YOEL 2:28 - ALLAH NIHYET MEM TUNGWATU NYA

²⁸ “Niabiati bu ne miduhug dinnei bikwop ei tungwagom-gom ningonti. Jipmot bat kin jipmisop bat nya mitri tut dihyet. Jide andigpoi nya mimumpriem. Jide pinai pilei nya mingat-hi-ngat cem.

YOEL 2:28 ပူးပေါင်းရင်းမြစ်များ

NIPINGOK NINGONTI 1:23

Ma jingig jitingou mem ditde nisok kep jeti. Midihit dingon kanti nya brei bije bidikwas ditde nintin kimboti ndrim hi tut je.

YESAYA 32:15

Noro ei nidipti bu ne Allah mikwei sut Nide nisindemti leu api iggum ndigsi miluei nitta binok beisi di nnum kei ba, njita beisi nya dimbun kei hanyen bu.

YESAYA 40:5

Lene tuhan nikei-kau-keisi mitau ei nibreisi ba, tungwatu nya yahagom ingat bou igyai him. Igbit ri! tuhan Nonti preu sut ei mem nye tut tu!”

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 49:26

Midibindei ba, jide siceu nya ibou sibui sut inggrom di idut apino itot yam ba, imai bingwig. Mpe dima lene mijo nibreisi mem tungwatu dihyeisi dini hagom bipia Dani ne tuhan di teu je bijingwes ngun ri. Yoni mikan tut bipia Dani ne tuhan bidinok Yakub de Allah di sindem bibor di kwek je tu ri.”

YESAYA 49:6

Noni pai bida, “Ditde awak e, midindo midyai nindig bibor bu bina leu binhyepo akinyon eisi. Abindei ba, yo di intun Yakub him nindigsi nya mingkwei hanyen ndam Dani ba, apui ahyet tut keret Israel nya ide ninyeng jeisi he bi. Noro midibindei ba, ade nipigati piga digai ngkiai nya leu binhyepo yahagom igyai gi teu leu sisar kin niyaijo nijep.”

YESAYA 54:13

Ade limwa nya yahagom minok munggwom di icoi pikor leu api dingginau yok. Yoni minyeng tut mun di bindei ba, ibong kei igwam kei.

YEREMIA 23:25

Dikan bidem tut mun di tibim ei nabi dima yok yuhui him. Iba dinyeng biris tungwatu nya tug hon gi ipai sut yonti bipia dimbrap bit yok tug hon mun di imumpriem nya.

YEREMIA 23:28

Suar nabi di tri tut nide mumpriem pai hak ‘Gini ne mumpriem he yo.’ Suar nabi di miap kep dicuk noti tri tut dihyet dima nok gi igbit. Gandum nitu kei bibor dor njiriek gandum sisron.

YEHEZKIEL 36:27

Midikes Dinnei ei jingonti bidipijuk je leu binhyepo jibit Ditde niggai serti kin Ditde nicuk jeti nya hagom.

YEHEZKIEL 37:14

Midihi dinnei ug ei insi leu binhyepo ikiju bigyaijo hanyen leu api disindui sut ba, ibong ser itimieisi hanyen. Mpe dima lene yoni mikan mungkun tut bipia Dani ne tuhan ri. Da di tuhan disimbot dat tu. Midiyai hagom bit leu nok gi dipreu ei mem yok.”

YEHEZKIEL 39:29

Miduhug Dinnei ei mben Israel dip lene midikes yok ei bu bi sren. Da di tuhan Di Dinyeng Jei Bibor disimbot dat tu.”

DANIEL 7:1

Mpe di Belsyazar ninyeng tak kep mem ari bingwam gom tu lene dibong mai mem mmun gom leu api dimumpriem bidingat ningat-hi-ngat. Dipas kep ditde mumpriem ei srat meng gomti,

ZAKHARIA 12:10

Leu api midibindei ba, yo di intun Daud him kin timiei minu ndig Yerusalem ingon ya tut ningon ngakei yamti kin ningon ya tut naditi. Igyai mibong kep no di idat leu api ipim nggruet drek dip noyam kin no di pim nggruet drek dip nipmot di nimig gom nimaisi pimo. Yoni iba ingon di ngguk bibor bipim nggruet noyam kin no di nide munggwom mighumbou sar leu no pimo.

MBEN ISRAEL IMBUT-MBUT NYEN 11:17

Lene midijuk hwou bidimbrap bit na ei sirima. Lene midikus nisindemti di diyai bina nipou su ndrim hi bidikwas tut yo dima bu. Gima rino yoni migyai nisindemti leu binhyepo yahati tut na apino mun di buhun pima mibuhun tak nangkom he bu bi.

MBEN ISRAEL IMBUT-MBUT NYEN 12:6

Lene tuhan pai biyok “Suar jingig jitingou mem dihyet! Tirigi jide nabi nya ikiju bitri tut dihyet bije lene dindo dingon kanti biyok tug hon ningat-hi-ngat nya ba, dimbrap bit yok tug hon ide mun di imumpriem nya cem.

LUKAS 1:67

Ninnei Gi Kwes yai nisindemti bak Zakharia di Yohanes nicig leu api noni tri tut Allah ningon kanti bipai,

LUKAS 3:6

Tungwatu dihyeisi dini hagom mingat Allah de niteu tungwatu nya leu sisar biyai niyaijo nijep biyoti bou igyai him!’ ”

YOHANES 7:39

Yesus pai nok tut Allah Ninnei lewo ei nidipti bu ne yo di iba ingon com Noni igyai Allah Ninnei ei ingonti. Noro tirigi Yesus tri tut nihyet dini lene Allah Ninnei srek kwei ei ingonti bigyo lewo Yesus yai nikei-kau-keisi tug hon nimai ei biei salibti bigyo.)

KISAH 2:33

lene bindei ba, Noni gwam kui Allah ninda com. Allah yai nisindemti kin Allah Ninnei biNoni bit leu nok Nicig nipreu ei mem Noniti cem. Allah Ninnei di Noni hug ei nyeni ningonti ribindei dino mun di jingat kin jimiap nogindini timon je.

KISAH 2:39

Lewo Allah nipreu eisi dima mem jeni kin yo di intun jeni him kin yo di minu ting nya cem bibikwop tungwa tou rino Tuhan di nok nyeni ide Allah mihig ndam Nonti.”

KISAH 21:9

Filipus yai nipmisop bat sop gwam nitta pilei nya ibou bitai di igyai nisindemti leu Allah mem gima itri tut Allah nihyet.

GALATIA 3:28

Gima rino mben Yahudi kin ngkiai nya cem awak nya kin yo di igyati kwes cem pinai nya kin sop nya cem jahagom titer leu yam bu bi noro jahagom jinok gom kin Kristus Yesus.

IBRANI 1:1

Nipou yo ne Allah ba nisinati di ter leu yam bitri tut ningon kanti bak idigup-idigai bat nya mbirimang bibor tug hon nabi nya.

SAMUEL GI NIGOM 19:20

Gima rino Saul cuk nide tentara nya ibou poi ug ei sirima leu binhyepo ikat Daud kwei. Noro yoni yuum nabi nya nimpung gom di ipri-pri nyen ba, imbos-hi-mbos lo, Samuel bie tut yok. Lene Allah Ninnei sindem tut Saul de tentara dima yok leu api yoni cem sindi ipri-pri nyen ba, imbos-hi-mbos.

SAMUEL GI NIGOM 19:21

Tirigi yo dima inghapti tibim ug ei Saul nitingou nsi lene noni cuk nide tentara nya ibou poi bu. Noro Allah Ninnei sindem tut yoni cem leu api sindi ipri-pri nyen ba, imbos-hi-mbos. Lene Saul cuk nide tentara nya ibou poi nimbiningai bu lo, mun pima pek kep mem yo dima cem.

SAMUEL GI NIGOM 28:6

Gima rino noni hara tuhan mem gima ndo bindo binoni. Noro tuhan buhup nihyet tug hon mumpriem nya kin Urim kin Tumim kin nabi nya ighyet bi.