YOEL 2:23 - ALLAH NIHYET MEM TUNGWATU NYA

²³ Je di timiei minu ndig Sion e, ma jiyai nillei bijingon kei bibor kei lewo tuhan di nok jide Allah njei mun di kei nindig bibor bak jeni. Noni bindei ba, mpia but nok gi dem mem bed di biang mpia ngei ba, biget mbras kwei mem bed di biang hou kin es ba, biget but mem bed di biang mpia kwes hanyenti bit leu nok gi Noni kos tut mem je habiei ei nimbie him.

YOEL 2:23 ပူးပေါင်းရင်းမြစ်များ

NIBOU NDIG NYA GI NIGOM 8:36

lene handei kon ba, angig atingou ei gwamti mem ighyet. Akos ser nibou ndig kin Ade limwa di mben Israel ide sisar ba, angginau yok tut puig di igbit leu api ma Na di tuhan abindei ba, mpia but hanyen bidem Ade minu di ayai bak Ade limwa nya bijo ninno bijo kikau dini nisurti-nipekti.

AYUB 33:23

Mpaba malaikati di srig Allah de malaikati ibou sribu-ributi di pus kiek tungwatu ingonti tut ide midyai gom mikwei mpu noni.

AYUB 37:13

Allah kes biget bibiprok dihyeisi dini ba, bikes hukum ei tungwatu nya dip cem. Mpaba Noni kes biget mem gima bindo tut Nide ningon ngakeisi di nindig bibor di nggek jei bi bijo ninno cem biyok.

MAZMUR 104:34

Dijoi sut gima Noni joi sut doia di tibim ei duhui him lewo Noni bindei ba, dingon llei bibor.

MAZMUR 147:8

Noni ne No di ba bumbuhui bijun mpia-bbed him rin ba, tin ei biget mem gima but kwei ei dihyeisi lene bindei ba, mintu-minta hei ei nungug tou nya.

MAZMUR 149:2

Je di mben Israel e, ma jiyai nillei drek dip jide No di pai tes je. Je di timiei Sion e, ma jinggei-hi-nggei drek dip jide Nibou Ndig!

MAZMUR 28:7

tuhan ne No di nyohou da ba, ya srak ko hagau da ri. Diba dingon com Noni. Noni mpu da ba, bibon dingon nggei-hi-nggei. Gima rino diba doia nibipai sigyo binggei sut Noni.

MAZMUR 32:11

Je di jingon sren e, ma jingon kei bibor bijiyai nillei drek dip tuhan niyai munti nya. Je di jibit tuhan nihyet e, ma jiba jingon di llei bimbos-hi-mbos binggei sut Noni!

MAZMUR 84:6

Yo di igyai ide nisindemti leu Nani kin yo di ingon nggan mem gima yuug kikau ug ei Nungug Sion yahagom ingon nggei-hi-nggei.

NIPINGOK NINGONTI 16:15

Nibou ndig ningon kwesti bindei ba, nide limwa nya ingon jo nyahan ba, noyam kin biget di but mem bed di biang mpia ngei.

YESAYA 30:21

Gino jikriek leu puig lene mijimiap Nihyet di tibim ei jinghim dip kwei di pai “Gini ne puig ri, Ma jibit puig dini hak.”

YESAYA 30:23

Gino jigimahap ningan ne tuhan mipinak biget kwei leu binhyepo ningan dima hei ba, jibiyai ningat di mpung-pias hagau. Minta iggum ndigsi di ug ninno di nimeng ngun-ngau mijo mem jide mindhe-ndhe nimuhup tu di jihyen kep nya.

YESAYA 41:16

Mijicig yok leu api ibit hou nimig lene hou sigau bindei ba, ipri didiei. Mpe dima lene jingon minggei-hi-nggei lewo Dani ne jide Allah ri. Mpe dima lene mijinggei sut Da lewo Dani ne mben Israel ide Allah ri.

YESAYA 61:10

Minu ndig Yerusalem pai “Dillei ngwig sut tuhan niyai munti nya. Noni ba sinsun nda di ninyeng rino niteu leu sisarti kin nibindei sar siceusi nya bijuk da noyam kin no di pinai kin no di sop di imau yonti mem midut niwak yamti.

YEREMIA 3:3

Gima rino biget di kwei leu mpia-bbed him ntus. Biget di but mem nijam di but di biwaisi biei di nimeng tu cem gi but kwei bi. Jidem kep sop di nikrar jut. Gi mbun jimmai sut jenti kan bi.

YEREMIA 5:24

Mbro nok gino Dani rino dikes biget mem je ei nijam biget nimbie him kin ningwigsi ba, diyai nijam nikos gandum bikwop ari bingwam mem je cem lo, jikuk je bijibou cut biDa bi sren.

NIBWOS-BWOS NYENTI 4:2

Nipou yo ne pinai pilei minu ndig Sion nya idem kep mas di nibok kak o! Noro tini bu ne siceu nya yuubon yok nok dibijig di iba igtuyap bibon he o!

YEHEZKIEL 34:26

Midinjei mun di kei bak yoni bidisindui sut ba, ibong ttai Ditde mbigdip di kwes-kwau. Tirigi isuar biget ne midibindei ba, mpia but mem yok ei minu dip dima.

HOSEA 6:3

Gima rino ma jikwei ba, ita ibou ei gi ingon jo kep Noni hanyen. Noni mittau kep nye hanyen noyam kin mpia di com mem njap tekti kin biget di but kwei ei dihyeisi dini mem bed di biang biget ningwigsi.”

IMAM NYA IDE MIDYAI 26:4

lene midibindei ba, biget but mpe di jisuar biget apino njita ningat mintun jide miaisi him ba, biei ngat mintun jide biei nda nya him.

AMOS 4:7

Dani rino dipai ser di mpia but bi tirigi bed di biang mpia ngei pijuk jide njita kioi ei beisi nya. Dibindei ba, biget but ei minu ndig hi lene but ei minu ndig hiter bi. Mpia but ei beisi gom lo, beisi hiter bu mui bingwig.

ZAKHARIA 10:1

tuhan rino ba bimbuhui di biang biget bibindei ba, biget but mbras. Biget dima bindei ba, njita kioi ei miaisi nya nnum kei ba, kei-kau mem nyeni. Gima rino ug cut nijam di biang mpia ngei ndung ningwigsi lene ma jahara tuhan biyai nok mpia but.

ZAKHARIA 10:7

Mben Israel minok nikon pran cig di sindem bidem kep yo di iba ba anggur ngei di idut ba, ibiyai nillei. Yo di intun him yok nya ei nijam dini ug ei nijam di nidipti bu kikau mibbwe ser ide nibindei timek siceu nyati di diyai biyok dini bi. Igyai nillei drek dip Ditde nibon mun mem yokti.

ZAKHARIA 9:13

Midibindei ba, minu Yehuda dem kep nok hampiap di tentara di mimbri kui ningkek krau ei nindati. Midibindei ba, Israel dem kep nok tibor di ditin ei mem gima dibiprindei siceu nya. Midibindei ba, timiei nungug Sion idem kep nok singau simeda di dibimem dinghat tut bidibitot mben Yunani.”

ZAKHARIA 9:9

Je di timiei nungug Sion e, ma jingon llei bibor! Je di timiei minu ndig Yerusalem e, ma jiba jingon di kei bibor bikon jihyet! Jingat i! Jide Nibou Ndig kwei ndam je ba, bindei timek Nide siceu nya! Noni ne nibou ndig di ningon sren-srau di kwei sut niteu je bijingwes ngunti. Noni ba nibou coi bigwam ei keledai nehen pap ningut gom dip bikwei ndam je.

KISAH 14:17

Noro ningon prion ser gi ndo bindo tut Nonti brei biyok bi ba, bindo dima ne nisingat tut yokti ri. Noni bindei ba, mpia but leu mpia-bbed him lene bindei ba, jide njita kioi ningat ntun him nok gi dem mem je igbit tto bou. Noni yai njita bije lene biyai jingon llei-llau cem.”

NINDAT KEP TUHAN NICUKTI NYA 11:14

Gino jibon nok gima lene Noni mibindei but biget ei jide dihyei dip son dideu bed di biang hou kin bed di biang mpia ngei cem. Leu binhyepo jide gandum ngan kin ba anggur ngei kin mini zaitun,

NINDAT KEP TUHAN NICUKTI NYA 28:12

tuhan mibindei but biget bit nijam kwei leu biget nibousi di mpung bipias hagau ei mpia-bbed him. Noni miyai gi kei bije tug hon jide midyai di jibrim jingkek tut nya hagom apino mijicom ningwam bak ngkiai nya imang noro jeni mijidahat ningwam hanyen leu yok kan bi.

NINDAT KEP TUHAN NICUKTI NYA 32:2

Dipingok jeti nya midem kep nok mpia di but leu api minok nggou di kieng kep dihyei ninjek dip. Dihyet rinok biget di mbras mem njita kioi binok mpia ngkoi mem mintu-minta cem.

FILIPI 3:1

Disut bat jen, dipas kep ningwigsi nok gini. Ma jingon llei sut jide ninok gom kin Tuhanti. Gino nipas kepti dini kibin kep nipas kepti di dipas kep nipou su ne buhun mem da bi. Lewo nipas kepti dini minyohou je leu binhyepo jisrawir bi.

FILIPI 3:3

Lewo nyeni icoi ei midut sunat di nijitti tu noro yoni ne bi. Lewo ikuk nye bak Allah tug hon Allah Ninnei di mpu nyeni ba, ingon llei sut ide ninok gom kin Kristus Yesusti ba, iba ingon com nibon midut ningkek dip nya bi.

FILIPI 4:4

Handei kon ba, jingon llei bibor bikwop mmun-njap drek dip jide ninok gom kin Tuhanti. Ditigtai je mbigom kin bu “Ma jingon llei bibor!”