YOHANES 1:34 - ALLAH NIHYET MEM TUNGWATU NYA

³⁴ Yohanes pai biyok “Dingat mun dima yok hagom bou diyai him tu. Gima rino dipai bije bipia Noni ne Allah Nipmot ri.”

YOHANES 1:34 ပူးပေါင်းရင်းမြစ်များ

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

MATIUS 11:27

Dicig yai mun nyeng hagom biDa tu. Dicig Nongkom kan igbit tut Nipmot ba, Nipmot kan igbit tut Nicig. Gino Nipmot ndo Nicig brei bak tungwatu nya lene yo dima cem ikan igbit tut Noni.

MATIUS 16:16

Simon Petrus simbot dat “Nani ne Nibou Ndig di teu tungwatu nya biyai niyaijo nijep biyok di Allah Di Niyaijo Nipmot ri.”

MATIUS 17:5

Tirigi Petrus kes nihyet bigyo rino bumbuhui ttou di piga kei gom juk kwei binggai yok. Leu api nihyet gom tibim kwei leu bumbuhui dima bitri tut “No dini ne Dipmot di dingon ngakei rin ba, dijoi sut Noni. Ma jimiap kep Noni nihyet!”

MATIUS 26:63

Noro Yesus buhup bi. Lene imam nibou ndig pai binoni mbigom bu “Dipingok Na tug hon Allah Di Niyaijo ninyeng bipia gino anyeng rino Nibou Ndig di teu tungwatu nya biyai niyaijo nijep biyok di Allah Nipmot rin ne apai hak binye ug.”

MATIUS 27:40

Ipai biNoni “Apo apai bipia alet Tuhan De Ig leu api angot hanyen ei njap ningai e? Gino Nani ne Allah Nipmot nijit-jau rin lene ma ateu Nanti ba, ajuk kwei leu biei salib hak ug.”

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

MATIUS 27:54

Tirigi nibou tentara kin nide limwa nya di igya ser Yesus ingat dihyei mun brim kin mun di hagom di bitimon yok cem lene inghuisi mpig sut nindig bibor bipai biyam “Ningat ne No dini Allah Nipmot nijit-jau ri!”

MATIUS 3:17

Nihyet gom cem tibim leu gwamti bipai “No dini ne Dipmot rin ba, dingon ngakei Noni bidingon kei sut Noni cem.”

MATIUS 4:3

Lene Bilis kwei pai biNoni “Gino Nani ne Allah Nipmot rin lene ma abindei tig dini yok nok roti.”

MATIUS 4:6

Bilis cuk Noni “Gino Nani ne Allah Nipmot rin lene ma anjei Nanti leu nanaisi dini ug ei dihyeisi mu. Lewo Allah Nihyet pai, ‘Allah micuk Nide malaikati nya leu binhyepo inyohou Na bisu inda biteu Na ba, angwes ngun leu gima amig ndei tigya.’ ”

MATIUS 8:29

Yahacem yehei leu jui dip di hak mihyeti di ibong-bong nyen eisi bimbrua Yesus bipai “Na di Allah Nipmot e, anggon ndei nye i? Akwei hwen bit nye nipou tirigi tto bou dem bigyo e?”

MARKUS 1:1

Gini ne Nihyet Di Kei tut Yesus Kristus di Allah Nipmot ri.

MARKUS 1:11

nihyet gom tibim kwei leu mpia-bbed him bipai “Nani ne Dipmot rin ba, dingon ngakei Na bidingon kei sut Na cem.”

LUKAS 1:35

Malaikati buhup “Ninnei Gi Kwes misrek kwei ei nani dip ba, Allah di Ninyeng Jei cem minggai na yo. Gima rino amunggwom di asrek tut dima miyai ninyeng Gi Kwes-Kwau cem Allah Nipmot cem.

LUKAS 3:22

leu lene Ninnei Gi Kwes di luei nitta binok hakimoi dwop juk bigwam ei Yesus dip. Leu api nihyet gom tibim kwei leu gwamti bipai “Nani ne Dipmot rin ba, dingon ngakei Na bidijoi sut Na cem.”

YOHANES 1:18

Hi ngat Allah bou niyai him bi sren. Noro Nipmot nimig gom ngat di ya kui Nicig binok gom kin Allah cem ndo Nicig brei binye.

YOHANES 1:49

Natanael buhup “Na di Guru e, jo nibreisi bipia Nani ne Allah Nipmot ba, mben Israel ide Nibou Ndig cem ri!”

YOHANES 10:30

Dicig kin Dani ninok gom kin yam.”

YOHANES 10:36

Dicig dimig Da ei leu api cuk Da kwei ei dihyeisi dini. Nggon rino jipai sut Da bipia dihyet wer mpiahi tut Allah tug hon gi dipai ‘Dani ne Munggwom Allah Nipmot rin’ i?

YOHANES 11:27

Marta buhup “Andigpoi e, diba dingon com bipia Nani ne Munggwom Allah Nipmot kin Nibou Ndig di teu tungwatu nya biyai niyaijo nijep biyok di Allah preu ei mem nye tut nikweisi cem ri.”

YOHANES 19:7

Mben Yahudi dima ibuhup “Suar Noni tug ndei nimai drek dip nye di mben Yahudi nyende nicuk nyeti lewo Noni tri tut bipia Noni ne Allah Nipmot ri.”

YOHANES 20:28

Tomas pai bak Yesus “Nani ne ditde Tuhan ba, Allah di dikuk da bak ri!”

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 6:69

Niba ningon com Na biningon ngkiem tut bipia Nani ne No Di Ningon Kwes di Allah cuk kwei ri.”

ROMA 1:4

noro tut ninnei di kwes-kwau kei ne jo nibreisi Noni Allah Nipmot ri. Allah ba nisindemti di mindur bindo tut gini tirigi Noni kon Yesus leu nimai eisi.

KORINTUS GI NICAN 1:19

Lewo Allah Nipmot Yesus Kristus di dani kin Silas kin Timotius nitri tut bije nipaisi “I” kin nipaisi “Bi” biluei-luei nyen ningonti bi. Noro noni ne Allah nibuhupti “I” nongkom ri.

IBRANI 7:3

Hi kan tut no dini nicig kin nipmem kin nide pung di ntun him nya bi ba, nikwei leusi kin nimaisi jo daptarti di ipas kep tu nya cem bi. Noni yai ninyeng nok imam kikau noyam kin Allah Nipmot.

YOHANES GI NIGOM 2:23

No di rok Nipmot rok Nicig cem. No di cigit Nipmot ei ningonti cigit nicig cem.

YOHANES GI NIGOM 3:8

No di bon sisar ninyen jem niceu bit Bilis lewo Bilis bon sisar ninyen habiei leu nimbie him kikau kwei bipek ammani kep. Gima rino Allah Nipmot kwei ei dihyeisi dini leu binhyepo nggek tut Bilis de midyai nya.

YOHANES GI NIGOM 4:9

Allah ndo ningon ngakei nyeti brei binye tirigi pinak Nipmot di nimig gom ngat kwei ei dihyeisi dini leu binhyepo igyai niyaijo nijep tug hon Noni.

YOHANES GI NIGOM 5:20

Ba, ingon dorti tut bipia Allah Nipmot kwei bibindei ingon ki leu binhyepo ikan tut Allah di nijit. Igyaijo nok gom kin Allah di nijit ba, igyaijo nok gom kin Nipmot Yesus Kristus cem. Noni ne Allah di nijit di bindei ba, igyai niyaijo nijep di jo kikau ri.

YOHANES GI NICAN 1:9

No di krau kep Kristus nipingok nyeti bi noro krau tunggwei nipingokti niyaijo nok gom kin Allah bi. No di krau kep Kristus nipingok nyeti niyaijo nok gom kin Icig Allah kin Nipmot cem.

NINGAT-HI-NGAT NYA 2:18

“Apas srat dini bak malaikati di buhup tut mbusyamei ei minu ndig Tiatira. Nipas kepti dini kwei leu Allah Nipmot di niyai njeng-jau nok hum njeng ba, nimig mbom kei dem kep ngkimom-tembaga di indig kep hum di bindei ba, pimbai kei.