YOEL 3:7 - ALLAH NIHYET MEM TUNGWATU NYA

⁷ Nogindini midibuwak yok hanyen kwei leu ingkiaisi di jitri yok ug eisi lene midibuhup hanyen bije noyam kin gi jibibon yok kinei su.

YOEL 3:7 ပူးပေါင်းရင်းမြစ်များ

ESTER 7:10

Apino yoni ipindur Haman ei cou dihim di Haman nonti tas ei mem gima bipindur Mordekhai eisi leu api nibou ndig ningon cut leu nigga biborti.

YESAYA 11:12

Noni mibindei kui kendera gom di nok mun di bindo tut gi Noni mibuwak mben Israel kin timiei Yehuda nya di intek gimahap di igya bidem dihyei nisurti-nipekti di ingkwei ba, iba yok bicom yam hanyen ri.

YESAYA 49:12

Ditde limwa nya minduk yam kwei leu minu ting ei nite bei mpia nijjai kin mpia nikimbasti cem leu Sinim ei nite bei mpia nibiho cem.”

YESAYA 66:6

Jimiap i! Nibimbiti di bong dihyeiti binok kru di cut no nugwei jo kep minu ndig a. Nihyet no tibim kwei leu Ditde Ig a. Nihyet dima ne tuhan nihyet di Noni kes hukum ei nide siceu nya dip ri!

YEREMIA 23:8

Noro iba Allah Di Niyaijo di buwak mben Israel kwei leu minu di jo ei nite bei mpia nijjai kin minu nindigsi nya hagom dijji yok ug eisi ninyeng beheng bu. Mpe dima lene yoni mibong ser itimieisi hanyen bu.”

YEREMIA 30:10

Ditde limwa mben Israel e, ma jingon ttin bibor au! Ditde awak di intun Yakub him e, ma jidigit-digoi tut au. Miditeu jeni kin yo di intun jeni him nya bijingwes ngun leu jingkiaisi di ting bibor di jisima eisi. Jingkwei hanyen bijibong kei jigwam kei ei jitimieisi hanyen leu api mun nyeng hi bindei ba, jittin tut bi.

YEREMIA 30:16

Noro tini bu ne midipinde yo di ipinde je yahagom. Ngkiai nya mikat jide siceu nya yahagom bikri yok ug ei ingkiaisi. Midico kep yo di ico kep je bidipos ndigban leu yo di ipos jide ndigban yahagom.

YEREMIA 31:8

Midibuwak yok kwei leu nite bei mpia nijjai bidinduk yok kwei leu minu nohon keti. Yo di igyai tu nya kin yo di ilit nya yahagom mibit yok kwei bitut sop di inghop kin sop di sindi inghim dut tut munggwom nya cem. Imang ndig mikwei hanyen ei itimieisi dini.

YEREMIA 32:37

Midinduk mben dini leu minu hagom di dibindei ntek gimahap yok ug eisi nya drek dip gi digga yok bibor ba, diba yo bicom yam hanyen. Dibuwak yok kwei bidikes yok hanyen ei mpia ttou nsi dini bidisindui sut ba, ibong kei igwam kei eisi.

YEHEZKIEL 36:24

Midimbus je kwei leu bikwop ngkiai nya yahagom ikieti leu api dibuwak je hanyen kwei leu dihyei nisurti-nipekti mem gima jibong ei jitimieisi hanyen.

YEHEZKIEL 38:8

Ug ei ari bingwam poi bu lene midicuk no mem gima coi bihwen minu gom bitut timiei di induk yok di ibicom yam hanyen kwei leu mben ngkiai nya ikieti bibong kei bigwam kei ei minu dima. Nibou ndig Gog miyai nungug Israel di mpia mbum-bra bram di wer ig kum kroisi mimbrek ngan tu dima biyati lo, tini bu ne limwa di ingat rin eisi nya ibong kei igwam kei hanyen.

YOEL 3:4

Je di mben Tirus kin Sidon kin Filistin jahagom e, jinggon ndei Da i? Jiba jimbuk birop biDa e? Gino jiyai nok gima ne ma jitug ndei mun di dibirop hanyen bije haninyai!

ZAKHARIA 9:13

Midibindei ba, minu Yehuda dem kep nok hampiap di tentara di mimbri kui ningkek krau ei nindati. Midibindei ba, Israel dem kep nok tibor di ditin ei mem gima dibiprindei siceu nya. Midibindei ba, timiei nungug Sion idem kep nok singau simeda di dibimem dinghat tut bidibitot mben Yunani.”

MATIUS 7:2

Lewo Allah di nok nikei mibibon je bit leu nok jibibon hi terti. Noni mibinai je bit leu nok jibinai hi ter.

TESALONIKA GI NICAN 1:6

Allah mibon mun di igbit. Noni miba ninghuisi wei bibirop hanyen bak yo di igyai ninghuisi wei bije lene,

YAKOBUS 2:13

Gino tungwagom ngondut hiter bi ne mpe dino Allah mbus ningonti lene Noni mingondut no dima bi. Noro ningondut yamti sindem dor njiriek hukum!

NINGAT-HI-NGAT NYA 13:10

No di yai hukum nisima ei ig bui nsi misima hak. No di miyai nimai tug hon singau simeda miyai nimai tug hon singau simeda hak. Gima rino suar Allah de limwa nya ingon nddong ba, ingon gom cem.

NINGAT-HI-NGAT NYA 16:6

Lewo yo dima isiber Ade limwa nya bitut Ade nabi nya inggrom. Gima rino abindei ba, idut ninggrom nok minyei. Ibiang igyai munti dima nibuhunti bitug ndei imuhup sur igyai munti.”

NINGAT-HI-NGAT NYA 19:2

Hukum dino Noni kes ei tungwatu nya dip hagom ne igbit rin ba, sren-srau cem ri. Allah kes hukum ei sundal di bindei di tungwatu dihyeisi dini icut tut yam dip. Sundal dima tug ndei hukum drek dip gi noni hwen Allah de awak nya pima.”

NIJAM NIKEI NYA 1:7

Apino Adoni-Bezek pai “Nipou yo lene dikkin nibou ndig ibou ningot muhwindacan inda pmem hacem kin imig nda pmem hacem leu su. Lene disindui sut yok ba, igyem njita ninir di cut ei ditde meja behei a. Gima rino Allah yai nok gima tut dani mem njap di ammani dem kep gi po dibibon yoni pima.” Leu api ikri Adoni-Bezek ug ei minu ndig Yerusalem ba, noni mai ei sirima.

SAMUEL GI NIGOM 15:33

Lene Samuel pai binoni “Bit leu nok gi po ade simeda bindei ba, sop imang bibor ide munggwom nya isar bingwig leu yok lene nok gima cem simeda gom mibindei ba, apmem nipmot gom misar hak leu noni.” Lene noni kkin Agag kukiau hak ei bei nimbar hum dok nuhui ei Gilgal.