nyohou mun di Noni ba ningon com da tut kikau ug bipek Njap Ningwig Honti.

2 TIMOTIUS GI NICAN 2:19

Noro cou nipmem di Allah ta ei su dima nddong kei ba, bit bon tungwatu nya ikit-kit nyen kan bi. Srat bokti di jo ei cou nipmem dima dip pai “Tuhan kan igbit Nide limwa nya.” Ba, hi kin bu pai “Ma tungwa tou rino pai sut nonti bipia noni ne Allah de limwa rin mbres nonti leu mun di kinei hagom.”

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

NINGAT-HI-NGAT NYA 2:13

Dikan tut bipia mpia di jibongti dima ne mpia di Bilis gwam ei nide banggo mbrei dip ri. Mbro nok gino yo di isibut nya ihwen Antipas di ningon gom di tri tut Nihyet Di Kei ei jide minu di nok Bilis nibousi dima lo, jiba jingon com Da kikau. Jibikep ser Da drek dip bi lewo jingon gom tut Da.

NINGAT-HI-NGAT NYA 2:19

Dikan tut jiyai munti nya. Dikan tut bipia jingon ngakei yam cem jingon gom cem jijoi bibor cem jiba jibou coi mem ninghuisi wei di cut igkep je cem. Dikan tut bipia jijoi bibor bidor njiriek gi jijoi bibor ei nipou pini jug.

NINGAT-HI-NGAT NYA 2:2

Dikan tut jide midyai di jiyai nya. Dikan tut bipia jita jibou eisi ba, joom jingon bibor. Dikan tut bipia jikou sut yo di isibut nya ba, jimbus yo di ipai sut yonti bipia igya kui Yesus ingonti noro ibitot hagau apino jo nibreisi mem je bipia ibicum.

NINGAT-HI-NGAT NYA 2:9

Dikan tut mun di buhun tak je ba, juhui mbum cem noro jo nibreisi bipia jinyeng bibor! Dikan tut bipia yo di ipai sut yonti bipia yoni ne mben Yahudi rin noro bi dima irom ighyet kui je. Yo dima ne Bilis de limwa nya ri.

NINGAT-HI-NGAT NYA 3:1

“Apas srat dini bak malaikati di buhup tut mbusyamei ei minu ndig Sardis. Nipas kepti dini kwei leu No di nyeng tut Allah ninnei muhwindacan kin ham ningat muhwindacan. Dikan tut jiyai munti nya. Mbro nok gino tungwatu nya ipai sut je bipia jiyaijo yo lo, ningat ne jimai yo!

NINGAT-HI-NGAT NYA 3:15

Dikan tut jiyai munti nya. Dikan tut bipia jingkwei hanyen leu Da bi lo, jibrim jingkek mem Da cem bi. Mei! Dijoi sut gino jingon can bi.

NINGAT-HI-NGAT NYA 3:8

Dikan tut jiyai munti nya. Dikan tut bipia jiyai nisindemti poi mien ba, jibit dingginau jeti bijingon gom tut Da. Dikau dimbou leu je ba, bit bon hi nggam mbou dima hanyen kan bi.