Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOEL 3:17 - ALLAH NIHYET MEM TUNGWATU NYA

17 “Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

အခန်းကိုကြည့်ပါ။ ကော်ပီ




YOEL 3:17
29 ပူးပေါင်းရင်းမြစ်များ  

Mpe dima lene ngkiai nya ibong timiei ei ide minu ba, hi di bindei srawir yok leu puig di Allah de bi.


Allah ninyeng jei ei hanjop Yehuda. Ninyeng tibim bidem minu Israel nisurti-nipekti.


tuhan e, yo di ikan tut Nani iba ingon com Nani lene akes yo di ikuk yok biNani ei bi.


“Dimiap tut mben Israel ide ninso-nso nyenti pima tu. Apai biyok bipia midibindei ba, mmunti lene mibui mikwau lene njap bigyokti migyem kep roti bindei yok ug ri. Leu binhyepo mijo nibreisi mem yok bipia Dani ne tuhan bidinok ide Allah ri.”


Mun di mbuk kin nirom ndok mijo ei Allah De Nungug Di Kwes-Kwau ei Nungug Sionti bu bi. Nintin di kimbo tut Allahti mikieng kep minu dima hagom dem kep nok muk ndigsi di mpung tut minyei.


Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”


Puig Di Bie Ndam Niyaijo Nijep Di Jo Kikau mijo ei sirima. Yo di ibon sisar ikak simpak dima bi. Yo di ingkek ndok nya yuhum yo di ikak puig dima insi cem bi.


Tungwatu nya di Allah dimig ei di teu yok di ingwes ngun di ibong ei minu ndig Yerusalem yahagom mingon kwes.


Midibindei njap niteu bingwes ngun nicunti dideu kwei ba, mimbrek bu bi. Mun nyeng hi minggek tut nituti mem gima diteu je bi. Miditeu timiei Yerusalem nya bingwes ngun leu api midikon mben Israel inyenga.”


Je di mben Yerusalem e, ma jikiju hanyen lene ma jingonti yai nisindem bijijuk jide sinsun di kei-kau hanyen! Je di jinok Allah de limwa di jingon kwes e, ngkiai di irom ndok nya micoi dimbou hui kwei ei jide minu ndig bu bi sren.


“Midibuwak je ug ei Sion di nok Ditde nungug di kwes-kwau bidiyai ningon di nggei-hi-nggei bije ei Ditde Ig di ibon midut nya eisi. Midijoi sut jide midut nindig mindhe-ndhe ei Ditde nimbar hum dokti cem leu api tungwatu nya itri tut bipia tuhan De Ig rinok gumihyep mem mben yahagom ingat nadi eisi.”


tuhan di mben Israel ide Allah Di Sindem Bibor pai “Tirigi dibindei ba, Ditde limwa nya ibong kei igwam kei ei itimieisi hanyen lene timiei minu Yehuda kin minu mien nya ibohom ndat, ‘Nnaba tuhan njei mun di kei bak nungug tou di kwes-kwau ei minu ndig Yerusalem kin Nide nghim nsi di dia-diau kei.’


Tungwatu nya mipigig sut mbang briep di itig nimai ngut ei ba, icom mumpiang cem eisi mem Dani bitut hanjop nsi nya ei Minyei Kidron nijjai kikau ug bipek kin Dimbou Hui Kuda ei nite bei mpia nipriti. Tungwatu nya minggek minu ndig Yerusalem bibindei timek bingwig bu bi sren.”


Lewo je di mben Israel jahagom mijikuk je biDa ei dihyei Israel kin Ditde nungug dip di kwes cem. Midingon kei sut jeni ei sirima bidijoi sut jide midut nindig mindhe-ndhe nya ei nimbar hum dokti nya kin jide munkwas di kei bibor nya kin jide mun di jiyai pijum biDa nya.


Midibindei ba, jinggiluk kin jinghui ntun je him leu api midiba jingkek di nijep bu binggai kep je hanyen. Midihi dinnei ug ei jinsi leu binhyepo jiyaijo hanyen. Leu api jikan mungkun tut bipia Dani ne tuhan ri.”


Nikos tut pijum mem tuhan De Ig ne suar hanjop nsi di jo ttai nya hagom ei nungug dip dini kwes-kwau.”


Da di tuhan Di Dinyeng Jei Bibor disimbot dat bipia disindui sut ba, ngkiai nya di ibit midut sunat bi kin yo di ibit dihyet bi icoi kwei ei Ditde Ig bi. Nicukti dima mem ngkiai di ibong timiei ei mben Israel ikieti cem.”


Ngug tig dima titut yam nijeisi dem kilometer muhwindatai. Hon ammani bikui ne tungwatu nya mijem minu ndig dima ninyeng “TUHAN NINGAT RIN EI SIRIMA!”


Ningat ne noni hok nide prak meng yati di bindo tut ninyeng jeisi ei muk ngei kin nungug di tuhan De Ig joti ikieti. Noro niabiati bu ne noni tug ndei nimai lo, hi di mpu noni bi.”


Aya srak ko hagau nye nipou su. Gima rino ma angon sibui sut minu ndig Yerusalem kikau au. Minu ndig dima ne Ade minu ndig kin Ade nungug tou di kwes-kwau ri. Tungwatu di ibong bidem minu di gahai minu Israel inim kep minu ndig Yerusalem kin Ade limwa nya cem drek dip nyende sisar kin nidigup bat-nidigai bat nya igyai munti di mbuk bibor nya.


Je di mben Israel e, mpe dima lene mijo nibreisi mem je bipia Da di tuhan disrig jikieti bidinok jide Allah. Dangkom he rino Allah lene hiter hi bu bi. Hon kep ammani kui ne ngkiai nya iba ighyet bicig Ditde limwa nya bu bi sren.”


Noro midibirop hanyen bak yo di igyai nimai bak timiei minu Yehuda. Midisindui sut yo di ingon mui nya bingwes ngun bi. Midigwam ei nungug Sion bijo ninno bijo kikau.”


Yo dima imig lit bibong ting leu itimieisi noro midibindei ba, gi hi di ingkwei hanyen inok pung di intun yam him di nijep bu. Yoni midigek kep mpia nok mben di nindig bibor bisindem bibor cem. Hon kep njap dima kui midigwam ei Nungug Sion ba, dinyeng tak kep yok bijo ninno bijo kikau.”


Angat i! Dipinak tungwagom di kak puig ei nungug him kwei ba, mikwei sut nihyet di kei. Nihyet di kei dima bindei timek siceu nya. Timiei minu Yehuda e, ma jibon midut kep jide njap ndig ba, jigo jide nitto ei mem Allahti. Yo di isibut nya minyeng tak kep jide minu bu bi. Lewo itimek bingwig bibor bihigom tu.


Midingkwei hanyen ug ei Ditde minu ndig Yerusalem di kwes kei bidibong ser. Tungwatu nya mikan tut bipia timiei minu ndig Yerusalem nya ingon gom tut Da ba, ijem tuhan Di Sindem Bibor de nungug ninyeng Nungug Di Kwes Kei.


Noro mun di map kuisi kin yo di irom ndok nya kin yo di ibicum nya icoi ug ei minu ndig dima bi sren. Yo di inyeng jo ei Domba Pmot De Srat Yo Di Igyaijo Nyati he rimicoi a.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ