YOHANES 1:29 - ALLAH NIHYET MEM TUNGWATU NYA

²⁹ Njapti kui bu ne Yohanes ngat igbit Yesus tirigi ttau kwei. Noni pai biyok “Jingat i! Domba Pmot Allah de di kos ser tungwatu dihyeisi dini ide sisar No rima!

YOHANES 1:29 ပူးပေါင်းရင်းမြစ်များ

NEHEI LEUSI 28:38

Suar Harun ba penen dima bikri ningwak leu binhyepo Da di tuhan midijoi sut mun di mben Israel ikwas tut Da hagom bitut mun di ikwas tut Da ugwai-gwai bisinggre bi.

YESAYA 53:10

tuhan pai ditde awak yai ninghuisi wei bit leu dingon kanti leu binhyepo nimaisi midem kep nok midut nibikos ser sisarti. Gima rino noni mingat nide nintun him yamti di bram yam nya bou niyai him lewo nide njap jei bibor. tuhan ningon kanti mipek kep tug hon noni.

YESAYA 53:11

Gima rino tuhan pai “Niabiati Ditde awak dima yai ninghuisi wei leu su lene noni miyai nillei bu lewo kan bipia noni yai ninghuisi wei mikui-kausi bi. Ditde awak mibindei ba, dijoi sut noni drek dip gi noni yai tungwatu nya imang bibor ide hukum ei noni dip. Midikos ser ide sisar tug hon nide niyai munti dima.

YESAYA 53:7

Tungwatu nya iba imbuk bibon noni kinei bibor noro noni om ningon tut. Ibuwak noni nok ijem domba mem ibui bidigo ba, nok domba pmot di ikos ninta leu lo, hara bahap niji cem bi.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

IMAM NYA IDE MIDYAI 10:17

“Nggon rino jiyem mikwau leu nibon midut nibiyai nikos ser sisarti pima ei mpia ttou nsi di kwes-kwau bi i? Lewo mikwau dima kwes-kwau bibor. tuhan sok nihyet tut nibon midut dima bak je di mben Israel leu binhyepo jahagom jibiyai nibikos ser jide sisar.

ZAKHARIA 13:1

tuhan Di Ninyeng Jei Bibor pai “Njap dima dem ne minyei yaisi gom mibiam mem gima piap yo di intun Daud him kin timiei minu ndig Yerusalem nya leu ide sisar kin nikuk no bak kwarti di ibon kep tu nya.

MBEN ISRAEL IMBUT-MBUT NYEN 18:1

Lene tuhan pai bak Harun “Tut niyai tunggweisi hagom di pek kep tug hon midyai nya ei tuhan De Prak Meng nsi lene suar na di Harun kin apmot bat nya kin Lewi nya jibiang nibuhunti sur yam. Noro gino imam nya igyai midyai tunggwei lene nanti kin apmot bat nya he mijibiang nibuhunti.

MBEN ISRAEL IMBUT-MBUT NYEN 18:23

Hon njap di ammani kui lene Lewi nya he rima inyohou dimig Ditde Prak Meng ba, igyai ibou tut midyai di inyeng joti nya hagom. Nicukti dini mbut mem ade nintun him di bram yam nya bijo ninno bijo kikau. Mun nyeng hi ei minu Israel nok Lewi nya ide mun ninda rom bi,

MBEN ISRAEL IMBUT-MBUT NYEN 21:9

Gima rino Musa ba ngkimom-tembaga bibon wou gom bikes ei biei dip lene tas biei tut leu binhyepo tungwa tou rino wou dima ham mikei hanyen gino noni tou kep wou ngkimom-tembaga nggilun.

MATIUS 1:21

Noni misrek tut munggwom nipinai leu api ma ajem ninyeng Yesus lewo Noni miteu Nide limwa nya leu ide sisar biyai niyaijo nijep biyok.”

MATIUS 20:28

Bit leu nok Munggwom Tungwatu Nipmot di kwei leu binhyepo tungwatu nya inyohou Noni bi noro kwei leu binhyepo nyohou tungwatu nya leu api kes ninnei ei mem bikwek imang bibor leu mun di kat yok.”

YOHANES 1:35

Njapti kui bu lene Yohanes kin yo di igya kui noni ibou can ingat rin ei mpia ttou nsi dima hanyen.

YOHANES 1:36

Tirigi Yohanes ngat Yesus di njiriek noni lene pai “Domba Pmot Allah de pima rima!”

YOHANES 1:43

Njapti kui bu lene Yesus kos tut ningon kanti mem gima ug ei hanjop Galilea. Noni ttau kep Filipus bipai binoni “Akwei bit Da.”

YOHANES 2:1

Njap can bu lene tungwatu nya ibon pesta niwak yamti ei minu mien Kana ei hanjop Galilea. Yesus nipmem cem ningat rin ei pestati dima.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 4:42

Gima rino ipai bak misop dima “Nogindini niba ningon com Noni tug hon ahyet di atri tut Noni he bi noro tug hon nihyet di tibim kwei leu Nonti nuhui him. Nikan tut bipia Noni ne No di teu tungwatu nya leu ide sisar biyai niyaijo nijep biyok ri.”

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

KISAH 13:39

Ma jiyok ngon kep mungkun bipia no di ningon jo kep Noni miningon ngun. Lewo bit bon Allah de Puig Yahudi nicukti bindei bijingon ngun kan bi.

KISAH 8:32

Srat bokti di noni kwop dima pai “Ibuwak Noni nok ijem domba mem ibui bidigo. Nok domba pmot di ikos ninta leu lo, hara bahap niji cem bi.

KORINTUS GI NIGOM 15:3

Nihyet di ditri tut bije ne nihyet di bon ninyeng nindig bibor ri. Diyai nihyet dima leu Allah bidipwoi ei dingonti. Bit leu nok gi ipas ei Allah nihyetti bipia Kristus mai drek dip ide sisar ba,

KORINTUS GI NICAN 5:21

Kristus bon sisar nyeng gom bi sren. Noro Allah bindei ba, Kristus biang ide sisar bitut ide ningon muisi nibuhunti hagom leu api yai ingon di kwes kin Noni hanyen drek dip ide ninok gom kin Kristusti.

GALATIA 1:4

Kristus kes Nonti ningut ei noyam kin mikwau di ibui bibam ei nimbar hum dokti mem ide sisar bit leu Icig Allah ningon kanti ba, teu nye leu nijam di sisar ttei nimig eisi ei dihyeisi dini.

GALATIA 3:13

Noro Kristus kwek nye leu Puig Yahudi niggai serti nisigion nyeti tug hon mpe di po Nonti sindui sut ba, biang nisigion Nonti luei nye. Bit leu nok gi ipas ei Allah nihyetti “Tungwa tou rino yai hukum nimai ei biei salibti tug ndei Allah de nisigion noti.”

TIMOTIUS GI NIGOM 2:6

di kes ningut ei mem tungwatu nya yahagom ba, biteu yahagom leu sisar biyai niyaijo nijep biyok. Tug hon niyai munti dima lene Allah ndo bidem igbit tto bou bipia Noni joi sut yahagom igyai niteu leu sisarti kin niyaijo nijep.

TITUS 2:14

Noni kes niyaisi ei mem nye biteu nye leu sisar ninyeng hagom leu api biyai ingon di kwes kin Noni cem inok Nide limwa di ijem iceu bit Nongkom he cem ba, ibrim ingkek mem igyai munti di kei bibor nya.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 2:17

Gima rino jo nibreisi mem nye bipia suar Noni luei nitta bibon Nonti noyam kin nikinjoi bat nya haigtu leu binhyepo yai midyai nok ide Imam Nibou Ndig di ningon gom ba, ningon nggriu cem ei Allah Noho bei. Tug hon nisinati dima lene Noni bindei ba, tungwatu nya igyai nikos ser sisarti.

IBRANI 9:28

Gima rino Kristus kes Nonti ei mbigom ngat he bijo ninno bijo kikau nok mindhe di ibui sut ninggrom leu binhyepo bidip tut tungwatu nya imang bibor ide sisar. Noni mikwei hanyen nimbican mem gima kos ser sisar bi noro mem gima teu yo di igyok ingon mem nikwei hanyenti.

PETRUS GI NIGOM 1:19

Noro Noni ba Kristus ninggrom di tereu nok midut nibikos ser sisarti bipek je hanyen lewo Kristus ne domba di bon nimuhweisi ba, nirom kuisi rin bi.

PETRUS GI NIGOM 2:24

Kristus biang ide sisar ei Nonti dip tirigi mai ei biei salibti leu binhyepo bikwek nye leu sisar de nisindemti leu api igyaijo bit leu Allah ningon kanti mem nye. Kristus nibok nya ribindei dino jikei hanyen.

PETRUS GI NIGOM 3:18

Lewo Kristus Nonti mai mbigom ngat he bijo kikau mem ide sisar. Noni ne No di ningon sren-srau di ya luei yo di ibon sisar nya yohoti rin leu binhyepo buwak je kwei bijitti kin Allah. Kristus mai bit leu gi mbun ningut tungwatu. Noro tirigi Allah win Noni ba, niyaijo hanyen lene noni mbun ninnei di bit bon mai hanyen kan bi.

YOHANES GI NIGOM 2:2

Allah kos ser ide sisar tug hon Kristus Nonti di bindei dino ide sisar pror hak ba, gini mem nyengkom ide sisar he bi noro mem tungwatu nya yahagom ide sisar.

YOHANES GI NIGOM 3:5

Jingon dorti tut bipia Kristus kwei ei dihyeisi dini leu binhyepo ciu ser tungwatu nya ide sisar di ibon nya lo, sisar ninyeng hi jo ei Noniti bi sren.

YOHANES GI NIGOM 4:10

Ningon ngakeisi rinok gini. Ingon ngakei Allah bibie bi. Noro Noni ningon ngakei nye bibie leu api pinak Nipmot kwei ei dihyeisi dini leu binhyepo igyai nikos ser ide sisarti tug hon Noni.

NINGAT-HI-NGAT NYA 1:5

kin Yesus Kristus di ba ningon gom bitri tut mun di Noni ngat bou niyai him. Noni ne mot mighumbou di kiju hanyen leu nimai eisi rin ba, ninyeng tak kep nibou ndig nya ei dihyeisi dini hagom. Noni ningon ngakei nye bikwek nye leu ide sisar tug hon nimaisi,

NINGAT-HI-NGAT NYA 12:11

Isut bat yo di ingon jo kep nya ibindei cut noni tug hon Domba Pmot ninggrom kin Allah nihyet di itri tut bipia nijit-jau cem ba, yehek tut igyaisi bi noro igruap nimaisi.

NINGAT-HI-NGAT NYA 13:8

Tungwatu dihyeisi dini hagom ikuk yok bak mindhe dima binggei sut. Noro tut yo di inyeng jo ei srat niyaijoti habiei ei nimbie him tirigi Allah pai tes dihyeisi dini bigyo ne ikuk yok bak bi. Srat dima ne Domba Pmot di ibui bimai De srat ri.

NINGAT-HI-NGAT NYA 14:1

Gima ngwig leu lene dingat lo, Domba Pmot ug ya ei nungug Sion ba, Nide limwa nya ibou sribu sratus gom ningot bitai ba, bitai di igya bit Noni igyai Domba Pmot ninyeng kin Nicig ninyeng ei ingwakti tu.

NINGAT-HI-NGAT NYA 14:10

midut Allah de ba anggur ngei. Gima ne ba anggur ngei nigga biborti rin lewo Noni hug ba anggur ngei dima ei Nide mokti di bindo tut nigga biborti tu ba, minyei srigsi bi. Apino yo dima yahagom mitug ndei inghuisi wei ei humti kin belerang ngeisi ei malaikati di kwes-kwau nya kin Domba Pmot yoho bei.

NINGAT-HI-NGAT NYA 14:4

Yo dini ne pinai nya di igyem njita tut sop nya bi sren rin ba, ingon kwes kei. Ibit-bit nyen Domba Pmot ug ei tirima-tirima. Ba, inok mighumbou di igyati kwes bibie leu tungwatu nindigsi nya mem Allah kin Domba Pmot.

NINGAT-HI-NGAT NYA 15:3

Ba, ipai doia di Allah de awak di Musa pai kin Domba Pmot de doia cem di nibimbiti pai “Allah di sindem bibor e, Ade midyai nya kei bibor kei ba, mindur bibor cem! Na di Nibou Ndig di anyeng tak kep minu nya hagom e, ayai munti nya hagom sren-srau cem igbit cem.

NINGAT-HI-NGAT NYA 17:14

Nibou dini yok mikon pran bit Domba Pmot noro Domba Pmot kin Nide limwa di Noni hig yok ba, dimig yok di ingon gom tut Noni mibindei cut nibou ndig dima yok. Lewo Domba Pmot ne Tuhan di ninyeng tak kep yo di inyeng jei nya kin Nibou Ndig di ninyeng tak kep nibou ndig nya yahagom ri.”

NINGAT-HI-NGAT NYA 19:7

Jikwei ba, ingon llei bibor cem inggei ngwig sut Allah tut ninyeng jei biborti. Lewo tto bou dem mem Domba Pmot wak nitnem ba, no di sop tin ei mem niwak yamti tu.

NINGAT-HI-NGAT NYA 19:9

Lo bi lene malaikati dima cuk da “Ma apas kep srat nok gini ‘Yo dino Allah hig yok kwei mem ibon pesta bit Domba Pmot niwak nitnemti ne ingon nggei-hi-nggei.’ ” Lene binut nihyet gom kin bu bipai “Nihyet dini nijit-jau rin ba, tibim leu Allah nuhui him.”

NINGAT-HI-NGAT NYA 21:14

Ngug dima bon nikiou di nok hak nindig bibor nindak simnaibrimigcan ba, yo di igya kui Domba Pmot inyeng jo kin nikiou dima yok.

NINGAT-HI-NGAT NYA 21:27

Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.

NINGAT-HI-NGAT NYA 21:9

Lene malaikati gom leu malaikati ibou muhwindacan di ikwei sut bokor di ut tut nsuwer ajar ningat muhwindacan di jo mem njap ningwig honti kwei pai bida “Akwei bidindo no di sop di Domba Pmot wak tu ba, noni ne nitnem rin bina.”

NINGAT-HI-NGAT NYA 5:6

Leu api dingat Domba Pmot di ya niyati ei banggo mbrei ninggimau. Mindhe ningut bitai kin nibou pima yok yahagom igya ttai Noni. Dingat lo, Domba Pmot noyam kin domba di ibui bimai nipou su. Nibou nggai muhwindacan tug nibou nggram him ba, Noni bon niyai njep muhwindacan lo, niyai dini yok ne Allah ninnei muhwindacan di Noni pinak ug ei dihyei nisurti-nipekti ri.

NINGAT-HI-NGAT NYA 5:8

Tirigi Noni krau srat dima rino mindhe ningut bitai kin nibou nya ibou nyatungwagom ba, bitai pima ikuk yok ei Domba Pmot Noho bei. Ikrau nggong mbrei kin bokor mas di biei nggrai di ui-gwang kei joti bikwop yok. Ba, biei nggrai di ui-gwang kei dima ne Allah de limwa nya ide nadi ri.

NINGAT-HI-NGAT NYA 6:1

Leu api dingat lo, Domba Pmot cug biei nggrai gi nigom leu lene dimiap mindhe gi nigom pai “Akwei!” Nihyet dima nindig bibor dem kep kru di nisu bong.

NINGAT-HI-NGAT NYA 6:16

yahara nungug kin tring behei nya “Ma jitti bijisu kep nye leu No di gwam banggo mbrei dip niyai him cem leu Domba Pmot di gga nye biborti cem.

NINGAT-HI-NGAT NYA 7:14

Dibuhup “Andigpoi e, dikan tut bi. Lewo na di andigpoi nangkom akan tut.” Noni pai bida “Yo dini ne yo di igyai inghuisi wei bingwes ngun leu nijam nihwen bit tungwatu nyati rin ba, itot ide sinsun tu lene ibindei bitiei kei ei Domba Pmot ninggromti.

NINGAT-HI-NGAT NYA 7:17

Lewo Domba Pmot di ya niyati ei banggo mbrei ninggimau minyohou yok nok gembala di bie tut yok ug ei minyei yaisi di bindei niyaijo. Allah midip tut igyai nggwei hagom bingwig leu igyai njep.”