YOHANES 1:45 - ALLAH NIHYET MEM TUNGWATU NYA

⁴⁵ Filipus ug nggok ser Natanael bipai binoni “Nyeni nuum tungwagom di Musa pas tut Noni ei Puig Yahudi nicukti ba, nabi nya cem ipas tut Noni. Ninyeng Yesus leu minu ndig Nazaret ba, nicig ninyeng Yusuf.”

YOHANES 1:45 ပူးပေါင်းရင်းမြစ်များ

NITRITI 22:18

Mben dihyeisi dini hagom mporo mijoi sut gima dinjei mun di kei bak yoni bit leu nok dinjei mun di kei bak ade nintun him yamti di bram yam nya drek dip gi abit Ditde nicuk nati tu pima.”

NITRITI 3:15

Midibindei ba, na di wou kin no di sop jiba nitok biyam apino yo di intun nani him kin yo di intun no di sop him miba nitok biyam bu kikau. Nipmot mporo mitam abou ngwak lene mporo nani ma aham imig kien.”

NITRITI 49:10

Yehuda mikrau nibou ndig de tom ei nindati ba, nide nintun him yamti di bram yam nya inyeng tak kep ide limwa nya bijo ninno. Mben nya migo belasten binoni bikuk yok ba, iba ingwak bikik mpia ei noho bei.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YESAYA 9:6

Ninyeng mitak kep limwa nya nok nibou ndig di ntun Daud him ba, sindem bibor. Nide limwa nya mingon kwes kin yam kikau. Nide nicukti di nijit nya kin ningon sren-srausi minok cou nipmem mem ninyeng di tak kep nogindini cem bijo ninno bijo kikau cem. tuhan Di Sindem Bibor yai nibou tut niyai munti dima yok hagom.

MIKHA 5:2

tuhan mikes Nide limwa nya ei siceu nya indati kikau bibou sop gom di Noni ndo ei nok no di ninyeng jei dima nipmem misrek tut noni ug e. Gima ngwig leu api nintun yam him nya di isima ei ingkiaisi mingkwei hanyen kwei binok gom kin ide bat nya ei itimieisi bu.

ZAKHARIA 6:12

Ma abipai binoni bipia Da di tuhan Di Disindem Bibor dipai ‘No di ijem ninyeng Biei Biop mingat ningat ei mpia di ntun him biwin tuhan De Ig hanyen.

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

MATIUS 10:3

bitut Filipus kin Bartolomeus kin Tomas kin Matius di nipou ya tindei belasten kin Yakobus di Alfeus nipmot kin Tadeus,

MATIUS 13:55

Noni ne tukan biei nipmot rin bi e? Nipmem ninyeng Maria ba, nikinjoi bat nya Yakobus kin Yusuf kin Simon kin Yudas nya bi e?

MATIUS 2:23

bibong ei minu ndig Nazaret. Nok gima lene srat di nabi nya ipas kep tut munggwom dima pek kep tu lewo ipas “Yoni mijem Yesus ninyeng Munggwom Timiei minu ndig Nazaret.”

MATIUS 21:11

Tungwatu ningot ndig di ijop bram Noni ibuhup “No dini ne Nabi Yesus di kwei leu Nazaret ei hanjop Galilea ri.”

MARKUS 14:67

Tirigi noni ngat lo, Petrus no gwam hek hum lene tou kep noni nggilun bipai “Nani cem aya kui Yesus leu Nazaret bi e?”

MARKUS 6:3

Noni ne tukan biei dino Maria nipmot rin bi e? Nikinjoi bat nya rino Yakobus kin Yoses kin Yudas kin Simon bi e? Nikwohop bat nya yahagom ibong bit nyeni bi e?” Lene ikou sut Noni.

LUKAS 18:37

Ibuhup “Yesus di timiei minu ndig Nazaret No kak puig dini ba, Noni njiriek na.”

LUKAS 2:4

Yusuf cem jo leu minu ndig Nazaret ei hanjop Galilea buug ei nidigup-nidigai di Daud nitimieisi ei minu ndig Betlehem ei hanjop Yudea.

LUKAS 2:48

Tirigi Maria kin Yusuf ingat Noni rino inga leu tut leu api nipmem hig ser Noni “Mot de ug o! Nggon rino abon mun nok tut nye i? Acig nyeni niba nikrau ningon tut Nati binggok ser Na ninyen.”

LUKAS 24:27

Lene Noni pai mingat tut Allah Nihyet di pai sut Nonti hagom brei biyok bikinyon ei Musa de srat nya kin nabi nya ide srat nyati.

LUKAS 24:44

Yem njita tu lene Noni pai biyok “Mun po dipai bije nipou tirigi dingat rin bit je pima suar dem igbit. Gima ne mun di ipas ei Puig Yahudi nicukti nya kin nabi nya ide srat nyati kin srat Mazmurti tut Da hagom suar dem igbit.”

LUKAS 3:23

Tirigi Yesus sindi kinyon ei Nide midyaiti lene Nide njap ug ei ari bingwam ningot ningai. Tungwatu nya ipai sut bipai nicig rino Yusuf ba, Yusuf ntun Eli him.

LUKAS 4:22

Yo dima yahagom ice nihyet bipai “Igbit ri” binggap leu tut nihyet di ba niji nghai bitri tut di kei bibor di tibim ei nuhui him. Ihig ser yam “Noni ne Yusuf nipmot rin bi e?”

YOHANES 1:44

Filipus nitimieisi leu minu mien Betsaida ba, Andreas kin Petrus ibong ei sirima.

YOHANES 12:21

Yoni ikwei ngat Filipus bipai binoni “Andigpoi e, nijoi sut nimbrap bit Yesus.” (Filipus nitimieisi leu minu mien Betsaida ei hanjop Galilea.)

YOHANES 14:8

Gima rino Filipus pai bak Yesus “Tuhan e, ando Acig brei binye lene dem.”

YOHANES 18:5

Ibuhup “Ninggok ser Yesus di nitimieisi leu minu ndig Nazaret.” Yesus buhup “Dani ne Yesus dima ri.” Yudas di tri Yesus cem ya bit yok.

YOHANES 18:7

Yesus hig singgre yok mbigom kin bu “Jinggok ser tou i?” Ibuhup “Ninggok ser Yesus di nitimieisi leu minu ndig Nazaret.”

YOHANES 19:19

Pilatus cuk tungwa hi bipas “No dini ne Yesus leu minu ndig Nazaret ba, mben Yahudi ide Nibou Ndig rin” ei srat nimeng gomti bipek kin biei salib.

YOHANES 21:2

Simon Petrus kin Tomas (di ijem “Ninggre”) kin Natanael (di nitimieisi leu minu mien Kana ei hanjop Galilea) kin Zebedeus nipmot bat cin kin yo di igya kui Yesus ibou can kin bu yahagom induk yam ei gom.

YOHANES 6:42

Ihig yam ser “No dini ne Yesus di Yusuf nipmot pima rin bi e? Nikan tut nicig-nipmem nya tu! Nggon rino Noni pai sut Nonti bipia juk kwei leu gwamti i?”

YOHANES 6:5

Yesus mian ser mpia ttou nsi dima bingat tungwatu nya imang bibor di induk yam kwei ttai Noni. Gima rino Noni hig ser Filipus “Ipek njita ei sirigitou mem ibitri yo dini yahagom i?” (

YOHANES 6:7

Filipus buhup “Gino iba mitiei buhun nitig sratus can bipek roti lene gima dem bi lewo bikwop tungwagom-gom miyem njita poi mien he.”

KISAH 10:38

Jikan tut bipia Allah dimig Yesus di timiei minu ndig Nazaret leu api kes Allah Ninnei bigwam ei Noni dip bisindem tut Noni cem. Jikan tut bipia Yesus mbut nimig bidem hanjop nsi dima yok hagom bingondut tungwatu nya. Noni bindei ba, yo di Bilis ninyeng tak kep yok ikei hanyen lewo Allah ningat rin kin Noni.

KISAH 2:22

Disut bat mben Israel jen, ma jingig jitingou mem dihyet. Allah ndo midyai bak Yesus leu minu ndig Nazaret mem je. Gini jo nibreisi mem je tug hon mindur kin bindo di Allah bibon tug hon Noni ei jikieti bijikan tut mun dini yok hagom tu.

KISAH 22:8

Lene dibuhup ‘Andigpoi e, Na tou i?’ Leu api nihyet dima tibim hanyen kwei bipai ‘Dani ne Yesus leu minu ndig Nazaret di ahwen bit ri.’

KISAH 26:9

Nipou yo ne jo nibreisi bipia dikan bigya suar dimbuk tut Yesus di nitimieisi leu minu ndig Nazaret tug hon nisinati hagom.

KISAH 3:6

Noro Petrus pai binoni “Dipwoi mitiei hi kwei bi lo, dikwas leu mun di jo bida hi tut nani yo. Ma akiju ba, ambut hak tug hon Yesus Kristus leu minu ndig Nazaret De nisindemti hak ug.”