YOHANES 1:16 - ALLAH NIHYET MEM TUNGWATU NYA

¹⁶ Nihyet dima nisingat tut nyeti bindei ba, Noni njei mun di kei binye sindam buug hon nohonti bi.

YOHANES 1:16 ပူးပေါင်းရင်းမြစ်များ

MAZMUR 84:7

Tirigi yoni imbut ug ei Mbang Biei Balsem lene mpia dima luei nitta binok minyei bousi mien mang bibor tug hon mpia di but bibie tut mun di kei.

ZAKHARIA 4:7

Nibigen ser nati di dem kep nungug lo, mipror leu aho bei. Nani rino ma awin Ditde Ig hanyen. Mpe dino akrau tig mma di bon ninyeng ba, aprion ei nuhuisi lene tungwatu nya mimbos-hi-mbos bipai ‘Kei bibor kei!’ ”

MATIUS 13:12

Lewo Allah mikum eisi bak no di ningon dorti apino no dima ningon dorti dor njiriek bu. Noro Noni mitug niken hanyen leu no di ningon dorti bi.

MATIUS 3:11

Ditur je ei minyeiti mem gima bindo bipia jitin ser jide sisar ba, jikiek ndam Allah tu. Noro No di ya abia kep da ma kwei mitur je ei Ninnei Gi Kwes kin humti. No dima ninyeng jei bibor dor njiriek da. Dani ne dem mem gima dikwek Nide srop ba, dittei bi.

MATIUS 3:14

Noro Yohanes tte tut Yesus bipai “Nggon rino ayok ngon mem gima ditur Na ei minyeiti i? Lewo suar Nani atur da ei minyeiti.”

LUKAS 21:15

Lewo dibindei ba, jiji cem nggan jingon cem ki leu api bit bon jide siceu nya yahagom ibigen ser jihyet kan bi.

YOHANES 3:34

No di Allah cuk kwei tri tut nihyet di kwei leu Allah lewo Allah kes Nonti Ninnei titut yam ei ningonti.

ROMA 5:17

Ningat ne tungwagom nipigau hanjopti bindei ba, nimai tak kep tungwatu yahagom tug hon tungwagom dia. Noro Yesus Kristus Nongkom niyai munti bindei ba, mun di bon ninyeng nindig bibor dor njiriek bu pek kep mem nye. Bikwop tungwa tou rino kau dimbou leu Allah nisingat tut noti biyai ningon kwes kin Allah hanyen ne mimbri mikui niyaijoti tug hon Kristus.

ROMA 5:2

Yesus bindei Allah nisingat tut nyeti dima pek kep mem nye tug hon ide niba ningon com Noti. Nogindini igyaijo tug hon Allah nisingat tut nyeti. Gima rino ingon llei bibor lewo iba ingon com bipia ipriet kin Allah nikei-kau-keisi ei nidipti bu!

ROMA 5:20

Allah Nonti yai Puig Yahudi niggai serti bak mben Yahudi. Mbro nok gino tungwatu nya ibingon mem gima ibit Puig Yahudi niggai serti lo, ikum ei nipigau Puig Yahudi niggai serti ba, ibon sisar ei Allah niyai him. Mbro nok gino ikum ei ide nibon sisarti nindig bibor lo, Allah kum ei nisingat tut yokti nindig bibor bu.

ROMA 8:9

Noro jiyai mun bit leu jingut kanti di ntun dihyeisi dini him nicuk jeti bi. Noro jiyai mun bit leu Ninnei Gi kwes nicuk jeti gino ningat ne Allah Ninnei ningat rin ei jingonti. Gino Kristus Ninnei ningat rin ei tungwagom ningonti bi ne Kristus nyeng tut no dima bi.

EFESUS 1:23

Mbusyamei dima tereu nok Kristus ningut. Noni bindei ningut dima bikei-kau-kei ba, mun nyeng hagom ei tirima-tirima cem kei-kau-kei tug hon Noni.

EFESUS 3:19

di bit bon tungwatu nya ingon dor niti tut tug hon ide ningon kiti kan bi. Handei kon ba, jiya um Allah ningon ngakei jeti ei jingonti leu binhyepo ningon mien paisi mpung bipias hagau ei jingon mienti.

KOLOSE 1:19

Allah kos tut bipia mun nyeng hagom di ningat rin ei Nonti ningon bei ningat rin ei Nipmot cem ningon bei.

KOLOSE 2:3

Kristus Nongkom hit Allah ningon kiti kin nikan-kan nyenti di tereu nok mas nibousi di jo nding leu tungwatu nya igyai him hagom ei nibreisi.

PETRUS GI NIGOM 1:11

Yoni inyohou pigot bram nimbot kepti kin tto bou mem nipek kepti tug hon Kristus Ninnei di ningat rin ei ingonti ningon kanti. Lewo Kristus Ninnei nyohou pingok ingonti tut nijam dino Kristus miyai ninghuisi wei kin nikei-kau-keisi ei niabiati bu.

PETRUS GI NIGOM 1:2

Icig Allah dimig je ei bit leu nikos tutti leu binhyepo jinok Nide limwa di ingon kwes nya tug hon Allah Ninnei ba, jibit Yesus Kristus nihyet cem bijiyai ningon kwes kin Noniti tug hon nimai ei biei salibti. Handei kon ba, Allah singat tut je bibor ba, biyai jingon di jo nyahan kei bikum eisi bu.