YOEL 2:27 - ALLAH NIHYET MEM TUNGWATU NYA

²⁷ Je di mben Israel e, mpe dima lene mijo nibreisi mem je bipia Da di tuhan disrig jikieti bidinok jide Allah. Dangkom he rino Allah lene hiter hi bu bi. Hon kep ammani kui ne ngkiai nya iba ighyet bicig Ditde limwa nya bu bi sren.”

YOEL 2:27 ပူးပေါင်းရင်းမြစ်များ

MAZMUR 46:5

Minyei pmot hi biam bibindei ba, tungwatu nya di ikuk yok bak Allah ei Nide minu ndig ingon llei bibor. Minu ndig dima ne mpia di Allah Di Ninyeng Jei Bibor bong ser ri.

MAZMUR 68:18

Allah Di Ninyeng Jei Bibor kwei sut Nide kroba pran ningat sribu-ribu kwei ei ikieti.

NIPINGOK NINGONTI 1:23

Ma jingig jitingou mem ditde nisok kep jeti. Midihit dingon kanti nya brei bije bidikwas ditde nintin kimboti ndrim hi tut je.

YESAYA 12:6

Timiei Sion jen e, ma jimbos-hi-mbos ba, jiba jingon di nggei-hi-nggei bipai doia. Ningat ne Allah Israel di kwes ninyeng jei ba, Noni ningat rin ei jikieti.”

YESAYA 44:3

Midisiber minyei ug ei dihyei ningga biborti leu api midibindei ba, minyei nya biam ei iggum ndigsi. Midiyai nisindemti bak jimunggwom bat nya ba, midinjei mun di kei bak jide nintun him yamti di bram yam nya.

YESAYA 44:8

Ditde limwa jen, ma jittin au! Dangkom he rino ditri tut nisinati tut nijam di nimbie him kikau kwei bipek nijam di nogindini. Jingat gini hagom bou jiyai him tu bijiya kui Da. Ninyohou kep je cig hiter hi bi. Dingat hi bou diyai him bi sren.”

YESAYA 45:18

tuhan di pai tes mpia-bbed him Nongkom ngat he rino tuhan! Nongkom pai tes dihyeisi dini binddong kei cem jo nijoti cem. Noni pai tes dihyeisi dini kinei binok mpia nintiti bi noro nok nibreisi mem tungwatu nya bibong kei bigwam kei eisi. Noni pai “Dangkom he rino tuhan ba, tuhan hiter ningat rin bi.

YESAYA 45:5

Dani ne tuhan ri. Allah hiter ningat rin bi. Dangkom ngat he rino Allah. Mbro nok gino akan tut Da haigtu bi lo, dibindei ba, akrau ade minggwen nya nok gi dem mem na.

YESAYA 45:6

Diyai nok gima leu binhyepo tungwatu ei dihyei nisurti-nipekti hagom ikan tut bipia Dani ne tuhan rin ba, Dangkom ngat he rino tuhan.

YESAYA 46:9

Ma jiyok ngon kep mun di pek kep mem je nipou su nya. Ma jipai jit bipia Dani ne Allah ri. Allah hiter hi bi. Bit bon jibinai Da kin hiter kan bi.

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

YESAYA 53:6

Nyeni yahagom inok domba di israwir nya ba, hi mbut nide hi mbut nide tu. Noro tuhan kes nyeni yahagom ide hukum ei noni dip.

YEHEZKIEL 37:6

Midibindei ba, jinggiluk kin jinghui ntun je him leu api midiba jingkek di nijep bu binggai kep je hanyen. Midihi dinnei ug ei jinsi leu binhyepo jiyaijo hanyen. Leu api jikan mungkun tut bipia Dani ne tuhan ri.”

YEHEZKIEL 39:22

Hon kep njap dima kui mben Israel mikan tut bipia Dani ne ide tuhan Allah ri.

YEHEZKIEL 39:28

Apino Ditde limwa nya mikan tut bipia Ide tuhan Allah riDani. Lewo Dani rino dipinak yok ug ei ingkiaisi ba, Dani rino dibuwak yok kwei ei yonti itimieisi hanyen. Dikes tungwagom ngat he ei ingkiaisi dima bi sren.

YEHEZKIEL 39:29

Miduhug Dinnei ei mben Israel dip lene midikes yok ei bu bi sren. Da di tuhan Di Dinyeng Jei Bibor disimbot dat tu.”

YOEL 2:26

Jide njita beisi midem mem je apino jinghop mpung tut. Gima mibindei ba, jinggei sut tuhan di nok jide Allah lewo Noni bibon mindur mang bibor mem je. Hon kep ammani kui ne ngkiai nya miba ighyet bicig Ditde limwa nya bu bi sren.

YOEL 3:17

“Je di mben Israel e, nogindini mijikan tut bipia Dani ne tuhan bidinok jide Allah ri. Digwam ei Ditde mbigdip Sion di kwes kei. Minu ndig Yerusalem cem miluei nitta binok minu ndig di kwes kei bu. Apino ngkiai nya mikwei kon pran bit minu ndig dima bu bi sren.

YOEL 3:21

Noro midibirop hanyen bak yo di igyai nimai bak timiei minu Yehuda. Midisindui sut yo di ingon mui nya bingwes ngun bi. Midigwam ei nungug Sion bijo ninno bijo kikau.”

ZEFANYA 3:11

Ditde limwa jen e, dem tut gima jingkek kan nimmai ei njap dima drek dip gi jikiek jimig jou tut da bi. Midijji bikwop ngkiai nya di illei-lau kin yo di ingon jei nya bingwig ug. Noro tut jeni ne mijaham jimbuk kep Da ei Ditde nungug di kwes bu bi.

ZEFANYA 3:17

Jide tuhan Allah di sindem bibor nyohou je. Joom kep mun nyeng hagom tug hon Nide nisindemti. Ningon nggei-hi-nggei ba, nillei ngwig sut je. Noni ba Nide ningon ngakei jeti biyai niyaijo nijep bije.

ZAKHARIA 2:9

“tuhan Nonti mihwen bit jeni! Ba, jide awak di nipou nya mihwen je bipos ndigban jide ningwig leu je. Mpe dino mun dima cut igkep je ne mijikan tut bipia tuhan Di Sindem Bibor cuk da hwou ndam je tu.”

MBEN ISRAEL IMBUT-MBUT NYEN 11:29

Noro Musa buhup “Nani abrim angkek mem ampu dani e? Dijoi sut bipia tuhan yai Nonti Ninnei bak Nide limwa nya yahagom ba, bindei yahagom ba, inok nabi nya.”

MBEN ISRAEL IMBUT-MBUT NYEN 23:21

Dingat bou diyai him bipia Yakub mitug ndei mun di mbuk ei nidipti bu bi ba, mun di buhun mibuhun tak mben Israel bi. tuhan di nok ide Allah ningat rin bit yok. Yahagom isimbot dat bipia tuhan ne Nibou Ndig mem yo ri!

KORINTUS GI NICAN 6:16

Bit bon Tuhan De Ig kin ig kwar nya yahacem ibinut yam nok gom kan bi. Nyeni ne Allah Di Niyaijo De Ig ri. Allah Nonti pai, “Dingat rin kin Ditde limwa nya bidibong bit yok. Dibibon Danti bidinok ide Allah lene yoni ibibon yonti ba, inok Ditde limwa nya.

NINDAT KEP TUHAN NICUKTI NYA 23:14

Jide tuhan Allah ningat rima bit jeni ei jide prak meng yati. Noni nyohou jeni bibindei ba, joom kep jide siceu nya cem. Gima rino ma jinyohou jide prak meng yati bipwoi. Ma jiyai mun di bindei ba, tuhan niyai kou ningat au. Leu binhyepo Noni kes jeni ei bi.”

PETRUS GI NIGOM 2:6

Bit leu nok gi ipas ei Allah nihyetti “Didimig tig mma di bon ninyeng bidiprion tig nipmem dima ei ig nuhuisi ei Sion. Tungwa tou rino ba ningon com Noni ningon pus tut bi.”

NINGAT-HI-NGAT NYA 21:3

Leu api nihyet nindig bibor tibim kwei leu banggo mbrei bipai “Nogindini Allah ningat rin bit tungwatu nya! Noni kwei bong bit yok ba, yoni ne Nide limwa nya ri. Allah Nonti di nok ide Allah ningat rin bit yok.