YOEL 2:17 - ALLAH NIHYET MEM TUNGWATU NYA

¹⁷ Suar imam nya di ibon midut bak tuhan ei nimbar hum dokti kin tuhan De Ig nide bisai ma kwei nikieti igyai nggwei kibor bingat nadi “tuhan e, ma angondut Ade limwa nya. Ma asindui sut ngkiai nya bingwes pri gau nye ba, iba ighyet bicig nye tirigi ipai ‘Mben Israel ide Allah No ritou i?’ ”

YOEL 2:17 ပူးပေါင်းရင်းမြစ်များ

NIBOU NDIG NYA GI NIGOM 6:3

Lene ninsi di ndam bisai nijeisi meter bitai biniken lene ninyanti meter muhwindatai noyam kin ig dima ninsi ninyanti.

NIBOU NDIG NYA GI NIGOM 9:7

lene midijji Ditde limwa nya leu ide minu di diyai biyok dini ba, midikes Ditde Ig di didimig ei mem tungwatu nya ikuk yok biDa eisi dini ei. Apino tungwatu dihyeisi dini hagom mporo ingwes moom kep mben Israel ba, mipa tut yok.

NIBOHON MBEN ISRAEL GI NICAN 7:20

lene mporo dibindei hei je leu minu dini di dikes bije tu. Lene midikes Ig di ditak buk kep nok gumihyep nikuk no biDa eisi dini ei bidimbut leu. Leu api tungwatu nya bidem minu miba ighyet bicig ig dini bipa tut cem.

NIBOHON MBEN ISRAEL GI NICAN 8:12

Salomo bui mindhe-ndhe nikwas bindig titut ei nimbar hum dokti di ngot ei tuhan De Ig nuhui ba, bikuk no bak tuhan.

NEHEMIA 9:36

Gima rino nogindini ninok awak ei nyende nitimieisi di ayai binye nipou su. Ningat ne suar nyeni ningon llei bibor tut minu di nnum kei cem di mpung tut njita cem dini noro bi.

MAZMUR 115:2

Nggon rino ngkiai nya ihig ser yam “Ide Allah No ritou i?”

MAZMUR 42:10

Allah ne No di ya srak ko hagau da ri. Gima rino dihig ser Noni “Nggon rino angon prion ser da tu i? Nggon rino ditde siceu di isibut bibor nya ibindei ba, mun di buhun bibor cut igkep da i?”

MAZMUR 42:11

Ighyet di tigut da tereu nok gi ditug midut. Leu api ihig-hig nyen da “Ade Allah No ritou i?”

MAZMUR 42:3

Allah di niyaijo e, diyok dingon mem Na. Apig bu leu api mibon nituti mem da leu binhyepo dihwou kuk da biNa ei Ade Ig i?

MAZMUR 42:4

Dipim kikau mem mmun-njap bidiyem kep diyai nggwei noyam kin diyem njita. Ditde siceu nya ihig da mem njap jei bipai “Ade Allah No ritou i?”

MAZMUR 74:10

Allah e, nyende siceu nya miba ighyet bicig Na ug bipek njap pig bu i? Mpaba ighyet tigut anyeng bijo kikau e?

MAZMUR 79:10

Ma acuon ser ngkiai nya di ihig ser yam tut nye bipai “Ide Allah no hantou i?” Asindui sut ba, ningat hukum di akes ei yo di igyai nimai bak Ade awak nya dip bou nyeni niyai him.

MAZMUR 79:4

Mben ngkiai di ibong ttai nye ighyet tigut nye. Ipa tut nye ba, iba ighyet bicig nye.

MAZMUR 89:41

Anggek ngug tig di bikrop ttai nide minu ndig kin tentara nibousi di igya coi nya tu.

MAZMUR 89:51

Ma angon prion ser ighyet di kinei sut da di dinok ade awak kin ngkiai nya imang bibor di ighyet wer mpiahi tut da au.

NEHEI LEUSI 34:9

Lene noni pai “tuhan e, Gino ajoi sut da lene abit nye di mben Israel kak nimbutti nya. Jo nibreisi bipia Ade limwa nya ingkek ndok noro ma akos ser nyende mun di kinei kin nyende sisar leu api asindui sut nye bininok Ade limwa nya.”

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

YESAYA 37:20

Nyende tuhan Allah e, ma ateu nye biningwes ngun leu mben Asyur dima inda nsi leu binhyepo ngkiai nya ei dihyeisi dini hagom ikan tut bipia Nangkom ngat he rino tuhan.”

YEHEZKIEL 20:9

Lo, digiyai nok ditin eisi mem yok dima bi. Leu binhyepo mben Mesir di ibong ei minu di Ditde limwa nya ibong eisi dima ighyet kinei sut dinyeng bi. Lewo dipai bak Ditde limwa nya ei mben Mesir dima yahagom yoho bei bipia midibuwak yok biyehei leu minu Mesir.

YEHEZKIEL 8:16

Lene Noni buwak da ug ei mpia di jo bas hak gom di jo ei tuhan De Ig ninsi bidingat lo, ibou nyatungwagom muhwi ingat rin ei nimbar hum dok kin bisai di ibicoi kwei ei Ig dima nikieti. Iba inghim bak ninsi di kwes lene iba ibiau bicom mpia bikuk yok biba ingwak bikik mpia ndam bei mpia nipriti ba, ikuk yok bak mpia njap di pri kwei.

HOSEA 14:2

Je di mben Israel e, ma jingkwei hanyen ndam tuhan di nok jide Allah. Jide sisar bindei ba, jicut tu.

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

YOEL 1:9

Gandum ningat kin ba anggur ngei ngwig leu midut nya di ibon ei tuhan De Ig tu. Gima rino imam nya di iba ingon gom bibon midut nya bak tuhan yahagom ingon ngguk tut.

AMOS 7:2

Dingat lo, hai ceng nya igyem mun di ngun bikwop ninyeng hagom ei minu dima leu api dipai biNoni “tuhan Di Ninyeng Jei Bibor e, ma akos ser Ade limwa nya ide sisar! Lewo imien ba, inghuisi wei bibor cem. Notou ingwes ngun i?”

AMOS 7:5

Lene dipai “Cobi! tuhan e, ma abindei ba, hum kes hon bisror bu au! Lewo Ade limwa nya isindem bi ba, inghuisi wei bibor cem. Notou ingwes ngun i?”

MIKHA 7:10

Nipou ne ide siceu nya ingwes om kep nye bihig ser nye “Jide tuhan Allah No ritou i?” Noro tini bu ne yoni ingat mun di Noni bibon mem nye hagom bou igyai him leu api immai sut yonti. Nyeni mingat siceu nya di ibindei timek yok bico kep yok nok igkrop puigsi bou igyai him.

MALEAKHI 1:9

Je di imam nya e, nogindini ma jahara Allah leu binhyepo ngondut nye. Noni mibuhup jide nadi bi. Suar jibiang jide nitunggwei sut Noni nibuhunti.

MBEN ISRAEL IMBUT-MBUT NYEN 25:6

Mpe di gom tirigi Musa kin limwa mben Israel yahagom ipim ba, ibikiek-kiek nyen kui dimbou ei tuhan De Prang Meng nuhui lene ingat lo, limwa mben Israel gom buwak sop Midian gom ug ei nide prak meng nsi.

MATIUS 23:35

Gima hagom nok apino mijitug ndei hukum drek dip yo di ingon ngun nya di tungwatu nya ikimukep yok yahagom ei nimbie him tirigi ikimukep Habel di ningon ngun kikau kwei bipek nijam di je di mben Yahudi jikimukep Zakharia di Berekhya nipmot ei Allah De Ninsi Di Kwes kin nimbar hum dok nikieti.

MATIUS 27:43

Noni ba ningon com Allah lene pai sut Nonti bipia Noni ne Allah Nipmot ri. Gi nok ne itou kep gino Allah miteu Noni biningwes ngun nogindini e?”

NINDAT KEP TUHAN NICUKTI NYA 28:37

Mben hiter di ingat je ei mpia di tuhan bindei ntek gimahap je ug eisi midigit tut mun di cut igkep je. Yoni miba ighyet bicig-cig nyen je ba, ibipa tut je cem.

NINDAT KEP TUHAN NICUKTI NYA 32:27

Noro dikou sut gima ide siceu nya inggei sut yonti bikan bipia yonti rino ico kep Ditde limwa nya bingwig a.’ Lewo Da di tuhan ridibindei ba, Ditde limwa nya icut bak ide siceu nya tu.

YOSUA 7:9

Mben Kanaan kin yo di nindigsi nya ei minu dini mimiap tut nyeni ninghapti leu api migyon ttai nye bigyai nimai bak nahagom hak ug! Leu api abon mindei mem gima abicuon Anyeng Di Jei i?”