YOEL 2:19 - ALLAH NIHYET MEM TUNGWATU NYA

¹⁹ Noni buhup “Nogindini midiyai gandum ngat kin ba anggur ngei kin mini zaitun bije nok njita apino mijinggum bu bi. Midisindui sut ba, ngkiai nya ingwes pri gau je bipa ndip je bu bi.

YOEL 2:19 ပူးပေါင်းရင်းမြစ်များ

YEREMIA 31:12

Iba iimaisi di sieng kei kin ingon di llei bibor bikwei ei Nungug Sion. Iba doia bikiek mun di dinjei bak yoni nok gandum kin mini zaitun kin ba anggur ngei kin sapi kin domba nya. Midibindei ba, inok miai di nnum bibor ei minyei nggram kieti nya apino indwau sut mun nyeng hi bu bi.

YEHEZKIEL 34:29

Midibindei ide beisi nya hagom nnum kei apino bed di biang ninggum mitau kep yok ba, mben ngkiai nya ingwes moom kep yok bu bi sren.

YEHEZKIEL 36:15

Dihyei dini mimiap kep ngkiai nya di iba ighyet bicig yok ba, inghim koi sut tungwatu ighyet di kinei sut yok bu bi. Dihyei dini misiber mben di ibong niti nya inggrom bu bi. Da di tuhan Di Dinyeng Jei Bibor disimbot dat tu.”

YEHEZKIEL 36:29

Midikwek je leu map di kui jeti hagom. Midipui dihyet tut jide gandum ba, hagom nnum kei apino ninggum mihwen je bu bi sren.

YEHEZKIEL 36:30

Midibindei ba, jide biei di ningat ntun him nya nggrou kei. Jide beisi nya nnum kei leu binhyepo ninggum di buhun di bindei ba, ngkiai nya ingwes om kep jeti micut igkep je bu bi sren.

YEHEZKIEL 39:29

Miduhug Dinnei ei mben Israel dip lene midikes yok ei bu bi sren. Da di tuhan Di Dinyeng Jei Bibor disimbot dat tu.”

HOSEA 2:15

Midingkwei nide miai ba anggur nghousi hanyen binoni bidibindei ba, nide Mbang Briep Ningon Buhunti luei nitta binok dimbou niyok ningon memti. Noni miya um Da ei sirima noyam kin nijam di noni sindi kwei leu Mesir nok sop gwam nitta pilei.

HOSEA 2:21

Mpe dima lene midibuhup Ditde limwa di mben Israel ighyet tirigi ingat nadi.

HOSEA 2:22

Midibindei ba, mpia but leu mpia-bbed him ug ei dihyeisi mu leu binhyepo gandum kin ba anggur kin mini zaitun ngat ningat nindig bibor.

YOEL 1:10

Jide beisi nya hagom dem kep nok iggum ndigsi ba, dihyei ningon ngguk tut gandum ngat di timek bingwig kin ba anggur ngat di ningei ngwig leu kin biei zaitun di ningei ngwig cem.

YOEL 2:24

Jide ig gudan di jillet gandum ninjep leu nisina bai eisi mimpung tut gandum ngat lene jide bak di jo simiak mun di jikimut biei ngat eisi ut tut ba anggur ngei kin mini zaitun bimpung pias hagau.

IMAM NYA IDE MIDYAI 26:5

Njita ningat nindig bibor mintun him jide miaisi nya apino mpe di tto bou dem mem jipuk ba anggur ngat lo, no jike jide gandum nintam hagom kin yam yo. Ba, mpe di tto bou dem mem jigimahap gandum ngan lo, no jipuk kep ba anggur ngat yo. Jide njita midem mem jiyem kep jinggum dor njiriek ba, mijibong kei jigwam kei ei jide minu dima.

ZAKHARIA 8:12

Yoni miba ingon di jo nyahan bigimahap ningan ei miaisi. Ide ba anggur nya mingat ningat ba, ningat di kei mintun dihyei njek dip mem yok. Dibindei ba, biget but bibor mem yok. Midinjei mun di kei dima yok hagom bak Ditde limwa di ingwes ngun nya.

MATIUS 6:33

Noro ma jibrim jingkek mem nikuk je bak Allah di ninyeng tak kep jeti ba, jiyai igbit ningon kanti nipou ug e. Leu api Noni miyai mun di nindigsi pima hagom bije.

NINDAT KEP TUHAN NICUKTI NYA 11:14

Gino jibon nok gima lene Noni mibindei but biget ei jide dihyei dip son dideu bed di biang hou kin bed di biang mpia ngei cem. Leu binhyepo jide gandum ngan kin ba anggur ngei kin mini zaitun,

SRAT RUT 1:6

Mpe hi bu tirigi Naomi bong ningkiaisi ei minu Moab lene noni miap tut mben Israel inghapti bipia tuhan ngondut yok bibindei ba, ide njita ei beisi yai ningat nindig bibor hanyen bu. Gima rino noni kin nignyot bat cin itin ei mem ingkwei hanyen leu minu Moab.