YOEL 2:32 - ALLAH NIHYET MEM TUNGWATU NYA

³² Noro tuhan miteu bibikwop tungwagom-gom di hara Noni leu api yai niyaijo nijep. Bit leu nok Noni pai ‘Timiei minu ndig Yerusalem di didimig ei su nya mingwes ngun.’ ”

YOEL 2:32 ပူးပေါင်းရင်းမြစ်များ

NITRITI 4:26

Lene Set yai nipmot bijem ninyeng Enos. Mpe dima lene tungwatu nya kindi indat kep tuhan ninyeng tirigi ikuk yok biNoni.

MAZMUR 50:15

Mpe di juum mun di buhun tak je lene ma jahara Da leu api midikwek je leu mun di ngot kep je nya apino mijikon dinyeng.

YESAYA 10:22

Mbro nok gino nogindini mben Israel idem kep iggum ndung ei muk nipimat lo, ibou poi he rima ingkwei hanyen a. tuhan de hukum dideu kwei su ba, nibindei sar mben dimati ne suar dem igbit.

YESAYA 11:11

Ei mpe dima lene tuhan miba Nide nisindemti bibuwak Nide limwa niken-ken nya di ibong ei minu Asyur kin minu Mesir kin minu Patros kin minu Sudan kin minu Elam kin minu Babel kin minu Hamat kin mios nya di ting ba, yahagom ikwei hanyen bu.

YESAYA 11:16

Puig ndig di noyam kin puig di mben Israel ikak mpe di po yehei leu minu Mesir pima miningat rin mem tuhan De limwa di niken-ken nya di yehei kwei leu minu Asyur yo.

YESAYA 4:2

Tto bou midem leu api tuhan mibindei ba, njita kioi kin biei mehei bidem ninyeng hagom bindig ngat ba, kei-kau cem ei minu dini. Mpe dima lene mben Israel di ingwes ngun inggei ngwig ba, ingon llei cem tut ningat di igyai kui ig gudan.

YESAYA 46:13

Midibindei njap niteu bingwes ngun nicunti dideu kwei ba, mimbrek bu bi. Mun nyeng hi minggek tut nituti mem gima diteu je bi. Miditeu timiei Yerusalem nya bingwes ngun leu api midikon mben Israel inyenga.”

YEREMIA 31:7

tuhan pai “Ma jiba doia bikiek Ditde limwa mben Israel lewo inyeng jei bibor njiriek ngkiai nya yahagom. Ma jiba doia binggei sut tuhan bijitri tut bipia Noni teu Nide limwa nindigsi nya bingwes ngun tu.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

AMOS 9:8

Da di tuhan Di Dinyeng Jei Bibor diyok diyai kep je di mben Israel di jibon sisar leu api midibindei ba, jitimek bijingwig leu dihyei njek dip. Noro dibindei ba, yo di intun Yakub him yahagom imai bingwig bi. Da di tuhan disimbot dat tu.

OBAJA 1:17

“Noro bihi mingwes ngun ug ei Nungug Sion. Nungug dima ne gumihyep di jo pijum ei mem Da ri. Leu api yo di intun Yakub him migyai dihyei ninda rom di ide hanyen binok ide bu.

OBAJA 1:21

Nicok tut siceu cig di igwam ei minu ndig Yerusalem nya mibindei timek mben Edom bicok tut yok. Leu api Da di tuhan dinyeng mitak kep Ditde limwa nya bidinok nibou ndig.”

MIKHA 5:3

Mpe dino no di ninyeng jei dima kwei krau ne ninyeng mitak kep nide limwa nya tug hon nisindemti kin mimbri di kui ningkek di kwei leu tuhan di nide Allah Nongkom. Nide limwa nya ingon mijo nyahan lewo tungwatu dihyeisi dini hagom mikuk yok bak Nide ninyeng jeisi.

ZAKHARIA 13:9

Timiei minu dini nittou nsi gom he rima ingwes ngun ug a. Ba, midibindei kwes yo dima noyam kin mas kin perak di iba hum bikwen di pimbai. Lene yoni ingat nadi biDa bidibuhup ighyet. Midipai biyok bipia yoni ne Ditde limwa nya rin ba yoni cem mipai jit bipia Dani ne ide tuhan Allah ri.”

YOHANES 10:16

Ditde domba nindigsi di icoi kwei ei sar nsi dini bigyo yo rinaha. Suar dijem yoni cem kwei leu api imiap dihyet apino domba nya yahagom inok gom ba, ide gembala cem gom ngat.

YOHANES 4:22

Je di mben Samaria jikan igbit tut mun di jikuk je bak bi. Noro nye di mben Yahudi nikan igbit tut No di nikuk nye bak. Lewo niyai niteu leu sisarti kin niyaijo nijep tug hon mben Yahudi.

KISAH 15:17

leu binhyepo tungwatu nindigsi bitut ngkiai nya di dinyeng tak kep yok inggok ser Tuhan ba, yahagom iba ingon com Noni.’ Gima ne Tuhan nihyet rin,

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

ROMA 11:26

Gima ne nisinati mem Noni teu mben Yahudi yahagom leu sisar biyai niyaijo nijep biyok. Lewo Allah Nihyet pai, “No Di Teu Tungwatu Nya Leu Sisar mikwei leu Sion leu api miciu ser yo di intun Yakub him nya ide mun di mbuk hagom.

ROMA 11:5

Tini bu ne nok gima cem. Yo di Allah dimig ei su nya nimangti ibou poi yo rinaha lewo Noni singat tut yok.

ROMA 11:7

Notou mem yo i? Mun di mben Israel inggok ser wer ninno dima ne ingat bi sren. Noro nimpung mien di Noni dimig yok habiei su nya he imbun nisingat tut yokti. Nindigsi nya imiap Allah nihig yokti bi lewo ingon ndok.

ROMA 9:24

Nyeni ne yo di Noni hig nye ei su nya rin noro hig leu mben Yahudi nya ikieti he bi noro hig leu ngkiai nya cem ikieti.

ROMA 9:27

Lene Nabi Yesaya simbot dat tut mben Israel bipai “Mbro nok gino mben Israel imangti dem kep iggum ei muk nipimat lo, ibou poi he migyai niteu leu sisarti kin niyaijo nijep.

KORINTUS GI NIGOM 1:2

Nipigo Allah de mbusyamei ei minu ndig Korintus. Allah hig jeni bijinok Nide limwa di ingon kwes-kwau nya tug hon jide ninok gom kin Kristus Yesusti. Ba, gima noyam kin yo di mbusyamei nya di ikuk yok bak Yesus Kristus bidem minu. Noni ne Tuhan mem yoni kin nyeni cem ri.

IBRANI 12:22

Noro tut jeni ne jikwei ya hon nungug Sion kin Allah Di Niyaijo De minu ndig di Yerusalem nijep ei gwamti bitut malaikati nya ibou sribu-ribu tu.