YOHANES 1:12 - ALLAH NIHYET MEM TUNGWATU NYA

¹² Lo, tungwatu nya bihi igya um Noni leu api iba ingon com Noni. Gima rino Noni bindei ba, idem mem gima inok Allah nimunggwom bat nya.

YOHANES 1:12 ပူးပေါင်းရင်းမြစ်များ

SAMUEL GI NICAN 7:24

Na di tuhan abindei ba, mben Israel inok Ade limwa nya bijo ninno bijo kikau ba, Nanti anok ide Allah.

YESAYA 56:5

lene Ditde limwa nya migyok ngon kep jinyeng ei Ditde Ig cem ei ikieti cem ba, gima kei dor njiriek niyai munggwom pinai nya kin munggwom sop nya. Midibindei ba, jinyeng jo kikau. Ditde limwa nya mibbwe ser je bi sren.”

YEREMIA 3:19

tuhan pai “Je di mben Israel e, dijoi sut gima diya um je dem kep nok diya um dimunggwom bat nya ba, diyai minu di biyai jingon di kei bije. Minu dima kei-kau dor njiriek minu nindigsi ei dihyeisi dini hagom. Dijoi sut bipia jijem Dani Jicig rin apino mijinang leu Da bu bi.

HOSEA 1:10

Mben Israel midigek kep mpia ba, imangti noyam kin iggum ei muk nipimat nimangti apino bit bon tungwatu nya ikwop imangti ba, inai ide minu nijeisi cem kan bi. Nogindini Allah hig yok “Jinok Ditde limwa nya bi.” Noro jei bi ne Noni hig yok “Dani ne Allah Di Niyaijo rin ba, jinok dimunggwom bat nya!”

MATIUS 10:40

“Bikwop no di ya um je ne gima dem kep nok noni ya um Da. No di ya um Da ne gima dem kep nok noni ya um No di cuk Da kwei.

MATIUS 12:21

Lene ngkiai nya yahagom miba ingon com Noni.”

MATIUS 18:5

Bikwop no di ya um munggwom di nok gini drek dip ningon di jo kep Dani lene no dima ya um Da sindam.”

YOHANES 1:11

Noni kwei ei nitimieisi noro Nide mben igya um Noni bi.

YOHANES 1:7

Ba, Yohanes kwei tri tut nipigati dima bak tungwatu nya leu binhyepo yo di imiap nihyet yahagom ingon jo kep nipigati.

YOHANES 11:52

Noni mai luei mben Yahudi he bi noro mibuwak Allah nimunggwom bat nya di ibong ingkiaisi yahagom ba, inok gom kin yam tug hon nimaisi.

YOHANES 2:23

Tirigi Yesus sisip ningat rin ei minu ndig Yerusalem mem Njap Ndig Paskah lene tungwatu nya imang bibor ingon jo kep Noni lewo ingat mindur di Noni bibon nya bou igyai him.

YOHANES 20:31

Noro hi pas kep mindur dini yok hagom leu binhyepo jingon jo kep bipia Yesus ne Nibou Ndig di teu tungwatu nya biyai niyaijo nijep biyok cem Allah Nipmot cem ri. Tug hon nisinati dima jiyai niyaijo nijep tug hon jide niba ningon com Noti.

YOHANES 3:18

No di ba ningon com Nipmot tug ndei hukum bi. Noro no di ba ningon com Noni bi tug ndei hukum leu Allah tu lewo ba ningon com Nipmot di nimig gom ngat dima bi.

KISAH 3:16

Disut bat jen, jingat mun di pek kep mem no di nimig lit dini bou jiyai him. Noni yai nisindemti bikei hanyen tirigi ba ningon com Yesus kin Nide nisindemti. Noni kei hanyen ei jahagom joho bei lewo ba ningon com Yesus.

ROMA 8:14

Yo di ibit Allah Ninnei nibie tut yokti inok Allah nimunggwom bat nya ri.

ROMA 8:16

Allah Ninnei bicim tindei nyeni innei bipai sut nyeni bipia nyeni ne Allah nimunggwom bat nya ri.

ROMA 8:19

Allah nipai testi hagom ingon wis him nituti tirigi Noni ndo nimunggwom bat nya ei nibreisi.

GALATIA 3:26

Ba, jahagom jinok gom kin Kristus Yesus drek dip jide niba ningon com Noti. Gima rino jinok Allah nimunggwom bat nya.

GALATIA 4:6

Allah kes Nipmot Ninnei ei jeni kin nyeni ingonti lewo yahagom inok nipmot bat nya. Ninnei dima bindei ba, yahara Allah “Arig e, Arig e!”

KOLOSE 2:6

Jiya um Yesus Kristus bijita Noni nok Tuhan ei jingonti tu. Gima rino ma jiyai munti nya ntun jide ninok gom kin Noniti him.

PETRUS GI NICAN 1:4

Tug hon nisinati dima lene Allah njei nisindemti di mindur kin gi nibok kui di Noni preu ei mem nye binye tu. Nisindemti dima mibindei kwek nye leu ingut kanti di kinei di kieng kep dihyeisi dini hagom leu api ipriet kin Allah niyaijoti di kei-kau-kei.

YOHANES GI NIGOM 3:1

Ma jiba jingon srip bram bipia Icig Allah ningon ngakei nye nindig bibor bijem nye nok nimunggwom bat nya. Gima rino ningat ne nimunggwom bat nya rinyeni! Gima rino tungwatu dihyeisi di kinei dini ingon dorti tut nye bi lewo ingon dorti tut Allah bi.

YOHANES GI NIGOM 3:10

Allah nimunggwom bat nya kin Bilis nimunggwom bat nya ibon munti niter leu yamti di jo nibreisi. No di yai igbit Allah ningon kanti bi ba, ningon ngakei nisut cem bi ne Allah nimunggwom rin bi.

YOHANES GI NIGOM 3:2

Disut bat di dingon kieti jen, nyeni ne Allah nimunggwom bat nya ri. Noro tut gima iluei itta ei nidipti bu lene jo nibreisi mem nye bigyo. Noro ingon dorti tut bipia tirigi Kristus ttau hanyen kwei ne iluei itta dem kep nok Noni nitta tirigi ingat ningat brei bou igyai him.

YOHANES GI NIGOM 3:23

Nicuk nyeti dima ne suar ingon jo kep Nipmot Yesus Kristus ba, ingon ngakei yam bit leu nok Kristus nicuk nyeti.