Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




YOEL 2:2 - ALLAH NIHYET MEM TUNGWATU NYA

2 Njap dima mitau kwei sut nidinditi di dindi-kai kin bumbuhui di dindi tut biget leu api hai ceng di nok tentara nimpung di nindig gom mikwei nggai kep nungug him nya noyam kin bumbuhui di ndok bibor. Mun di buhun di nok gini hi cut igkep tungwatu nya nipou bigyo lene micut igkep yok ei nidipti bu bi sren.

အခန်းကိုကြည့်ပါ။ ကော်ပီ




YOEL 2:2
34 ပူးပေါင်းရင်းမြစ်များ  

Noni kan “Bit bon diyai mun tunggwei kan bi. Midicut ug ei mun di srou dati bi sren bijo ninno bijo kikau.”


Bumbuhui kin nidinditi no jo ttai Noni. Ningon sren-srausi kin nisingat tut yamti yahati tut Nide ninyeng tak kep limwa nyati.


Hai ceng di isider-wap igyon kep minu Mesir nisurti-nipekti hagom. Mben Mesir hi ngat hai ceng mang bibor nok gima bou niyai him habiei kikau kwei bipek ammani kep bigyo sren.


Hai ceng nya mingwig ei ade ig kin yo di igya kui na di Andigpoi kin ade limwa nya kin ide ig nya. Mindur dini buhun bibor dor njiriek mun di jidigup bat-jidigai bat nya ingat bou igyai him. Lene Musa ba ninghim bak Firaun bimbut leu.”


Noro yahagom yoom yonti ei minu ting kikau leu api Musa nongkom ya simiak bumbuhui di ndok bibor ei mpia di Allah ndo Nonti bak eisi.


Yo di ibong bidem minu Israel nisurti-nipekti mimiap tentara ighyet sra tut pran nibimbiti di nindig bibor bidem kep muk di tti-tti nyen nibimbiti. Jingat i! Minu Israel dindi bimpung-piet tut ningon buhun biborti ba, nipigati wer dindi-kai tut.


dihyeisi dini lo, yoni mingat mun di bindei di ingon buhun bibor kin nidinditi he ba, yuug dor ei nidinditi di dindi-kai dima.


Suar jikon jide tuhan Allah ninyeng bijo nai nipou tirigi Noni pinak nidinditi kwei bigyo ba, nipou tirigi ba nidinditi biluei nipigati di jiyok ngon mem bigyo. Leu mpe dima lene mijindrat mpia bijikinoi ei nungug him.


Nijam poi bu lene tuhan cuk da mem gima duug ei Minyei Efrat nyai hanyen bu bidiyai minghas cun dima hanyen.


“Je di jikriau da kak puigsi nya e, jingat bijiyok ngon kep da o! Hi dima yai niwei-nidut nindig bibor di ditug ndei nogindini bi! tuhan kes ninghuisi wei dini ei da dip drek dip nigga biborti o!


Nituti dima dibindei sar nani ne midinggai kep ser mpia-bbed him bidibindei ba, ham com nimig haigtu bi. Midiku mpia njap bijo nding ei bumbuhui ninghim lene bed com nimig bi.


noyam kin gembala di hek tut nide domba nya di noni jem hanyen kwei leu israwir eisi. Midijem yok hanyen kwei leu minu di israwir eisi hagom mem njap di mmun ken nggai kep yok ei mpe di po icut bak ide siceu nya pima.


Noni kin nide tentara kin mben ngot di injei bit noni minjei kwei ba, icoi bihwen bidem kep nok sigau. Yoni mikieng kep minu dima noyam kin bumbuhui di jun minu dima.”


Malaikati di juk sinsun di iba minghas linen bibon dima pai bu “Mpe dima lene Mikhael di malaikati di sindem di ya ser ade mben tau kwei. Leu api nijam di buhun bibor cut igkep tungwatu nya. Mun di buhun bibor di cut dima cut habiei ei nijam di mben nya ingat rin ei dihyeisi dini kikau kwei bipek nijam di buhun bibor dima nicunti bigyo. Nijam dima dem lene ade mben di inyeng jo ei Allah de sratti yahagom ingwes ngun.


Akes hukum ei nyeni dip kin nyende nibou ndig nya dip cem bit leu nok apreu ei mem nye nipou su. Abindei ba, minu ndig Yerusalem tug ndei hukum nindig bibor dor njiriek minu nindigsi nya ei dihyei nisurti-nipekti hagom ide hukum.


Hai ceng nya di inok tentara nimpung nindig gom igya kep ide minu dini. Isindem bibor ba, bit bon hi kwop imangti kan bi cem. Ikwai ninggwenti dem kep nok singa niwek nikwai di tuk di nggwen bibor.


Midingkwei mun di sar bingwig leu je ei nijam di hai ceng ningot ndig bibor igyem jide njita hagom bingwig leu je bije hanyen. Lewo Dani rino dicuk hai ceng di nok tentara nimpung ndig gom dima ug ei jide minu.


Mpia njap dindi ba, bed mmun ngwoi dem kep ninggrom nipou tirigi tuhan de Njap ningwig honti di nindig ba, kei-kau-kei cem mitau kros bigyo.


Ipri-pri nyen ei mbigdip nya ba, nibimbiti noyam kin kroba pran di mbut sindem cem. Ittau kweisi dem kep nok hum di sror ei miai ngausi nibimbiti. Ba, idis yam ei nok tentara nimpung di nindig gom leu binhyepo ikon pran bit ide siceu nya.


Je di mben Tirus kin Sidon kin Filistin jahagom e, jinggon ndei Da i? Jiba jimbuk birop biDa e? Gino jiyai nok gima ne ma jitug ndei mun di dibirop hanyen bije haninyai!


tuhan Nonti rino pai tes nungug kin houa. Noni ndo ningon kanti nya bak tungwatu nya. Noni pai tes mpia njap kin bed mmun cem ba, Noni mbut nyen ei mbigdip di jei bibor nya. Ninyeng rino tuhan Di Sindem Bibor.


tuhan de njap dideu kwei su ba, ei njap dima ne Allah miyai nibou tut Nide limwa nya igyai munti nya. Gima rino ma joom jenti nyahan ei Noho bei hak ug. tuhan tin ei mem gima ba Nide limwa nya yonti njem bibon midut di noyam kin midut nindig mindhe-ndhe ei nimbar hum dokti. Ba, Noni nduk mben Yehuda ide nitok nya kwei mem gima ihwen yok.


Njap dima dem ne hou kin biget es cut bu bi.


Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di hwen tungwatu habiei leu nimbie him kikau kwei bipek ammani kep lene kikau ug bipek njap ningwig honti cem.


Lewo tungwatu nya ei nijam dima migyai ninghuisi wei nindig bibor dor njiriek ninghuisi wei di tungwatu nya igyai habiei leu nimbie him kikau kwei bipek ammani kep cem lene kikau ug bipek njap ningwig honti cem.


Ma jiyok ngon kep nijam timiei kin nijam pung gi mimbrek ngan tu nya. Ma jihig ser jicig bat nya tut mun di pek kep ei nijam dima. Ma jihig ser andig-ndau nya tut mun di pek kep mem yok.


Jikwei ya hon mun di noyam kin mben Israel igya hon nipou pima bi. Yoni igya hon mun di bon isu inda bingget. Mun dima ne Nungug Sinai kin hum di cig-cai kin nidinditi di dindi-kai kin hou di nimig ten bibor,


Yo dini inok muk di tti nindig bibor. Ingut kanti di kinei di srou yok noyam kin muk nirai di roi-roi nyen. Inok ham di tte leu nipuig ei mpia-bbed him. Allah tin ei mpia ttou nsi di dindi-kai gom di jo ninno bijo kikau mem yok tu.


Ham dima kau dimbou leu jui dima leu api hum mmup brou dem kep hum mmup di brou kui leu komfor nindig bibor apino bindei ba, mpia njap kin mpia-bbed him dindi-kai.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ