YOEL 2:12 - ALLAH NIHYET MEM TUNGWATU NYA

¹² tuhan pai “Nogindini ma jiba jingon titut yam bingkwei hanyen ndam Da. Ma jisindui njita mem nituti poi bijingon ngguk tut jide sisar ba, jiyai nggwei kibor cem.

YOEL 2:12 ပူးပေါင်းရင်းမြစ်များ

SAMUEL GI NICAN 24:10

Noro tirigi Daud bindei ba, Yoab nya ipas kep limwa dima imangti leu su rino ningon huk niti bikan lo, bon mun tunggwei sut tu. Leu api hara bak tuhan bipai “tuhan e, dibon sisar nindig bibor tu! Nnaba akos ser ditde sisar lewo diyai munti dima bindo tut dingon di mbum bibor.”

NIBOHON MBEN ISRAEL GI NICAN 30:6

Ipinak tungwatu nya bigya bidem minu Yehuda kin minu Israel titut yam bit leu nibou ndig kin yo di igya kui noni icuk yokti leu binhyepo ittei srat di nibimbiti pai, “Limwa Israel jen, jingwes ngun leu mben Asyur inda nsi tu. Gima rino nogindini ma jingkwei hanyen ndam Abraham kin Ishak kin Yakub ide tuhan Allah di yoni ikuk yok bak. Ba, joom jenti bijinok awak mem Noni leu binhyepo Noni cem mikwei bimpu jeni hanyen.

NIBOHON MBEN ISRAEL GI NICAN 6:27

lene ma angig atingou ei gwamti mem ighyet. Akos ser Ade awak di mben Israel ide sisar di ibon nya. Angginau yok tut puig di igbit. Leu api tuhan e, abindei ba, mpia but hanyen bidem minu di ayai bak Ade limwa nya mem gima ijem bou yok nok ide bijo ninno bijo kikau.

ESTER 4:16

“Anduk limwa Yahudi di ingat rin ei minu ndig pmem Susan dini yahagom bidem yam lene ma jingat nadi tindei da. Ma jiyem njita kin jidut ndia ngei bi ei ninsi njap nitindur ningai. Dani cem midiya tut ditde awak sop gwam nitta pilei di inyohou dani ba, niyem njita ba, nidut ndia ngei cem bi. Nyeni igyai nok gima nipou leu api duug ngat nibou ndig. Mbro nok gino ditunggwei sut nicuk nyeti pima lo, nna ug. Gino suar dimai drek dip ditunggweisi dima lene midimai hak ug.”

NEHEI LEUSI 33:5

Lewo tuhan sok nihyet ei Musa dip mem yoni bipai “Jingkek ndok bibor. Nok gino dingat rin bit je jei bi lo, midicok tut je bijingwig. Gima rino ma jipas jide mun di jindei hagom leu api midikos tut dingon kanti mem je.”

YESAYA 22:12

tuhan Di Ninyeng Jei Bibor di Sindem Bibor cem cuk je ei mpe dima leu binhyepo jipim ba, jibwos-bwos nyen cem jikak jibou nta leu ba, jibijuk sinsun kron cem.

YESAYA 58:4

Tirigi jiyem njita bi mem nituti poi lene jibui yam ba, jibroi leu yam bijimbuk tut yam cem. Jikan bipia jiyai munti dima mibindei ba, dingig ditingou mem jihyet e?

YEREMIA 3:22

Je di jiba jinghim bak tuhan jahagom e, ma jingkwei hanyen ndam Noni! Noni mibindei ba, jikei hanyen bijingon gom tut Noni. Leu api jipai “I, nogindini nikwei ndam tuhan lewo Noni ne nyende Allah ri.

YEREMIA 36:7

Mpaba ahyet dima mibindei ba, yoni mingat nadi bak tuhan bittin ser igyai munti di kinei bibor nya. Lewo tuhan ba nigga biborti bicug yok tu.”

YEREMIA 4:1

tuhan pai “Ditde mben Israel jen, gino jijoi sut jingkwei hanyen lene ma jingkwei hanyen ndam Da. Ma jicom kwar di dingon mpo tut nya nipou ug e. Leu api jiba jingon gom bibit Da.

YEREMIA 4:2

Gino jeheng bitug hon dinyeng ba, jiba ningon srenti kin ningon gomti kin niyaijo igbitti biyai niyai munti lene ngkiai nya yahagom miyahara Da leu binhyepo dinjei mun di kei bak yoni drek dip leu api ibikon dinyenga.”

YEHEZKIEL 33:11

Ma apai biyok bipia deheng bitug hon Danti di tuhan Di Dinyeng Jei Bibor cem Allah di niyaijo cem dinyeng bipia dingon kei drek dip no di mbuk nitug midutti bi. Noro dijoi sut gino noni ttin ser nide sisar leu binhyepo hek tut niyaisi. Je di mben Israel e, ma jimbres jenti leu sisar hagom. Nggon rino jingon llei sut gi jitug ndei nimai i?

DANIEL 9:3

Leu api duhuk nadi kikau bak tuhan Allah leu binhyepo Noni ngondut Nide limwa nya. Diyem njita bi mem nituti poi bidijuk sinsun kron cem ba, dikuk da bidigwam atriemti.

HOSEA 12:6

Allah dima ne tuhan Di Ninyeng Jei Bibor ri. Ninyeng rino tuhan. Suar tungwatu nya ikuk yok biNoni tug hon ninyeng tuhan dima.

HOSEA 12:7

Gima rino je di jintun Yakub him e, ma jiba jingon com jide Allah ba, jingkwei hanyen ndam Noni. Ma jinyohou ningon ngakei Allahti kin ningon srenti. Ma jigwam nyahan ba, joom jingon bibou jide Allah kiju ba, brim ningkek mem je ug e.

HOSEA 14:1

Midikes hukum ei mben Samaria dip drek dip gi ikiek imig jou tut Da. Timiei minu dima ikon pran noro mitug ndei nimai. Ide siceu nye minjei ningwoi-ngwoi nya hagom ug ei pimbien behei bimai leu lene iriu sop di inghop tu nya yahagom ba, inghop tigwau bitau ug.”

HOSEA 6:1

Mben Israel ipai biyam “Jikwei ba, yahagom ingkwei hanyen ndam tuhan. Noni yai ninghuisi wei binye noro bindei ba, ikei hanyen. Noni bindei ba, ibok-ba noro Noni ba perban bingot kep hagom hanyen.

YOEL 1:13

Je di imam di jiya kui nimbar hum dok e, ma jijuk sinsun kron bijiyai nggwei kibor! Ma jicoi ug ei tuhan De Ig leu binhyepo jingon ngguk bibor mem mmun kikau binjap kep! Lewo gandum kin ba anggur ngei di jibikuk je bak jide Allah hi bu bi.

ZAKHARIA 7:3

lene hi cuk yok bikwei hig ser imam nya kin nabi nya “No suar niyem njita mem nituti poi bi bikwop bed nimuhwi drek dip tuhan De Ig ninggekti bit leu nok nibon kikepti mem ari bingwam pimu kwei bijo kikau yo e?”

ZAKHARIA 7:5

Noni pai “Ma atri tut bak timiei minu dini kin imam nya yahagom bipia mpe di jiyem njita mem nituti poi bi ba, jipim bijibwos-bwos nyen mem bed nimuhwi kin bed nimuwindacan mem nijam ari bingwam ningot muhwindacan pima ne jibikon dinyeng bi.

MALEAKHI 1:9

Je di imam nya e, nogindini ma jahara Allah leu binhyepo ngondut nye. Noni mibuhup jide nadi bi. Suar jibiang jide nitunggwei sut Noni nibuhunti.

KISAH 26:20

Ditri tut nihyet bak tungwatu nya bipia suar ittin ser ide sisar lene iba ingon com Allah ba, iba igyai munti nya cem bindo brei bipia ittin ser ide sisar. Ditri tut nihyet dini ei minu ndig Damsyik nipou leu api ei minu ndig Yerusalem lene bidem hanjop Yudea cem ba, kikau ug bipek ngkiai nya.

NIJAM NIKEI NYA 2:4

Niabiati malaikati dima pai biyok ne mben Israel yahagom ipim kui jei sut nihyet.

NIJAM NIKEI NYA 20:26

Apino mben Israel ingkwei hanyen ug ei minu ndig Betel ba, ipim ei tuhan Noho bei. Yoni igyem njita bi kikau bimmun kep. Lene ibon midut nibiyai ningon kwes kin Allahti cem midut nindig mindhe titut kep humti cem bak tuhan ei mpia dima.

SAMUEL GI NIGOM 7:3

Lene Samuel pingok mben Israel ingonti bipai biyok “Gino jikos tut bipia jiba jingon titut yam bikuk je bak Allah lene ma jicom kwar Asytoret kin kwar nindigsi nya di jikuk je bak hagom leu je ug e. Lene ma jikes jenti titut yam bak Allah ba, jikuk je bak Nongkom cem leu api Noni miteu je leu mben Filistin indati.”

SAMUEL GI NIGOM 7:6

Gima rino yahagom induk yam kwei ei Mizpa ba, ibon midut nitau nisiber minyei ei Allah Noho bei. Leu api igyem njita bi ei ninsi njap nitindur gom dima. Yahagom ice tut yam bipai “Nibon sisar tut Allah tu.” (Ei minu Mizpa ne Samuel sindi gwam nok nikei ba, mbus mben Israel di iba ighyet dahat yam ingonti.)