YOEL 2:15 - ALLAH NIHYET MEM TUNGWATU NYA

¹⁵ Ma jimiep pun mbrei ei Nide Nungug Sion. Jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei.

YOEL 2:15 ပူးပေါင်းရင်းမြစ်များ

NIBOU NDIG NYA GI NIGOM 21:12

Itto njap dima igyem njita mem nituti poi bit yam leu api yahagom induk yam ei gom ba, ikes Nabot bigwam bibie leu nindigsi nya.

NIBOU NDIG NYA GI NIGOM 21:9

Bicuk yok tug hon srat dima “Jinduk yam ba, jahagom jitto njap gom biyam leu binhyepo timiei Yizreel nya igyem njita bi mem nituti poi lene yahagom induk yam ei gom. Lene ma Nabot gwam bibie leu nindigsi nok no di jahagom jinggei sut noni.

NIBOU NDIG NYA GI NICAN 10:20

Yehu cuk yok “Suar jindo ngon bou gom pijum ei mem gima ikuk yok bak Baal.” Gima rino yo dima igyai igbit nicuk yokti dima,

YESAYA 1:13

Jittei mun di jibikuk je biDa dima mikui-kausi. Ninghap bindei ba, dingon him wei bibor. Diyai ngkek ttin ser jide njap ndig Bed Jep kin Njap Nigwam Kep Ninghuisi bitut jide njap ndig di jibon midut nindigsi nya cem. Jide sisar bindei ba, map kui njap dima hagomti tu.

YEREMIA 36:9

Tirigi Yoyakim nok nibou ndig mem minu Yehuda ei ari bingwam muhwi ba, bed muhwindatai su lene tungwatu nya igyem njita bi mem nituti poi leu binhyepo ibindei ba, tuhan ngondut yok. Timiei minu ndig Yerusalem nya bitut yo di induk yam kwei leu minu ndig nya ei minu Yehuda yahagom igyem njita bi mem nituti poi.

YOEL 1:14

Ma jicuk jide limwa nya leu binhyepo isindui njita mem nituti poi leu api induk yam ei gom mem gima imbus yam ei. Ma jihig jide nibou nya kin yo di inyeng jei nya kin jide limwa di timiei minu Yehuda yahagom kwei ei tuhan De Ig leu binhyepo yahagom yahara Noni kwei mpu yok.

YOEL 2:1

Ma jimiep pun mbrei bijibui brem-brem di bindo tut mun di buhun ei nungug Sion di Allah de mpia di dia-diau kei. Je di timiei minu Yehuda e, ma jinghuisi mpig sut tuhan De Njap lewo dideu kwei su.

MBEN ISRAEL IMBUT-MBUT NYEN 10:3

Tirigi pun mbrei hacem nibimbi bong lene bindo bipia suar limwa nya yahagom idem yam ei ba, igya ttai nani kui dimbou ei Ditde Prak Meng nuhui a.