YOEL 2:16 - ALLAH NIHYET MEM TUNGWATU NYA

¹⁶ Ma jinduk tungwatu nya yahagom ei gom. Ma jihig andigpoi nya kin munggwom nya kin ningwoi-ngwoi nya yahagom kwei. Nok gima cem ma pinai wak cam nya kin sop wak cam nya yehei leu ide ig bei ba, idem yam.

YOEL 2:16 ပူးပေါင်းရင်းမြစ်များ

NIBOHON MBEN ISRAEL GI NICAN 20:13

Mpe dima lene pinai Yahudi nya kin itnem bat imunggwom bat nya yahagom no igya kui tuhan De Ig ei dimbou heisi ba,

NIBOHON MBEN ISRAEL GI NICAN 29:5

bimbrap bit yok ei mpia di jo bas hak di iba ngug tig bikrop ttai dima. Noni pai biyok “Suar je di Lewi nya jidimig jenti pijum hak ei mem tuhan. Lene ma jibindei pwoi jidigup bat-jidigai bat nya ide tuhan Allah De Ig. Suar jicom mun nyeng di bindei dino map kui Ig dima hagom leu ug e.

NIBOHON MBEN ISRAEL GI NICAN 30:17

Yo di idem yam ei dima imang bibor ibindei pwoi yonti bigyo. Gima rino bit bon ibui domba Njap Ndig Paskah dima kan bi. Apino Lewi nya he ibui domba nya bindig ei nimbar hum dokti mem yok nok mun di limwa ibikuk yok bak tuhan.

NIBOHON MBEN ISRAEL GI NICAN 30:19

“tuhan Allah di nidigup bat-nidigai bat nya ikuk yok bak e, mbro nok gino yo dini ibindei pwoi yonti bigyo lo, ma akos ser yo di iba ingon titut bikwei kuk yok biNa dini ide sisar bit leu Ade nisingat tut tungwatu nyati.”

NIBOHON MBEN ISRAEL GI NICAN 35:6

Suar bikwop jahagom jikos domba kep nibon midut Njap Ndig Paskah. Tut gima lene jibindei pwoi jenti nipou ug e leu binhyepo jikuk je bak tuhan. Jibitin ei mindhe-ndhe di jindig ei nimbar hum dokti mem gima jibikuk je bak tuhan cem. Leu binhyepo tug hon nisinati dima lene limwa mben Israel nindigsi nya cem idem mem gima ibindei mbut tuhan De nicuk nyeti di tug hon Musa.”

AYUB 1:5

Mpe di igyem pesta ba, ngwig binjap kep lene Ayub kiju mem ha yausi leu api bon midut nibiyai ningon kwesti mem nimunggwom bat nya bibindei ba, ingon kwes kin tuhan. Lewo noni kan bipia hi rima simunggwom gom bon sisar ba, nihyet wer mpiahi tut Allah e? Sikan tut bi.

MAZMUR 19:5

Noro ighyet tibim kikau ug ei dihyei nisurti-nipekti. Ipaisi tibim ug bipek minu nohon keti. tuhan ngot ig ei mpia-bbed him mem mpia njap.

NEHEI LEUSI 19:10

Nogindini ma aug ngat yo dima ba, acuk yok bipia njap di ammani kin njap di hyep cem suar itin ei mem gima ikuk yok biDa. Suar yahagom itot ide sinsun bipwoi,

NEHEI LEUSI 19:15

Lene noni binut bu bipai “Ma jitin ei mem njap di can ba, hon njap dima ne ma jiyem njita tut yam au.”

NEHEI LEUSI 19:22

Gino imam bihi ikwei dideu Da lene suar ibon midut ser ma map kui yokti bi. Gi bi lene midikes hukum ei yok dip.”

YOEL 1:14

Ma jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei. Ma jihig jide nibou nya kin yo di inyeng jei nya kin jide limwa di timiei minu Yehuda yahagom kwei ei tuhan De Ig leu binhyepo yahagom yahara Noni kwei mpu yok.

MATIUS 21:16

Gima rino ihig ser Yesus “Amiap mun di tibim ei munggwom dima yok yuhui him e?” Noni ce “Dimiap tu. Jikwop leu Allah Nihyet di pai ‘Angginau munggwom kin ningwoi-ngwoi nya leu binhyepo iba ingon di gom binggei sut Na’ pima bi e?”

MATIUS 9:15

Yesus buhup “Jikan bipia yo di induk yam kwei mem pesta niwak yamti ingon buhun tirigi pinai di wak nitnem ningat rin bit yok e? Nok bi! Noro ei nidipti bu tirigi pinai dima ningat rin bit yok bi lene yoni migyem njita bi mem nituti poi.

KORINTUS GI NIGOM 7:5

Ma jicuon jenti leu yam tut gima jiyem njita tut yam au. Gino jice tut yam nipou ug e leu binhyepo juhuk nadi mem nituti poi lene nok. Gino juhuk nadi biput tu lene ma jikinyon ei niyem njita tut yamti hanyen. Tug hon nisinati dima lene jibindei bijimbres jenti leu Bilis nibingon jeti lewo joom kep jingut kanti nya kan bi.

YOSUA 7:13

Yosua e? Akiju ba, aya hak ug! Lene ma abindei kwes limwa mben Israel yahagom leu binhyepo itin ei mem gima ikwei ya ei Doho bei. Acuk yok bipia suar itin ei mem njap di hyep lewo Da di dinok ide tuhan midipai biyok ‘Mben Israel jen! Ndigban po dicuk je bipia suar jibindei sar pima hi no jo bit je yo. Gino jicom ndigban dima yok bi lene bit bon jahau mem gima jikon pran bit siceu nya cem kan bi!’

YOSUA 8:35

Yosua kwop kep tuhan nikos tutti nya di tug hon Musa gom-gom sindam bak limwa mben Israel di idem yam ei mpia dima yahagom bitut sop nya kin munggwom nya kin ngkiai nya di ibong ei ikieti nya yahagom hak.

SAMUEL GI NIGOM 16:5

Lene noni buhup “I, dingon kwes kin je lo, dikwei mem dibon midut nindig mindhe kep hum bak tuhan. Ma jibon midut nipiap jenti bipwoi leu api jikwei bit da.” Lene noni cuk Isai kin nipmot bat nya cem bipia ibon midut nipiap yonti bipwoi leu api hig yoni cem ikwei bit nibon midut nindig mindhe kep hum bak tuhan dima.