YOHANES 1:49 - ALLAH NIHYET MEM TUNGWATU NYA

⁴⁹ Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 1:49 ပူးပေါင်းရင်းမြစ်များ

MAZMUR 110:1

Doia Daud. tuhan pai bak nibou ndig di ninyeng tak kep da “Ma agwam kui dinda com bibou doom ade siceu nya binok bilen mem amig ug e.”

MAZMUR 2:6

Lewo Noni pai “Dita ditde nibou ndig ei Sion ba, gima ne Ditde nungung tou di didimig bikwes-kwau ei su.”

YESAYA 9:7

tuhan simbot dat tut hukum di Noni mikes ei mben Israel dip tu.

DANIEL 9:25

Ma apas kep dihyet dini ba, ayok ngon kep bipia tirigi nicukti tibim mem gima ipindi minu ndig Yerusalem hanyen kikau ug bipek no di Allah ta mem gima bie tut yok nikweisi dima yem ari bingwam nitindur sratus bitai ningot muhwindatai. Ipindi minu ndig Yerusalem hanyen bitut simpak nya kin tentara nibousi di igya coi nya di bikrop ttai minu dima bijo nok mem ari bingwam nitindur sratus bitai ba, ningot ningai bitai. Noro nijam dima mpung tut mun di buhun bibor.

HOSEA 3:5

Noro nijam di mben Israel ingkwei hanyen ndam tuhan di nok ide Allah kin ide nibou ndig di ntun Daud him cem mitau kep yok ei nidipti bu. Mpe dima lene yoni mittin tut tuhan bikuk yok biNoni leu api Noni minjei munkwas di kei bibor kei tut yok.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

ZEFANYA 3:15

Lewo tuhan kes hon Nide nikes hukum ei je dipti tu. Noni jji jide siceu di iba nitok bije leu su. Jide tuhan Nonti di nibou ndig Israel nyohou jeni. Tini bu ne ma jittin bu au.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 14:33

Gima rino yo di igya kui Yesus di igwam ei ut nsi dima ikuk yok ei nimig him binggei sut bipai “Ningat ne Nani ne Allah Nipmot ri!”

MATIUS 2:2

Ba, ikwei hig-hig nyen ser bipai “Mben Yahudi ide nibou ndig di nipmem srek tut bong tirigitou i? Ningat Nide ham di pri ei bei mpia nipriti. Gima rino nikwei mem nikuk nye bak.”

MATIUS 21:5

“Ma jipai bak timiei minu ndig Sion bipia Jingat i! Jide nibou ndig hwou ndam je ba, ba nibou coi mem tungwatu nya. Noni bri bigwam keledai ningut gom dip ba, bri bigwam keledai nipmot nehen pap dip.”

MATIUS 23:7

ingon llei sut gino tungwatu nya ibou cut biyok ei biyati bindat kep inyeng ‘Guru.’

MATIUS 23:8

Noro ma jibidip huk tungwatu nya leu binhyepo ijem jinyeng ‘Guru’ au. Lewo jahagom jikinjoi bat yam ba, jibon jide Guru gom ngat.

MATIUS 27:11

Tirigi Yesus ya ei Pilatus di nibou minu dima noho bei lene Pilatus hig ser Noni “Nani ne Nibou Ndig mem mben Yahudi rin e?” Leu api Yesus buhup “Bit leu nok apaisi dima.”

MATIUS 27:42

bipai “Noni teu yo di hiter noro bit bon teu Nonti biningwes ngun kan bi. Noni ne Nibou Ndig mem mben Israel rin e? Gino juk kwei leu biei salib nogindini lene ningon jo kep Noni.

MATIUS 4:3

Lene Bilis kwei pai biNoni “Gino Nani ne Allah Nipmot rin lene ma abindei tig dini yok nok roti.”

MARKUS 15:32

Nnaba, Nibou Ndig di teu tungwatu nya biyai niyaijo nijep biyok di ijem ninyeng Nibou Ndig Mben Israel dima juk kwei leu biei salib nogindini leu api nyeni ningon jo kep Noni.” Yo cin di isibut di ipek yok ei biei salibti simiak Yesus cem iba ighyet bicig Noni bu.

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 19:38

Iba ighyet nindig bipai “Allah e, anjei mun di kei bak Nibou Ndig di kwei ndam nye tug hon Tuhan ninyeng! Timiei gwamti nya ibong kei igwam kei o! Ma tungwatu nya inggei sut Allah ei gwamti o!”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 1:34

Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

YOHANES 1:38

Yesus ngat yo cin di ibit Noni lene hig simber yok “Nggon rino jibit Da i?” Leu api ibuhup “Rabi e, abong ei siritou i?” (Ninyeng rabi noyam kin ninyeng guru.)

YOHANES 1:50

Yesus hig ser noni “Angon jo kep Da drek dip gi dipai sut na bipia dingat na tirigi agwam kui biei ara dima tu e? Mporo ma angat mun di bon ninyeng dor njiriek gima di mipek kep mem na bu yo!”

YOHANES 18:37

Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

YOHANES 4:31

Mpe dima lene yo di igya kui Yesus ipai biNoni bipia “Guru e, ma ayem njita dini.”