YOHANES 1:51 - ALLAH NIHYET MEM TUNGWATU NYA

⁵¹ Yesus pai bu “Ma jiyok ngon kep lewo dipai nijit-jau bije bipia mijingat mpia-bbed him kau leu lene Allah de malaikati nya ikui-juk nyen biti Munggwom Tungwatu Nipmot noyam kin iti lin.”

YOHANES 1:51 ပူးပေါင်းရင်းမြစ်များ

NITRITI 28:12

Lene noni mumpriem bingat lo, lin mbrei gom di itas ei dihyeisi bikui ug ei mpia-bbed him lene malaikati nya iti ba, bihi ijuk kwei lo, bihi ikui hanyen.

YEHEZKIEL 1:1

Ug ei hon njap gi nimuhwi ei bed gi nibitai mem ari bingwam gi ningot ningai lene da di Imam Yehezkiel di dicig ninyeng Busi dibong bit mben Yehuda ei ingkiaisi simiak Minyei Kebar ei minu Babel. Mpe dima lene dingat lo, mpia-bbed him kau leu api Allah ndo ningat-hi-ngat gom bida.

ZAKHARIA 13:7

tuhan Di Ninyeng Jei Bibor pai “Singau simeda e, ma akiju ba, ahwen gembala di yai midyai mem Da! Ayai nimai bak leu api ide domba nya mintek gimahap. Dihwen Ditde limwa nya ba,

MATIUS 25:31

“Tirigi Munggwom Tungwatu Nipmot mikwei hanyen nok Nibou Ndig bitut malaikat nya yahagom cem lene Noni migwam ei Nide banggo mbrei di kei-kau-keiti.

MATIUS 26:24

Munggwom Tungwatu Nipmot miyai nimai bit leu nok Allah Nihyet pai sut Noni. Noro aye! Notou mem no di tri Munggwom Tungwatu Nipmot i? Gi kei rino no dima nipmem srek tut noni habiei bi sren!”

MATIUS 3:16

Tirigi Yesus yai dimigyam tug hon minyei bikiju kui leu minyeisi lene mpia-bbed him kau kros leu api Noni ngat Allah Ninnei nok hakimoi di dwop juk bigwam ei Noni dip.

MATIUS 4:11

Leu api Bilis kes Yesus hak ei lene malaikati nya ikwei nyohou Noni.

MATIUS 8:20

Yesus buhup “Nsien bigbehei nya ibong kikepti nonaha, Ha nya cem ibas nonaha. Noro Munggwom Tungwatu Nipmot bon nibongti hi bi.”

MATIUS 9:6

Noro nogindini midindo bindo brei bije leu binhyepo jikan tut bipia Munggwom Tungwatu Nipmot yai nisindemti mem gima kos ser sisar ei dihyeisi dini.” Leu api Noni cuk no di las hwen “Akiju ba, aya pijum lene ma akon ade lat ba, aug sut ug ei ade ig hak ug!”

MARKUS 1:10

Tirigi Yesus kiju kui leu minyeisi rino Noni ngat lo, mpia-bbed him kau lene Ninnei Gi Kwes nok hakimoi di duop juk bigwam ei Noni dip ba,

MARKUS 14:62

Yesus ce “Bit leu nok jipaisi dima. Mijingat Munggwom Tungwatu Nipmot di gwam kui Allah Di Sindem Bibor ninda com tirigi Noni kwei ei bumbuhuiti leu mpia-bbed him kwei ri!”

LUKAS 2:13

Leu api malaikati nimpung nindig gom ittau kros bigya kui noni lene ipai doia bibinggei sut Allah bipai,

LUKAS 2:9

Nok rino idrui sut lo, malaikati Allah de gom tau kros biya hak ei ikieti lene Allah nikei-kausi cem piga mpia kei bibindei ba, ingwes mba.

LUKAS 22:43

Malaikati gom ttau kwei biyai nisindem biNoni.

LUKAS 22:69

Hon kep ammani kui ne Munggwom Tungwatu Nipmot gwam kui Allah Di Sindem Bibor ninda com.”

LUKAS 24:4

Apino ingon kiowi niti bigya hak lo, pinai nya ibou can di ijuk sinsun di sieng-siau kei ittau kros bigya kui yok.

LUKAS 3:21

Tirigi tungwatu pima yok igyai nitur yok ei minyei leu su lene Yesus cem yai nitur No ei minyei. Tirigi Yesus kes nadi bigyo lene mpia-bbed him kau kros,

YOHANES 1:50

Yesus hig ser noni “Angon jo kep Da drek dip gi dipai sut na bipia dingat na tirigi agwam kui biei ara dima tu e? Mporo ma angat mun di bon ninyeng dor njiriek gima di mipek kep mem na bu yo!”

YOHANES 10:1

“Dipai nijit bije bipia no di coi kak dimbou hui ug ei sar nsi bi noro kriau ba, gau sar ne no di nggimang kin no di sibut cem ri.

YOHANES 10:7

Gima rino Yesus pai biyok hanyen bu “Dipai nijit bije bipia Dani ne dimbou mem domba nya icoi kak ri.

YOHANES 13:16

Dipai nijit bije bipia awak ninyeng jei dor njiriek niceu ninyeng bi. No di pwoi srat buug sut cem ninyeng jei dor njiriek no di cuk noni tut srat dima ninyeng bi.

YOHANES 13:38

Yesus buhup “Atin ei mem ayai nimai drek dip Da e? Dipai nijit bina bipia ariman nipou tirigi hacig yau bigyo lene aom ser Da mbiningai su.”

YOHANES 14:12

Dipai nijit bije bipia no di ba ningon com Da miyai midyai noyam kin midyai di diyai nya. Ningat ne noni miyai midyai nindig bibor dor njiriek bu lewo duug gwam bit Dicigya.

YOHANES 16:20

Ma jiyok ngon kep bipia mijipim bijiyai nggwei kibor cem noro tungwatu dihyeisi hagom ingon llei bibor. Jingon buhun noro jei bi lene jingon llei bibor hanyen bu.

YOHANES 16:23

Tirigi njap dima dem ne mijihig ser Da tut mun nyeng hi bu bi. Ma jiyok ngon kep bipia mindei rino jahara Dicig tut tug hon dinyeng lene Dicig mibirop hanyen bije.

YOHANES 21:18

Dipai nijit bina bipia tirigi apilei yo ne akri bang kep antig bou ba, ambut ug ei mpia tto nsi hi bit leu ajoi sutti. Noro ei nidipti bu tirigi anghim koi su ne mporo asu anda hacem leu api hiter mingot anda bittei na ug ei mpia ttou nsi di ajoi sut bi.”

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

YOHANES 3:5

Yesus buhup “Dipai nijit bina bipia gino tungwagom srek tug hon minyei kin Ninnei Gi Kwes bi ne bit bon noni coi bit Allah Ninyeng Tak Kepti kan bi.

YOHANES 5:19

Yesus buhup yo dima ighyet nok gini. “Dipai nijit bije bipia bit bon Allah Nipmot yai kep midyai bit leu Nonti ningon kanti kan bi noro tou kep Nicig biyai bram Nicig niyaisi. Lewo Nipmot yai kep midyai dem kep nok Nicig niyai kepti nya.

YOHANES 5:27

Nicig yai nisindemti bak Nipmot leu binhyepo mbus tungwatu nya ingonti lewo Nipmot ne Munggwom Tungwatu Nipmot ri.

YOHANES 6:26

Yesus buhup “Dipai nijit bije bipia jinggok ser Da drek dip gi jingon dorti tut mindur di dibibon nya bi. Noro drek dip roti di jiyem bindei je pima.

YOHANES 6:32

Lene Yesus buhup “Dipai nijit bije bipia Musa yai roti leu gwamti bije bi noro Dicig yai roti ningat-ngat leu gwamti bije.

YOHANES 6:47

Ma jingon jo kep bipia bikwop no di ba ningon com Da yai niyaijo nijep di jo kikau ei ningonti tu.

YOHANES 6:53

Lene Yesus pai biyok “Ma jiyok ngon kep bipia gino jiyem Munggwom Tungwatu Nipmot ninghui bijidut ninggrom bi lene bit bon jiyai niyaijo nijep ei jingonti kan bi.

YOHANES 8:34

Yesus pai biyok “Dipai nijit bije bipia bikwop no di bon sisar ne no dima nok awak mem sisar.

YOHANES 8:51

Dipai nijit bije bipia no di bit dihyet mai bu bi sren.”

YOHANES 8:58

Yesus buhup “Dipai nijit bije bipia nipou tirigi Abraham srek bigyo ne DANI DINGAT RI.”

KISAH 10:11

bingat lo, mpia-bbed him kau leu lene mun di nok mai nghas di nyan bibor gom son nyahan tut mun di bikri kep ninghas yenti bitai juk kwei ei dihyeisi.

KISAH 7:56

Noni hara “Jingat i! Dimbou gwamti kau leu ba, Munggwom Tungwatu Nipmot ya kui Allah ninda com!”

TESALONIKA GI NICAN 1:7

bindei jeni kin nyeni di igyai inghuisi di wei ingon nggan-triot hanyen. Mun dini mipek kep mem nye mpe dino Tuhan Yesus kin Nide malaikati di isindem bibor nya mittau hanyen kwei leu gwamti.

TESALONIKA GI NICAN 1:9

Yo dima mitug ndei hukum nibindei sar yok di bit bon ug hon nohonti kan bi bisrawir ei minu ting leu Tuhan Noho bei kin Nide nikei-kau-keisi cem.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

IBRANI 1:14

Gi nok lene malaikati nya ingat rin mem mindei i? Yoni ne ninnei di inok awak mem Allah. Noni cuk yok leu binhyepo yahati tut tungwatu nya di igyai niteu leu sisarti kin niyaijo nijep.

YUDAS 1:14

Lewo Henokh di nok pung nimuhwindacan di ntun Adam him tri tut yo dini mimbrek ngan tu bipai “Jingat i! Tuhan mehei sut Nide malaikati di ingon kwes-kwau nya ibou sribu-ribu kwei,

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.

NINGAT-HI-NGAT NYA 4:1

Gima ngwig leu lene dingat ningat-hi-ngat hi kin bu tut dimbou di kau ei gwamti. Leu api nihyet di tibim nok pun mbrei di mbrap bit da nipou jem da “Akui kwei ei sirini leu api dindo mun di pek kep ei nidipti bu bina.”