YOEL 2:21 - ALLAH NIHYET MEM TUNGWATU NYA

²¹ Beisi nya e, ma jittin tut au. Noro ma jiyai nillei tug hon mun di kei bibor di tuhan bibon mem je.

YOEL 2:21 ပူးပေါင်းရင်းမြစ်များ

NITRITI 15:1

Mpe hi bu lene Abram ngat-hi-ngat bimiap tuhan nihyet di pai binoni “Abram e, attin au. Lewo midinyohou nani leu mun di kinei hagom leu api midiyai mun di kei nindig bibor binani yo.”

MAZMUR 71:19

Allah e, angon sren-srausi kui sur mpia-bbed him. Ade nibon munti nya nindig bibor ba, tou rima noyam kin Nani i?

MAZMUR 98:8

Minyei pmem nya e, ma jittem jinda. Mbigdip nya e, ma jiba nimbos-hi-mbos bipai doia nibinggei sut tuhan ei Noho bei.

YESAYA 35:1

Iggum ndigsi kin mpia ngak caisi mporo ingon nggei-hi-nggei ba, mitou nya mikieng ei nikineisi.

YESAYA 41:10

Ma jittin au lewo dingat rin bit je. Ma jikrau jingon tut mun nyeng hi hi bu au lewo Dani ne jide Allah ri. Midisindem tut je bidimpu je cem ba, diba dinda di sindem bibor bibie tut je.

YESAYA 44:23

Mpia-bbed him e, ma ambos-hi-mbos! Dihyei jou e, ma ayai nillei! Mbigdip nya e, ma jimbos-hi-mbos! Baham tindurti bitut biei nya hagom e, ma jiyai nillei! Lewo tuhan ndo Nide nikei-kau-keisi brei tirigi Noni teu Nide limwa nya.

YESAYA 54:4

Ma attin tut au. Hiter minim kep na ba, ningwes moom kep na bu bi. Angon miprion ser nijam di anok sop wak cam di nibou buwei kin nijam di apijet hon di angwes sigon.

YESAYA 55:12

Mijiyai nillei tirigi jehei leu minu Babel. Ngkiai nya miba ingon di kwes kin je behei sut je. Mbigdip nya kin nungug tou nya migyai nillei ba, biei susti nya ittem inda.

YEREMIA 33:3

“Ahara Da leu api midibuhup ahyet. Midimbot kep tut mun di kei-kau di biyai ningon nggap leusi di akan tut bi sren nya bina.

HOSEA 2:21

Mpe dima lene midibuhup Ditde limwa di mben Israel ighyet tirigi ingat nadi.

YOEL 2:20

Midijji hai ceng nya di inok tentara nya di ikwei leu bei mpia nijjai leu api bihi minang ug ei iggum ndigsi. Midijji gi hi di bie ug ei Igpong Nsimti leu api midijji gi hi di ya abia ug ei Muk Hacanti. Hai di imai nya impiei dem kep nok mindhe nggruau nimpieisi. Midibindei ba, itimek bingwig drek dip gi ihwen bit je.

YOEL 2:26

Jide njita beisi midem mem je apino jinghop mpung tut. Gima mibindei ba, jinggei sut tuhan di nok jide Allah lewo Noni bibon mindur mang bibor mem je. Hon kep ammani kui ne ngkiai nya miba ighyet bicig Ditde limwa nya bu bi sren.

ZAKHARIA 8:15

Noro tini bu ne midinjei mun di kei bak timiei minu ndig Yerusalem kin minu Yehuda nya. Gima rino ma jittin tut au.

NINDAT KEP TUHAN NICUKTI NYA 4:32

Ma jiba jingon bisrip huk nijam gi nipou nya kin nijam tirigi jipmem bat nya isrek tut je bigyo kin nimbie him tirigi po Allah pai tes tungwatu nya ei dihyeisi dini ba, jiput ser dihyeisi dini ninjek dip hagom. Dihig ser je bipia mun di mindur nok gini hi pek kep mem tungwatu nya nipou su e? Tungwatu nya imiap tut mun di mindur nok gini ninghapti tu e?

SAMUEL GI NIGOM 12:16

Nogindini ma jiya jiyati hak ug ba, jingig jiyai kep mun di mindur di tuhan mibibon mem je.

SAMUEL GI NIGOM 12:24

Ma jibit Allah nihyet lene ma jiba jingon gom kin jingon titut yam bikuk je bak Noni. Ma jiyok ngon kep mun di mindur di Noni bibon mem je nipou su nya.