YOHANES 1:13 - ALLAH NIHYET MEM TUNGWATU NYA

¹³ Yoni inok nimunggwom bat nya tug hon nisrek leu tungwatu nyati ba, tug hon tungwatu nya ingut kanti cem bi. Noro Allah bindei ba, igyai niyaijo nijep.

YOHANES 1:13 ပူးပေါင်းရင်းမြစ်များ

NITRITI 25:22

Noni tta buhun tut munggwom nggre ba, tirigi munggwom nggre cin dima isrek bigyo lene idahat kukwei yam ei Ribka ninghopti. Gima rino noni lua sok bipai “Aye! Mun dini yok bon da nok tut nggon i?” Gima rino noni ug ba, hig ser tuhan ningon kanti tut.

NITRITI 25:28

Lene Ishak ningon ngakei Esau tut mikwau di noni pilei bibam noro Ribka ningon ngakei Yakub.

NITRITI 27:33

Lene Ishak ninghuisi mpig sut nindig bibor bihig ser noni “Tou ribui mikwau bibam kwei bida aponi pini i? Diyem nide mikwau hammi tirigi atausi dini bidinjei mun di kei nya hagom bak noni bihigom tu lene bit bon ditug gima hanyen kwei leu noni kan bi.”

NITRITI 27:4

Lene ma abam mikwau di ninghap ngge kei nok gi dani dijoi sutti bida leu binhyepo diyem kep dikimam. Tirigi diyem bingwig lene midikes dinda ei na dip bidinjei mun di kei nya hagom bina di munggwom mighumbou nipou tirigi dimai bigyo.”

MAZMUR 110:3

Ade limwa nya minjei siceu bit na ei nungug tou di adimig ei su mem njap dino atin ei mem akon pran bit ade siceu nya. Pinai pilei nya di imangti dem kep nggou njap bigyoti minduk yam kwei ndam na.

MATIUS 3:9

Ma jikan bipia mijingwes ngun drek dip gi jintun Abraham him au. Dipai bije bipia Allah sindem mem gima bindei tig dini yok binok yo di intun Abraham him.

YOHANES 3:3

Yesus buhup “Ma ayok ngon kep bipia gino tungwagom yai nisrek nimbicanti bi ne bit bon noni coi bit Allah Ninyeng Tak Kepti kan bi.”

KORINTUS GI NIGOM 3:6

Da di Paulus dindim ningan leu api Apolos prok nikioi noro Allah ribindei di nikioi hei bijei bu.

FILIPI 2:13

lewo Allah Nonti ripingok ei jingonti leu binhyepo jingon llei bijiyai nisindemti mem jibindei ba, Noni joi sut je.

TITUS 3:5

Noni teu nye leu sisar biyai niyaijo nijep binye drek dip igyai munti di kei bibor nya bi. Noro drek dip Nide ningondut nyeti. Allah ba Nonti Ninnei de nisindemti bipiap nye ba, srek tut nye nok nijep bu cem apino igyai niteu leu sisarti kin niyaijo nijep.

YAKOBUS 1:18

Noni yai niyaijo nijep binye bit leu Nonti ningon kanti tug hon nihyet di nijit. Niyai munti dima bindei ba, nye di tungwatu igya bibie mem Nide nipai testi nya hagom.

PETRUS GI NIGOM 1:23

Jiyai niyaijo nijep leu Allah di nok Jicigya. Noni ne tungwatu di mai hak rin bi noro niyaijo kikau buug hon nohonti bi. Allah ribindei dino jiyai niyaijo tug hon Nonti nihyet di niyaijo ba, bit bon sar kan bi cem.

PETRUS GI NIGOM 1:3

Jikwei ba, ipai sigyo bak Allah dino ide Tuhan Yesus Kristus Nicigya! Ningon ngakei nye nindig bibor biyai niyaijo nijep binye tug hon Yesus Kristus nikiju hanyen leu nimai eisi. Noni bindei ba, igyok ingon memti nddong kei.

PETRUS GI NIGOM 2:2

Ma jibingon nok munggwom ngwoi di sindi srek ba, jingon rai Allah nihyet di nok do ngei di pimbai kei. Tug hon nisinati dima rino jimahan bijiyai niteu leu sisarti kin niyaijo nijep.

YOHANES GI NIGOM 3:9

No di ntun Allah him binok nimunggwom bon sisar ninyen bi. Lewo Allah sindem tut no dima ningonti leu api bit bon noni bon sisar ninyen kan bi lewo Nicig ne Allah ri.

YOHANES GI NIGOM 4:7

Disut bat di dingon kieti jen! Jikwei ba, yahagom ingon ngakei yam lewo Allah ne nibousi mem ningon ngakei yamti ri. No di ningon ngakei Allah kin tungwatu nya ne Allah nimunggwom rin ba, ningon dorti tut Noni.

YOHANES GI NIGOM 5:1

No di ningon jo kep bipia Yesus ne Nibou Ndig di teu tungwatu nya biyai niyaijo nijep biyok rin ne no dima Allah nimunggwom ri. No di ningon ngakei nicig ningon ngakei nicig nimunggwom bat nindigsi nya cem sindam.

YOHANES GI NIGOM 5:18

Ingon dorti tut bipia Allah nimunggwom bat nya ibon kep sisar bi lewo Allah Nipmot nyohou yok ba, bit bon No Di Ba Nitok Bak Allah ngget yok kan bi.

YOHANES GI NIGOM 5:4

Bikwop Allah nimunggwom bat nya yahagom igyai nisindemti mem ibindei cut mun di ntun dihyeisi dini him. Ibindei cut mun di ntun dihyeisi dini him tug hon ide niba ningon com Yesus Kristusti.