YOEL 2:26 - ALLAH NIHYET MEM TUNGWATU NYA

²⁶ Jide njita beisi midem mem je apino jinghop mpung tut. Gima mibindei ba, jinggei sut tuhan di nok jide Allah lewo Noni bibon mindur mang bibor mem je. Hon kep ammani kui ne ngkiai nya miba ighyet bicig Ditde limwa nya bu bi sren.

YOEL 2:26 ပူးပေါင်းရင်းမြစ်များ

NITRITI 33:11

Nna ba ama mun di dikwas tut na dima hak ug lewo Allah ningon nggriu sut da binjei mun nyeng mang bibor bak dani tu.” Yakub bibidip huk nyen nok leu api Esau ce tut biyai leu noni.

NEHEMIA 9:25

Ade limwa nya ipos minu ndig di bon tentara nibousi di igya coi nya kin dihyei di nnum kei kin ig di mpung tut ndigban di nibok kak kin minyei bousi nya kin biei zaitun nghousi nya kin biei di ngat ningat nghousi nya kin ba anggur nghousi hagom. Igyem njita di ndei yok bit leu ingon kanti apino immau ndok. Ingon llei sut mun di kei nyeng hagom di ayai biyok tu.

MAZMUR 103:5

Ayaijo tug hon mun di kei di Noni njei bina apino apilei jo bidem singa kin hacam krubri.

MAZMUR 116:7

Doom dingon lewo tuhan singat tut da nindig bibor.

MAZMUR 13:6

Lewo diba dingkiem bisu angon ngakei dati. Apino midiyai nillei lewo ateu dani bidingwes ngun. Midipai doia ba, dibinggei sut tuhan lewo Noni singat tut da!

MAZMUR 22:26

Midinggei sut Na di Allah ei Ade limwa nya yahagom yoho bei tut Ade midyai nya hagom. Midibon midut nindig mindhe kep humti ei yo di ikuk yok biNa yoho bei bit leu nok dipreu ei mem Nani tu.

MAZMUR 37:19

Yo di ingon sren nya mibong kei migwam kei mem nijam di kinei bibor. Gino nijam ninggum hwen yok ne yo di ingon singat nya minggum bi.

MAZMUR 67:5

Dijoi sut gima ngkiai nya yahagom ingon llei bibor ba, iba ingon di nggei-hi-nggei bipai doia lewo aba angon di sren-srau bigwam nok nikei mem tungwatu nya ba, abie tut bibikwop mben di ingat rin ei dihyeisi dini hagom.

MAZMUR 72:18

Jikwei ba, inggei sut tuhan di mben Israel ide Allah! Nongkom bibon mindur di bibon ninggap leusi.

NIPINGOK NINGONTI 13:25

Yo di ingon kwes kei nya igyem njita bindei yok noro yo di isibut nya ide njita dem mem yok bi.

DIUN MIMUN 5:1

“Dikinjoi ninyan e, dikwei ei ditde miaisi tu. Dimbus ditde mur kin biei ngat di nyop kei nya keyam bidiyem ditde ahwei lon ngei. Didut ditde sapi do ngei kin ba anggur ngei.” “Nisut bat jen e, jiyem njita lene jibidut ndia ngei. Jidut kikau ba, jibou bibuwei kep jingon ngakei yamti.”

YESAYA 25:1

tuhan e, Nani ne ditde Allah rin ba, dikon anyeng bidinggei sut anyeng cem. Lewo Ade midyai di ayai nya bindei ninggap leusi. Aba angon di gom bindei mbut angon kanti di atin ei habiei leu nimbie him kwei su ba, ug kikau.

YESAYA 29:22

Gima rino nogindini tuhan Allah Israel di teu Abraham biningwes ngun pai “Ditde mben e, hi dima mipai je kinei ba, nimmai mibindei jiimaisi hai bu bi.

YESAYA 45:17

Noro tuhan miteu je di mben Israel ba, jingwes ngun bijo ninno bijo kikau. Mijimmai sut jenti ba, hi dima nim kep je bi sren bijo ninno bijo kikau.’ ”

YESAYA 49:23

Nibou ndig nya mibon yonti ba, inok jicig bat nya. Nibou ndig sop nya mibon yonti ba, inok jipmem bat nya. Yoni miba ibiau bicom mpia ei jimig him bikon jinyeng ba, ikuk yok bije binggei sut je. Mpe dima lene mijikan tut bipia Dani ne tuhan ri. Yo di igyok ingon mem Da miwok Da hanyen bi sren.”

YESAYA 54:4

Ma attin tut au. Hiter minim kep na ba, ningwes moom kep na bu bi. Angon miprion ser nijam di anok sop wak cam di nibou buwei kin nijam di apijet hon di angwes sigon.

YESAYA 55:2

Nggon rino jiba jide mitiei bipek mun di jijoi sut bi i? Nggon rino jita jibou ei jide midyai di bindei ba, jingon kei bi nyati i? Ma jibit dicuk jeti nya apino mijiyem njita di kei bibor kei dor njiriek njita nindigsi nya hagom.

IMAM NYA IDE MIDYAI 25:19

Njita ngat mintun dihyei dima him apino jide njita midem mem jeni ba, jibong kei jiwam kei ei sirima.

IMAM NYA IDE MIDYAI 26:26

Njita mingwig leu jeni apino sop ibou simnai isuar komfor di inon roti eisi gom ngat he mem inon roti di jo bak yoni eisi. Mbro nok gino ikwas roti dima tut je bijiyem bingwig leu lo, ninggum mihwen je kikau.

IMAM NYA IDE MIDYAI 26:5

Njita ningat nindig bibor mintun him jide miaisi nya apino mpe di tto bou dem mem jipuk ba anggur ngat lo, no jike jide gandum nintam hagom kin yam yo. Ba, mpe di tto bou dem mem jigimahap gandum ngan lo, no jipuk kep ba anggur ngat yo. Jide njita midem mem jiyem kep jinggum dor njiriek ba, mijibong kei jigwam kei ei jide minu dima.

MIKHA 6:14

Mbro nok gino jiyem njita lo, njita dima ndei je bi leu api jinggum kikau. Mbro nok gino jipos ndigban leu tungwatu nya lo, bit bon jinyohou ndigban dima bijo kikau kan bi. Midibindei ba, ndigban di jinyohou dima timek bingwig tug hon pran.

ZEFANYA 3:11

Ditde limwa jen e, dem tut gima jingkek kan nimmai ei njap dima drek dip gi jikiek jimig jou tut da bi. Midijji bikwop ngkiai nya di illei-lau kin yo di ingon jei nya bingwig ug. Noro tut jeni ne mijaham jimbuk kep Da ei Ditde nungug di kwes bu bi.

ZAKHARIA 9:15

tuhan Di Sindem Bibor miya srak ko hagau Nide limwa nya bibindei ba, ihwen bitimek ide siceu nya yahagom. Tirigi ikon pran bit ide siceu nya ne ighyet misra tut pran noyam kin yo di pes pu yok. Ide siceu nya inggrom silipti ingkek noyam kin ninggrom midut di imam nya isiber ug ei nimbar hum dokti nisiliptiti.

ZAKHARIA 9:17

Igbit ri! tuhan de dihyei mikei bibor kei ei nidipti. Igbit ri! Dihyei di kei bibor kei bidia-diau kei dima bindei ba, ba anggur kin gandum hei billei kei eisi. Gandum kin ba anggur ngei dima bindei ba, pinai pilei nya kin sop gwam nitta pilei nya ide nisindemti kum eisi bu.

ROMA 10:11

Allah Nihyet pai “Tungwa tou rino ba ningon com Noni ne ningon ngkwei leu bi sren.”

ROMA 5:5

ide niyok ningon mem dima biyai ingon pus tut mun nyeng hi bi lewo Allah pwoi Nide ningon ngakei nyeti ei ingonti tug hon Nide Ninnei di yai binye tu.

ROMA 9:33

Allah Nihyet pai sut tig dima, “Jingat i! Diprion tig mma ei Sion ba, tig dima mibindei tungwatu nya indrat. Tig nindig dima mibindei tungwatu nya ikinoi. Noro no di ba ningon com No dima ningon pus tut drek dip bi.”

NINDAT KEP TUHAN NICUKTI NYA 11:15

kin minta midem mem jeni kin jide mindhe-ndhe nihyen kep nya cem. Njita ninyeng di jisuar nya hagom midem mem jeni.

NINDAT KEP TUHAN NICUKTI NYA 12:12

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jingon llei sut yam ei minu ttou nsi gom dima ei tuhan di nok jide Allah Noho bei. Lene ma jiyok ngon kep bipia yo di intun Lewi him nya ima ide dihyei hanjop nsi hi mem yonti bi.

NINDAT KEP TUHAN NICUKTI NYA 12:18

Ma jeni kin jimunggwom bat nya kin jide awak nya kin yo di intun Lewi him di ibong ei jide minu nya jahagom jiyem kep mun di jipigig sut ei mem tuhan di nok jide Allah ei Nonti Noho bei ei minu ttou nsi gom ngat di Noni ndo ei mem jikuk je biNoni eisi. Lene ma jillei ngwig sut mun di jiyai nya hagom.

NINDAT KEP TUHAN NICUKTI NYA 12:7

Ma jeni kin jimunggwom bat nya jiyem pesta kep ba, jillei ngwig sut jide midyai di jinda jo kep nya ei tuhan di nok jide Allah Noho bei ei minu ttou nsi gom dima. Lewo Noni singat tut je nindig bibor.

NINDAT KEP TUHAN NICUKTI NYA 8:10

Mpe dima ne mijiyem njita di mindei je ninyeng hagom apino mijipai sigyo hanyen bak tuhan di nok jide Allah lewo Noni yai minu di nnum bibor dima bije tu.”

TIMOTIUS GI NIGOM 6:17

Ma asok kep yo di inyeng tut ndigban di mipror yon mem nijam dini. Ma ingon jei sut biba ingon com mun di inyeng tut au. Noro ma iba ingon com Allah di yai mun nyeng hagom binye leu binhyepo ingon kei drek dip.

YOHANES GI NIGOM 2:28

He dimunggwom bat jen, ma jiyaijo nok gom kin Kristus leu binhyepo tirigi ttou bou dem mem Noni ttau hanyen kwei lo, no sisip ibrim ingkek yo ba, immai sut nyenti ei Noho bei bi.