YOEL 3:12 - ALLAH NIHYET MEM TUNGWATU NYA

¹² Suar ngkiai nya yahagom itin ei ba, induk yam kwei ei Mbang Briep Niya Ei Nikei Noho Bei. Da di tuhan digwam nok nikei ei mbang briep dima mem ngkiai nya di ibong bidem minu di gahai dini kou.

YOEL 3:12 ပူးပေါင်းရင်းမြစ်များ

NIBOHON MBEN ISRAEL GI NICAN 20:26

Njap gi nibitai lene yahagom idem yam ei Mbang Briep Berakha ba, ipai doia bibikon tuhan ninyeng tut mun di Noni bibon mem yok dima hagom. Gima rino ijem briep dima ninyeng Mbang Briep Nikon tuhan Ninyeng.

MAZMUR 7:6

lene asindui sut ba, ditde siceu di iba nitok bida yuhuk da bikat da leu api igyai nimai bida lene ibikes dingut bijo hak ei dihyei ngunti bimbut hak leu.

MAZMUR 96:13

ei mpe dino tuhan juk kwei leu binhyepo gwam nok Nibou Ndig ei dihyeisi dini. Ninyeng mitak kep tungwatu dihyeisi dini nok nibou di ningon sren-srau ba, ningon gom cem.

MAZMUR 98:9

Lewo tuhan kwei bigwam nok nikei di ba ningon sren-srausi kin nisingatti bimbus ngkiai nya ingonti.

YESAYA 2:4

Noni migwam nok nikei mem ngkiai nya bidem dihyeisi dini hagom leu api mikos tut ide munhyet nya. Yoni mitug ide simeda nya hagom binok ngkimom nitu di ibiwim dihyei. Yoni miprin ide tigtug nya hagom binok singau koi. Mpe dima lene mben dihyeisi dini nya mikon pran bit yam binjei siceu bu bi sren.

YESAYA 22:1

Gini ne nisok nihyetti tut Mbang Briep Ningat-hi-ngat ri. Timiei minu ndig Yerusalem e, nggon rino jahagom jikui ug ei ig ninjek dip i?

YESAYA 3:13

tuhan tin ei mem gima pai kep Nide limwa nya bigwam nok nikei mem yok tu.

YEHEZKIEL 30:3

Ma aba nihyet dini bahara ba, abibwos-bwos nyen cem bipia, Ayo! tuhan de njap dideu kwei su o! Noni miyai nibou tut haninyai ug rin o! Njap dima dindi ba, wer bumbuhui ningkom ei nituti di ngkiai nya mitug ndei hukum o!

YEHEZKIEL 39:11

tuhan pai “Mpe dino mun dima yok hagom pek kep lene midipek hanjop nitig nimbiam ngutti nittou nsi gom bak nibou ndig Gog ei minu Israel yo. Midipek hanjop dima ei mbang briep ei nite bei mpia nipriti ei Igpong Nsim nite dima ug. Yoni mitig Gog bitut nide tentara nya titut yam ei mpia dima. Tungwatu nya mijem mbang briep dima ninyeng ‘Mbang Briep Tentara Gog.’

YOEL 3:14

Tungwatu ibou sribu-ribu idem yam ei Mbang Briep Niya Ei Nikei Noho Bei. Jei bi ne tuhan De Njap mitau kep yok ei mbang briep dima.

YOEL 3:2

Midinduk ngkiai nya yahagom kwei ei Mbang Briep Niya Ei Nikei Noho Bei. Leu api midigwam nok nikei mem yok. Midikes hukum ei yok dip drek dip gi ibibon Ditde limwa nya kinei. Lewo ijji mben Israel bibindei ba, intek gimahap ug ei ingkiaisi leu api ikwas Ditde minu Israel tut yam.

MIKHA 4:3

tuhan migwam nok nikei di kos tut mben dihyeisi dini kin ide ninyeng tak kepti di sindem bibor gi ibong dideu kin gi ibong ting bibor nya ide munhyet. Yoni mitug ide singau simeda bikinding nok ngkimom di sapi bitem dihyei biprin ide tigtug nya hagom bidem kep nok singau koi nya. Mpe dima lene mben dihyeisi dini hagom mikon pran bit yam binjei siceu bu bi sren.

ZAKHARIA 14:4

Njap dima dem ne Noni miya ei Nungug Zaitun dip ei minu ndig Yerusalem ei nite bei mpia nipriti. Leu api Nungug Zaitun nonti miki hacan binok briep ndig di nyan bibor di jo leu bei mpia nipriti buug ninno bipek kin nite bei mpia nicutti. Nungug dima nite hi mison ei nite bei mpia nijjai ba, nite hi bu mison ei nite bei mpia nibiho.

NINGAT-HI-NGAT NYA 19:11

Lo bi lene dingat lo, dimbou kau leu gwamti leu api kuda di ninta tiei kei ya niyati. No di bri bigwam kuda dip ninyeng Ningon Gom kin Ningon Sren. Noni ba ningon sren-srau bikes hukum ei tungwatu nya dip bikon pran bit Nide siceu nya.