YOHANES 1:19 - ALLAH NIHYET MEM TUNGWATU NYA

¹⁹ Nibou mben Yahudi nya ei minu ndig Yerusalem isok ighyet ei imam nya kin yo di intun Lewi him dip bak Yohanes bihig ser noni “Nani tou i?”

YOHANES 1:19 ပူးပေါင်းရင်းမြစ်များ

YOHANES 1:7

Ba, Yohanes kwei tri tut nipigati dima bak tungwatu nya leu binhyepo yo di imiap nihyet yahagom ingon jo kep nipigati.

YOHANES 10:24

mpe dino tungwatu nya ingwig kep Noni bihig ser Noni “Akes hon gino abiti ninda ei njap pig bu i? Gino Nani ne Nibou Ndig di teu tungwatu nya biyai niyaijo nijep biyok rin lene ma apai mungkun leu binhyepo nikan tut hak ug.”

YOHANES 10:31

Lene mben Yahudi iteu tig hanyen mem ibihwen Noni.

YOHANES 11:19

mben Yahudi imang bibor ikwei gwam ser Marta kin Maria ingon tut ikijam di mai leu yok tu.

YOHANES 2:18

Nibou mben Yahudi nya isrep huk Noni bipai “Abon mindur di bindo binye tut gi bitig dino ayai abou tut nok i.”

YOHANES 2:20

Lene ibuhup “Notou mem gima angot ig dini hanyen ei ninsi njap ningai i? Yo di ingot ig dini inda jo kep bingot kikau ei ari bingwam ningot bitai ba, muhwindagom leu api put.”

YOHANES 5:10

Gima rino nibou mben Yahudi nya isok kep no di sindi kei hanyen dima “Harin dima akon ade kwo di abongti a. Lewo njap di ammani ne Njap Nigwam Kep Ninghuisi ri.”

YOHANES 5:15

Leu api noni kes Yesus leu lene ug mbot kep tut Yesus di bindei ba, noni kei hanyen tu bak nibou pima yok.

YOHANES 5:16

Hon kep njap dima kui lene yoni ihwen bit Yesus drek dip gi bindei no di nggwen bikei hanyen mem Njap Nigwam Kep Ninghuisi.

YOHANES 5:18

Yesus nihyet dima bindei ba, nibou mben Yahudi nya ibrim ingkek mem gima igyai nimai biNoni drek dip niyai midyai njiriek nicukti mem Njap Nigwam Kep Ninghuisi he bi noro drek dip nihyet di Noni tri tut bipia Allah ne Nicig ri. Tug hon nisinati dima rino Noni pai sut Nonti bipia Noni kin Allah yahacem noyam.

YOHANES 6:41

Mben Yahudi sindi inso Noni drek dip nihyet di pai biyok bipia Noni ne roti di juk kwei leu gwamti ri.

YOHANES 6:52

Imiap nihyet dima lene mben Yahudi isrep yam tut bihig yam ser “Notou No dini yai Nonti ninghui binye ba, igyem i?”

YOHANES 7:1

Leu api Yesus mbut-mbut nyen ei hanjop Galilea. Noni joi sut ngkwei ug ei hanjop Yudea hanyen bi lewo nibou mben Yahudi nya ibingon mem gima igyai nimai biNoni.

YOHANES 7:11

Nibou mben Yahudi nya cem induk yam kwei binggok ser Yesus mem njap nindig dima bihig yam ser “Yesus No hantou i?”

YOHANES 7:15

Nibou mben Yahudi nya inga leu nindig bibor bihig yam ser “Nggon rino No dini ningon ki nok i? Noni coi pikor hi bi sren.”

YOHANES 8:22

Gima rino nibou mben Yahudi nya ihig yam ser “Leu ma Noni miyai nimai biNonti e? Lewo pai bipia bit bon hi bit Noni ug ei mpia ttou nsi dima kan bi.”

YOHANES 8:48

Mben Yahudi ihig ser Noni “Gi nipai sut Na bipia Nani ne mben Samaria di nung kui Na rin e? Gima ne anghapti di nijit rin bi e?”

YOHANES 8:52

Lene ibuhup bak Yesus “Nogindini jo nibreisi mem nye bipia nung kui Na! Abraham mai leu su ba, nabi nya cem imai leu su noro atri tut bipia no di bit ahyet mai bu bi sren.

YOHANES 8:57

Lene mben Yahudi ipai bak Yesus “Ade njap ug ei ari bingwam ningot muhwi bigyo. Notou angat Abraham bou ayai him i?”

KISAH 13:25

Tirigi Yohanes yai nide midyai bidideu ningwigsi lene noni hig ser tungwatu nya ‘Jikan bipia dani ne tou i? Jingon ya mem tungwagom noro dani rin bi. He jingat i! No dima ya abia kep da kwei. Dem mem gima dimpu Noni bidikwek Nide srop leu nimig jou bi.’

KISAH 19:4

Lene Paulus pai biyok “Nitur tungwatu ei minyeiti di Yohanes tri tut dima mem yo di ittin ser sisar bikiek ndam Allah. Noro mpe dima lene Yohanes tri tut bipia suar mben Israel ingon jo kep No di ya abia kep noni ba, No dima ne Yesus ri.”

NINDAT KEP TUHAN NICUKTI NYA 24:8

Tirigi bras mbrei yem je lene ma jiyai bit leu nok imam di intun Lewi him nya icuk jeti nya hagom. Suar jibit Ditde nipingokti di diyai biyok nya hagom.

YOHANES GI NIGOM 1:5

Nimiap nihyet leu Allah Nipmot leu api nitri tut hanyen bije bipia Allah ne nipigati ngat rin ba, nidinditi poi mien hi jo ei Noniti bi sren.