YOHANES 1:14 - ALLAH NIHYET MEM TUNGWATU NYA

¹⁴ Nihyet dima luei nitta binok tungwatu ba, kwei bong bit nye. Nyeni ingat nikei-kau-keisi di Nicig yai biNoni lewo Noni ne Nipmot nimig gom ngat ri. Nipmot singat tut nye nindig bibor ba, Nongkom ndo Allah ningat titut yam brei binye.

YOHANES 1:14 ပူးပေါင်းရင်းမြစ်များ

MAZMUR 2:7

Nibou ndig dima pai “Miditri tut tuhan nisimbot datti.” Noni pai bida “Nani ne dipmot ri. Njap di ammani ne Dani dinok acigya.”

MAZMUR 45:2

Nihyet di dia-diau kei biam nok minyei leu dingonti lewo dipai doia dini drek dip nibou ndig. Didweb tin ei noyam kin no di nibou ngwakti kan tut nihyet nibiti nindati igkei lene ba nide buk bipas.

MAZMUR 85:9

Dimiap kep tuhan Allah Nihyet di tibim kwei. Gino nyeni ingkwei hanyen bibon kep sisar bu bi lene Allah preu sut nibong kei nigwam keisi binye di inok Nide limwa nya.

YESAYA 40:5

Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

YESAYA 53:2

Lewo tuhan de awak dima noyam kin biei kioi di hei ei dihyei di ngoi-ngati bit leu tuhan ningon kanti mem noni. Awak dima niyai nggrop mbris kei ba, niimaisi kei bibor kei leu dima nyeni ingat ingwes ei noti bi.

YESAYA 7:14

Nogindini tuhan Nonti mindo bindo di bitto mem je. Sop gwam nitta pilei gom di nghop tu misrek tut nipmot leu api jem ninyeng Imanuel.

YEHEZKIEL 37:27

Midibong bit yok bidibon Danti nok ide Allah leu api yoni inok Ditde limwa nya.

MATIUS 1:16

Yakub yai nipmot Yusuf dino Maria nijjep lene Maria srek tut Yesus di ninyeng hi Kristus.

LUKAS 2:11

Njap di ammani jide Nibou Ndig di miteu je leu sisar biyai niyaijo nijep bije nipmem srek tut ei Betlehem ba, ninyeng rino Kristus Tuhan!

LUKAS 2:7

bisrek tut nipmot mighumbou biba ban binggai lene kes nyahan tut ei brua nsi di sapi nya igyem kep njita eisi lewo ig losmen hi bon ningwakti mem yok bi.

LUKAS 9:32

Mpe dima lene Petrus nya ibong mai leu su noro tirigi ida igyai lene ingat Yesus bitut nikei-kau-keisi kin ibou can di igya simiak Noni cem yo rinaha.

YOHANES 1:1

Habiei ei nimbie him nipou tirigi Allah pai tes dihyeisi dini bigyo ne Nihyet No rinaha. Nihyet dima ningat rin bit Allah ba, noyam kin Noni cem.

YOHANES 11:40

Yesus pai bak Marta “Apo dipai bina tu bipia gino aba angon com Da lene mporo ma angat Allah de nisindemti bou ayai him bi e?”

YOHANES 14:6

Yesus buhup “Dani ne puig mem nibikan tut Allah nijit-jausi kin nibiyai niyaijo nijepti ri. Bit bon no di tug hon Da bi ug ei Dicig nidim cem kan bi.

YOHANES 14:9

Noro Yesus buhup “Filipus e, digwam bit je ninno tu noro akan igbit tut Da bigyo e? No di ngat igbit Da ngat igbit Dicig cem tu. Nggon rino ahara Da mem dindo Dicig brei bije i?

YOHANES 17:22

Diyai ninyeng jei biborti biyok noyam kin ninyeng jei biborti di ayai biDa leu binhyepo yahagom inok gom kin yam bit leu nok sinok gom kin yam.

YOHANES 17:24

Arig e! Dijoi sut bipia igwam bit Da ei mpia di dingat rin eisi leu binhyepo ingat Ditde ninyeng jei biborti di ayai biDa bou igyai him. Lewo angon ngakei Da ei nimbie him nipou tirigi apai tes dihyeisi dini bigyo.

YOHANES 18:37

Gima rino Pilatus hig ser Noni “Gi nok lene Nani ne Nibou Ndig hi rin e?” Yesus buhup “Nani apai sut Da bipia Dani ne Nibou Ndig ri. Disrek kwei ei dihyeisi mem diyai midyai gom ngat. Midyai dima rino ditri tut mun mijit-jau. No di bit mun mijit-jau dima ngig nitingou mem dihyet.”

YOHANES 2:11

Mindur dima ne Yesus sindi bibon tirigi nimbie him ei minu mien Kana ei hanjop Galilea. Noni ba bindo dima bindo tut Nide ninyeng jei biborti. Gima rino yo di igya kui Noni ingon jo kep Noni.

YOHANES 3:16

Lewo Allah ningon ngakei tungwatu dihyeisi dini hagom nindig bibor apino kes Nipmot di nimig gom ngat hak ei mem yok leu binhyepo bikwop no di ba ningon com Nipmot misar bi noro yai niyaijo nijep di jo kikau.

YOHANES 3:18

No di ba ningon com Nipmot tug ndei hukum bi. Noro no di ba ningon com Noni bi tug ndei hukum leu Allah tu lewo ba ningon com Nipmot di nimig gom ngat dima bi.

YOHANES 6:51

Dani ne roti di yai niyaijo nijep di juk kwei leu gwamti ri. No di yem roti dini miyai niyaijo nijep di jo kikau. Roti di diyai binoni ne dinghui rin ba, diyai roti dini bak tungwatu nya leu binhyepo igyai niyaijo nijep.”

YOHANES 8:32

Leu api mijingon dorti tut Allah nihyet di nijit-jau ba, Noni bindei kwek je leu awak bijiyati kwes drek dip.”

KISAH 13:33

lene Noni bindei ba, mun dima pek kep mem nye di intun yoni him tirigi Noni win Yesus hanyen leu nimai eisi. Lewo Srat Mazmur pasar can pai ‘Nani ne Dipmot ri. Njap di ammani ne Dani dinok Acigya.’

ROMA 8:3

Ingut kanti di ntun dihyeisi dini him bindei ba, bit bon Puig Yahudi niggai serti kwek nye kan bi. Noro Allah nggek tut sisar nisindemti ei ingut kanti di ntun dihyeisi dini him tug hon Nipmot di Noni pinak kwei tereu nok tungwatu dihyeisi mem gima biciu ser sisar.

ROMA 9:5

intun idigup bat-idigai bat nya him cem. Kristus di bon ningut noyam kin tungwatu nya ingut ntun yoni him ba, ninyeng jei dor njiriek nindigsi nya yahagom. Ma tungwatu nya inggei sut Allah bijo ninno bijo kikau! Igbit ri.

KORINTUS GI NIGOM 15:47

Ei nimbie him ngat ne Allah ba dihyei ndung bipai tes Adam nok no di ya bibie. Noro Adam gi nican nitimieisi leu gwamti.

KORINTUS GI NICAN 12:9

Noro Noni buhup “Ditde nisingat tut nati dem mem mun di asuar nya. Lewo anghuisi weisi bindei mbut Ditde nisindemti.” Gima rino dingon llei gi dingon jei sut mun di ndo bipia disindem bi nya. Lewo tirigi disindem bi rino dikan tut bipia Kristus de nisindemti nyohou da.

GALATIA 4:4

Lene nok gima kikau bibou tto bou dem mem Allah cuk Nipmot kwei ei dihyeisi dini tug hon no di sop ug e. Ba, Puig Yahudi niggai serti ttei nibou nok nibou di kos tut Noni.

EFESUS 3:8

Allah de limwa nindigsi nya yahagom inyeng jei dor njiriek da lewo dibon dinyeng bi. Mbro nok gima lo, Allah ba ningon com da tut midyai di bon ninyeng. Midyai dima ne midyai nitri tut Nihyet Di Kei tut mun di bitut Kristus di bon nibok di bit bon ug hon nohonti kan bi bak ngkiai nya.

KOLOSE 1:19

Allah kos tut bipia mun nyeng hagom di ningat rin ei Nonti ningon bei ningat rin ei Nipmot cem ningon bei.

KOLOSE 2:3

Kristus Nongkom hit Allah ningon kiti kin nikan-kan nyenti di tereu nok mas nibousi di jo nding leu tungwatu nya igyai him hagom ei nibreisi.

KOLOSE 2:9

Lewo mun di bitut Allah hagom ningat rin ei Kristusti mem nijam di Noni ningat rin nok tungwatu ei dihyeisi dini.

TIMOTIUS GI NIGOM 3:16

Bit bon tungwa hi tte tut ide niba ningon com Kristusti di nok mimun di mindur kan bi. Kristus luei nitta bindo Nonti nok tungwatu leu api Allah Ninnei ndo brei bipia Allah joi sut Kristus niyai munti nya leu api malaikati nya ingat Noni bou igyai him. Nide limwa nya itri tut Noni bak mben dihyeisi dini hagom leu api tungwatu nya bidem dihyei nisurti-nipekti hagom iba ingon com Noni leu api Allah kon Noni hanyen ug ei gwamti.

IBRANI 1:3

Allah nikei-kau-keisi piga kei tug hon Nipmot. Nipmot dat Nicigti binyohou mun di Nicig pai tes nya titut yam tug hon nihyet di sindem bibor. Niabiati Noni tin puig mem tungwatu nya igyai niteu leu sisarti tu lene Noni gwam ei banggo mbrei dip kui Allah di Sindem Bibor ninda com ei gwamti.

IBRANI 1:5

Allah pai sut Nide malaikati nya “Dipmot riNani ba, njap di ammani di nok Acigya”. Nok e? Noni pai nok gima bi sren. Nok gima cem Noni pai sut malaikati hi bipai “Midinok Nicig lene Noni minok Dipmot rin” bi sren

IBRANI 10:5

Gima rino tirigi Kristus tin ei mem gima srek kwei ei dihyeisi dini ne Noni pai bak Allah “Ajoi sut mun di tungwatu nya ibui sut ninggrom kin mun di ikwas tut Na bi noro atin ei ningut gom mem Da.

IBRANI 2:11

Yesus piap tungwatu nya leu ide sisar leu binhyepo ingon kwes kin Noni. No di piap yok kin yo di igyai ingon di kwes nya yahagom ibon Icig gom ngat. Gima rino Yesus mmai sut gi jem yok nikinjoi bat nya bi.

IBRANI 5:5

Nok gima cem Kristus kon ninyeng bita Nonti nok Imam Nibou Ndig bi. Noro Allah kon ninyeng bita Noni lene pai biNoni “Nani ne Dipmot ri. Njap di ammani dibindei ba, dinok Acigya.”

YOHANES GI NIGOM 4:14

Ningat Nipmot bou niyai him tu. Gima rino nitri tut bipia Icig Allah pinak Nipmot kwei ei dihyeisi dini nok Nibou Ndig di teu tungwatu nya leu sisar biyai niyaijo nijep biyok.

YOHANES GI NIGOM 4:9

Allah ndo ningon ngakei nyeti brei binye tirigi pinak Nipmot di nimig gom ngat kwei ei dihyeisi dini leu binhyepo igyai niyaijo nijep tug hon Noni.

YOHANES GI NICAN 1:7

Niris kep mun cig nya imang bibor ikieng kep dihyeisi bisrig tungwatu nyati. Itri tut bipia tirigi Yesus Kristus kwei ei dihyeisi dini ne Noni tungwatu nijit bi. No dima ne niris kep mun cig kin No Di Ba Nitok Bak Kristus cem ri.

NINGAT-HI-NGAT NYA 19:13

Noni juk sinsun ndok di jei di mun nggrom silipti. Ninyeng rino Allah Nihyet.

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.